𝐏𝐫𝐞𝐚𝐜𝐡 𝐋𝐢𝐟𝐞 𝐉𝐨𝐲 𝐃𝐞𝐬𝐭𝐚 𝐎𝐟𝐟𝐢𝐜𝐢𝐚𝐥

15/06/2026

! ውድ አንባቢዎቼ በዚህ አጭር ጥናታችን ክርስቶስን (ሙሽራውን) ልንቀበለው እንተጋለን:: ምስሉም ይናገራል👇

1. ኢየሱስ ሲመጣ ያለ ነቀፋ የሚያዩት እነማን ናቸው?

መጽሐፍ ቅዱስ እንደሚያስተምረው ጌታን በደስታ የሚቀበሉት በእርሱ የሚኖሩ፣ በቅድስና የሚመላለሱ እና መምጣቱን የሚናፍቁ ናቸው።

#ማስረጃዎች:- 1 ዮሐንስ 2፥28 – "በእርሱ ኑሩ፤ ሲገለጥ ድፍረት እንዲኖረን በመምጣቱም በፊቱ እንዳናፍር።" ዕብራውያን 9፥28 – "ለሚጠብቁት ለመዳን ሁለተኛ ጊዜ ይገለጣል።" 1 ተሰሎንቄ 5፥23 – "መንፈሳችሁ፣ ነፍሳችሁና ሥጋችሁ ያለ ነቀፋ ይጠበቅ።"
ማቴዎስ 5፥8 – "ልባቸው ንጹሕ የሆኑ ብፁዓን ናቸው፤ እግዚአብሔርን ያያሉና።"

2. የመምጣቱ ምልክቶች ምንድናቸው?

ኢየሱስ በማቴዎስ 24 እና በሉቃስ 21 የገለጻቸው ምልክቶች፦

✅ የሐሰት ክርስቶሶችና ነቢያት (ማቴ 24፥5፣11)

✅ ጦርነቶችና የጦርነት ወሬዎች (ማቴ 24፥6)

✅ ረሃብ፣ ቸነፈርና የምድር መናወጥ (ማቴ 24፥7)

✅ የኃጢአት መብዛትና ፍቅር መቀዝቀዝ (ማቴ 24፥12)

✅ ወንጌል በዓለም ሁሉ መሰበክ (ማቴ 24፥14)

3. እንዴት ነቅተን እንጠብቅ?

① በንስሐና በቅድስና በመኖር: 1 ጴጥሮስ 1፥15-16

② በጸሎት መትጋት: ሉቃስ 21፥36 – "ሁልጊዜ ጸልዩ።"

③ ቃሉን በመጠበቅ: ዮሐንስ 14፥23

④ ፍቅርን በመኖር: ዮሐንስ 13፥35

⑤ በእምነት ጸንቶ በመቆም: ማቴዎስ 24፥13 – "እስከ መጨረሻ የሚጸና ይድናል።"

#ማጠቃለያ:- ጌታ ኢየሱስ ሲመጣ ያለ ነቀፋ የሚቆሙት በእርሱ የሚኖሩ፣ በንስሐና በቅድስና የሚመላለሱ፣ በፍቅር የሚኖሩ እና መምጣቱን በናፍቆት የሚጠብቁ ናቸው።

"እነሆ፥ በፍጥነት እመጣለሁ፤ ልብስህን እንዳታጣ የሚነቃና ልብሱን የሚጠብቅ ብፁዕ ነው።" (ራእይ 16፥15)

🙏ውድ አንባቢዎቼ ይህንን ጥልቅ ጥናት አብራችሁኝ ስላጠናችሁ እግዚአብሔር ይባርካችሁ! እስኪ ልጠይቃችሁ ሳትዋሹ አንብባችሁ የጨረሳችሁ በትምህርቱ ምን እንደተጠቀማችሁ አስረዱኝ! በብዙ ድካም ወደእናንተ ትምህርቶችን እያዘጋጀሁ እንደማቀርብ አትርሱ! ሁል ጊዜ በሁሉ ከጎኔ ስለምትሆኑ እግዚአብሔር ይባርካችሁ እላለሁ!!

ወንድማችሁ Desta Wendmu (Joy) Official ነኝ! መልእክቴን ከወደዳችሁና ጠቃሚ እንደሆነ ካመናችሁ ለሌሎች እንዲደርስ በቅንነት ሼር አድርጉ እንጂ Coppy Peste በማድረግ በራሳችሁ አትለጥፉ please!! ደግሞም ሀሳባችሁን በComment section ላይ በማስቀመጥ አብራችሁኝ አገልግሉ!! በማድረግ ደግፉኝ ተባረኩ! WhatsApp number 091 380 2310

👉Telegram link https://t.me/destwond

👉Facebook group https://www.facebook.com/share/g/1CkLcFMMvM/

👉Tiktok Link https://www.tiktok.com/.desta.wendimu?_r=1&_t=ZS-96XwGwHSbVE

15/06/2026

! ውድ አንባቢዎቼ ዛሬ አንድ ሳነበው ያገኘሁትን ታሪክ ከመንፈሳዊ ሰዉ ጋር እንደ እግዚአብሔር ቃል ላስተያይ ወደድኩ: ታሪኩ እንደዚህ ነው:-
ፕሮፌሰሩ ከዩኒቨርስቲው ወጥቶ ታክሲ ሊሳፈር ሲል፣ እዚያው አካባቢ ራሳቸውን 'አራዳ ነን' ከሚሉ ወጣቶች ጋር በታክሲ ሰልፍ ምክንያት ይጋጫል። ወጣቶቹ መሳደብ ሲጀምሩ፣ መምህሩም ተሸናፊ ላለመሆን እልህ ውስጥ ገብቶ መልሶ ይሰድባቸው ይጀምራል።

ወጣቶቹ ነገሩን ወደ ጨዋታ ቀይረው በግሩፕ ዜማ እየፈጠሩ ሊያሸማቅቁት ተያያዙት። ፕሮፌሰሩ እጅግ ተናዶ'እናንተ ማሂሞች! እኔ ማን እንደሆንኩ አታውቁም...' እያለ ጩኸቱን ቀጠለ።

የሚሆነውን ከሩቅ ሲመለከት የነበረ አንድ አስተዋይ አዛውንት ወደ መምህሩ ጠጋ ብሎ ከወጣቶቹ መሃል አውጥቶት ወደ አንበሳ ግቢ ይዞት ጉዞ ይጀምራል ወደ ስፍራውም ሲደርሱ አንድ ግዙፍ የዱር አለቃ (ንበሳው) በታጠረ ጠባብ ቅጥር ውስጥ ይንጎማለላል። ህፃናት ሳይቀሩ ብዙ ሰዎች ከብበው ይሳለቁበታል፣ ያዩታልም።

👉ትልቁ ሰው መምህሩን ምን አስተዋልክ?" አለው። መምህሩ በቁጣና በንዴት ውስጥ ስለነበረ ምንም እንዳልገባቸው በጥያቄ ምልክት ተመለከተው።

"ይህ አንበሳ በዱር ውስጥ ቢሆን ኖሮ ህፃናት ይቅርና ጀግና ነኝ የሚል አዳኝ እንኳ ተደብቆ ካልሆነ በስተቀር ፊት ለፊት አይጋፈጠውም። በሜዳው ማንም የማይደፍረው ጀግና ነበር ... አሁን ግን በዚህ አራት ማዕዘን ብረት ታጥሮ በዝምታ ተኝቷል። ' ' ቢል ሜዳው እንዳልሆነና ምንም እንደማይፈይድ ያውቃል። አንተም ያለ ሜዳህ ከዱሪዬዎች ጋር ስትሰዳደብ መጨረሻህ ውርደትና ሽንፈት ይሆናል። ያንተ ሜዳ የምሁራን ሜዳ ነው፤ የጭንቅላት ነው እንጂ የምላስ አይደለም ይባላል!"

እያንዳንዱ ሰው የበላይነቱን የሚያሳይበትና ክብሩ የሚጠበቅበት የራሱ ሜዳ አለው። የአንበሳ ሜዳው ዱር እንደሆነ ሁሉ፣ የምሁር ሜዳውም እውቀትና ጭንቅላት ነው። ያለ ሜዳህ ስትጫወት ሜዳው የለመዱት ሰዎች በቀላሉ ያሸንፉሃል።

አንዳንድ ቦታዎች ላይ መልስ አለመስጠትና ዝምታን መምረጥ የተሸናፊነት ሳይሆን የማንነት መግለጫ ነው ደግሞም እጅግ ትለቅ መንፈሳዊነት ነው። ከአላዋቂዎች ጋር መከራከር የአንተን ዋጋ ዝቅ ያደርገዋል እንጂ እነሱን ከፍ አያደርጋቸውም።

ማንነትህን የማያውቁና ለዕውቀትህ ግምት የማይሰጡ ሰዎች መሃል ገብተህ እኔ ማን እንደሆንኩ አታውቁም ብሎ መጮህ ራስን ዝቅ ማድረግ ነው። አንተ ማን እንደሆንክ ሜዳህና ስራህ ይናገራሉ።

:- ይህ ታሪክ አማኞች ለእያንዳንዱ ክርክር መልስ መስጠት እንደማይገባቸው ያስተምራል። ክርስቶስ ተሳድቦ ሲያስድቡት በስድብ አልመለሰም (1 ጴጥሮስ 2፥23)። አማኝ የተጠራው በጥበብ፣ በትሕትና እና በፍቅር እንጂ ወደ የማይጠቅም ክርክር ለመውረድ አይደለም።

👉የመጽሐፍ ቅዱስ ማስረጃ

ምሳሌ 26፥4 – “ሰነፍን እንደ ስንፍናው አትመልስለት።”
2 ጢሞቴዎስ 2፥23-24 – “ሞኝነትን እና የማያስፈልጉ ክርክሮችን ራቅ... የጌታ ባሪያ ግን መጣላት አይገባውም።”
ምሳሌ 15፥1 – “ለስላሳ መልስ ቁጣን ያርቃል።”

#መደምደሚያ:- አማኝ ክብሩን በጩኸት አይከላከልም፤ ማንነቱን በባህሪው፣ በጥበቡ እና በክርስቶስን በመምሰል ያሳያል። 🙏📖

ወንድማችሁ Desta Wendmu (Joy) Official ነኝ! መልእክቴን ከወደዳችሁና ጠቃሚ እንደሆነ ካመናችሁ ለሌሎች እንዲደርስ በቅንነት ሼር አድርጉ እንጂ Coppy Peste በማድረግ በራሳችሁ አትለጥፉ please!! ደግሞም ሀሳባችሁን በComment section ላይ በማስቀመጥ አብራችሁኝ አገልግሉ!! በማድረግ ደግፉኝ ተባረኩ! WhatsApp number 091 380 2310

👉Telegram link https://t.me/destwond

👉Facebook group https://www.facebook.com/share/g/1CkLcFMMvM/

👉Tiktok Link https://www.tiktok.com/.desta.wendimu?_r=1&_t=ZS-96XwGwHSbVE

14/06/2026

! ውድ አንባቢዎቼ በዛሬው ጥናታችን እውነተኛ ፍቅርን ስለ መከተልን እና መኖርን እናጠናለን:: ብዙ ከምንባክነው ጊዜአችን 7ት ደቂቃ ብቻ ሰዉ: አንብቦ አለመጨረስ ስንፍና ነው::

👉 ከዘፍጥረት እስከ ራእይ የሚዘልቅ የእግዚአብሔር ልብ

ፍቅር በዚህ ዓለም ከሚነገሩ ቃላት ሁሉ በላይ የሚጠቀስ፣ ግን በጣም የሚሳሳት ቃል ነው። ብዙዎች ፍቅርን እንደ ስሜት፣ እንደ ፍላጎት ወይም እንደ ጊዜያዊ መሳብ ያያሉ። መጽሐፍ ቅዱስ ግን ፍቅርን ከዚህ የሚበልጥ ነገር እንደሆነ ያስተምራል። ፍቅር የእግዚአብሔር ባሕርይ፣ የፍጥረት መሠረት፣ የመዳን ምስጢር እና የዘላለም መንግሥት ልሳን ነው።

ፍቅር ማነው?

መጽሐፍ ቅዱስ “እግዚአብሔር ፍቅር ነው” ይላል (1ኛ ዮሐንስ 4፥8)። መጽሐፍ ቅዱስ “እግዚአብሔር ፍቅር አለው” አላለም፤ “ፍቅር ነው” ነው ያለው። ይህ ማለት ፍቅር ከእግዚአብሔር የሚወጣ ነገር ብቻ ሳይሆን የማንነቱ አካል ነው። ስለዚህ ፍቅርን ለማወቅ ሰዎችን ከመመልከት በፊት እግዚአብሔርን ማየት አለብን።

ፍቅር ምንድነው?

ፍቅር ሌላው ሰው ደስ እንዲለው ራስን መስጠት ነው። ፍቅር መውሰድ ሳይሆን መስጠት ነው። ፍቅር ስሜት ብቻ ሳይሆን ውሳኔ ነው። ፍቅር ቃል ብቻ ሳይሆን ተግባር ነው። 1ኛ ቆሮንቶስ 13 ፍቅርን እንዲህ ይገልጸዋል፦

“ፍቅር ይታገሣል፤ ፍቅር ይለግሳል፤ አይቀናም፤ አይመካም፤ አይታበይም፤ ... ሁሉን ይሸከማል፤ ሁሉን ያምናል፤ ሁሉን ተስፋ ያደርጋል፤ ሁሉን ይታገሣል። ” #ይህ የፍቅር መግለጫ ብቻ አይደለም፤ መግለጫ ነው።

የፍቅር ምንጭ ማን ነው?

“ፍቅር ከእግዚአብሔር ነው” (1ኛ ዮሐንስ 4፥7)። የእውነተኛ ፍቅር ምንጭ ሰው አይደለም፤ ባህል አይደለም፤ ሀብት ወይም እውቀትም አይደለም። ሁሉም እውነተኛ ፍቅር ከእግዚአብሔር ይፈስሳል። ከምንጩ የተለየ ወንዝ እንደሚደርቅ ሁሉ፣ ከእግዚአብሔር የተለየ ፍቅርም በመጨረሻ ይደክማል።

ስንት ዓይነት ፍቅር አለ?

መጽሐፍ ቅዱስ በግሪክ ቋንቋ የተገለጹ የፍቅር መግለጫዎችን ያሳያል፦

1. ኤሮስ (Eros) – በባልና ሚስት መካከል የሚኖር የፍቅር መሳብ።

2. ፊልዮ (Phileo) – የወዳጅነትና የወንድማማችነት ፍቅር።

3. ስቶርጌ (Storge) – በቤተሰብ ውስጥ የሚገኝ የተፈጥሮ ፍቅር።

4. አጋፔ (Agape) – የእግዚአብሔር ፍቅር፤ ራሱን የሚሰጥ፣ ያለ ቅድመ ሁኔታ የሚወድ፣ ዋጋ የሚከፍል ፍቅር።

ከእነዚህ ታላቁ ፍቅር የቱ ነው?

#ኢየሱስ፦ “ሰው ለወዳጆቹ ነፍሱን ከመስጠት የሚበልጥ ፍቅር የለውም” አለ (ዮሐንስ 15፥13)። ይህ በመስቀል ላይ በግልጽ ታይቷል። ክርስቶስ ለሚወዱት ብቻ አልሞተም፤ ጠላቶቹ ሆነን ሳለን ለእኛ ሞተ (ሮሜ 5፥8)።

ፍቅርን ከማን እንማራለን?

ፍቅርን በፍጹም ከኢየሱስ ክርስቶስ እንማራለን። እርሱ የታመሙትን ነካ፣ የተጠሉትን ተቀበለ፣ ኃጢአተኞችን ይቅር አለ፣ በመጨረሻም ሕይወቱን ሰጠ። ፍቅር በአስተምህሮው ብቻ ሳይሆን በሕይወቱ ታየ።

👉 በመጽሐፍ ቅዱስ የፍቅር ሕያው ምሳሌዎች:- አብርሃም ለእግዚአብሔር ታዛዥ ፍቅር አሳየ። 👉ዮሴፍ የሸጡትን ወንድሞቹን ይቅር አለ። 👉ሩት ለኑኃሚን ታማኝ ፍቅር አሳየች። 👉ዳዊትና ዮናታን የእውነተኛ ወዳጅነት ፍቅር አሳዩ። 👉ሆሴዕ በእግዚአብሔር ፍቅር ምሳሌ ሆኖ ታማኝነትን አሳየ። 👉እስጢፋኖስ በድንጋይ ሲወገር “ጌታ ሆይ ይህን ኃጢአት አትቁጠርባቸው” ብሎ ጸለየ። ግን ኢየሱስ ክርስቶስ የፍቅር ፍጹም ምሳሌ ነው።

ክርስቶስ ምን ብሎናል?

“እኔ እንደ ወደድኳችሁ እርስ በርሳችሁ ተዋደዱ” (ዮሐንስ 13፥34)። እርሱ እንዲሁም፦ “ጠላቶቻችሁን ውደዱ” (ማቴዎስ 5፥44) “እግዚአብሔርን በፍጹም ልብህ ውደድ፤ ባልንጀራህንም እንደ ራስህ ውደድ” (ማቴዎስ 22፥37-39) ብሎ አዘዘ።

ለምን ዛሬ ፍቅር እየጎደለ ነው?

👉ሰዎች ከእግዚአብሔር ሲርቁ ከፍቅርም ይርቃሉ። ኢየሱስ “ኃጢአት ስለሚበዛ የብዙዎች ፍቅር ይቀዘቅዛል” ብሎ አስጠንቅቋል (ማቴዎስ 24፥12)። ራስ ወዳድነት፣ ትዕቢት፣ ቅናት፣ ጥላቻ እና ፍቅርን ከእውነት መለየት የዘመናችን ችግሮች ሆነዋል።

ሰው በእውነት ምን እየፈለገ ነው?

ሰው በልቡ ውስጥ የሚፈልገው ሀብት፣ ዝና ወይም ኃይል ብቻ አይደለም። የሚፈልገው እውነተኛ ፍቅር ነው። ሰው የተፈጠረው በፍቅር ነው፣ ለፍቅርም ነው። ልቡ የሚረካው ወደ ፈጣሪው ሲመለስ ብቻ ነው።

ለመዋደድ ፍጹም ምክንያት ምንድነው?

“እርሱ አስቀድሞ ወዶናልና እኛ እንወደዋለን” (1ኛ ዮሐንስ 4፥19)። እኛ የምንዋደደው ሰዎች የሚገባቸው ስለሆነ አይደለም፤ እግዚአብሔር ስለወደደን ነው።

እውነተኛው ፍቅር የቱ ነው?

እውነተኛው ፍቅር በመስቀል ላይ የታየው የክርስቶስ ፍቅር ነው። የማይለወጥ፣ የማይደክም፣ የማይጠፋ፣ ዋጋ የሚከፍል፣ ይቅር የሚል፣ የሚያድን ፍቅር።

የቱን ፍቅር እንከተል?

የአጋፔን ፍቅር፤ የክርስቶስን ፍቅር። ስሜት ሲጠፋ የማይጠፋ፣ ሰዎች ሲለወጡ የማይለወጥ፣ ጥቅም የማይፈልግ፣ ራሱን የሚሰጥ ፍቅር።

ይህ ትውልድ ምን መሆን አለበት?

ዛሬ ያለው ትውልድ ከጥላቻ ወደ ፍቅር፣ ከመከፋፈል ወደ አንድነት፣ ከራስ ወዳድነት ወደ መስጠት፣ ከቃላት ወደ ተግባር መሻገር አለበት። ፣ ቤተሰብ፣ ማህበረሰብ እና ሀገር የሚፈልገው ተጨማሪ ክርክር ሳይሆን ተጨማሪ ፍቅር ነው።

#መደምደሚያ:- ከዘፍጥረት እስከ ራእይ ያለው የመጽሐፍ ቅዱስ ታሪክ የፍቅር ታሪክ ነው። ሰው በኃጢአት ወድቆ ሳለ እግዚአብሔር ፈለገው፤ ሰው ሲሸሽ ተከተለው፤ ሰው ሲጠፋ ለማዳን ልጁን ሰጠ፤ በመጨረሻም በራእይ መጽሐፍ ከተወደዱት ጋር ለዘላለም ይኖራል።

ስለዚህ የክርስትና ማዕከል ሕግ አይደለም፤ ፍቅር ነው። የወንጌል ልብ ተአምር አይደለም፤ ፍቅር ነው። የሰማይ ቋንቋ ኃይል አይደለም፤ ፍቅር ነው። “አሁንም እምነት፣ ተስፋ፣ ፍቅር እነዚህ ሦስቱ ይኖራሉ፤ ከእነዚህም የሚበልጠው ፍቅር ነው።” (1ኛ ቆሮንቶስ 13፥13).

🙏ውድ አንባቢዎቼ ይህንን ጥልቅ ጥናት አብራችሁኝ ስላጠናችሁ እግዚአብሔር ይባርካችሁ! እስኪ ልጠይቃችሁ ሳትዋሹ አንብባችሁ የጨረሳችሁ በትምህርቱ ምን እንደተጠቀማችሁ አስረዱኝ! በብዙ ድካም ወደእናንተ ትምህርቶችን እያዘጋጀሁ እንደማቀርብ አትርሱ! ሁል ጊዜ በሁሉ ከጎኔ ስለምትሆኑ እግዚአብሔር ይባርካችሁ እላለሁ!!

ወንድማችሁ Desta Wendmu (Joy) Official ነኝ! መልእክቴን ከወደዳችሁና ጠቃሚ እንደሆነ ካመናችሁ ለሌሎች እንዲደርስ በቅንነት ሼር አድርጉ እንጂ Coppy Peste በማድረግ በራሳችሁ አትለጥፉ please!! ደግሞም ሀሳባችሁን በComment section ላይ በማስቀመጥ አብራችሁኝ አገልግሉ!! በማድረግ ደግፉኝ ተባረኩ! WhatsApp number 091 380 2310

👉Telegram link https://t.me/destwond

👉Facebook group https://www.facebook.com/share/g/1CkLcFMMvM/

👉Tiktok Link https://www.tiktok.com/.desta.wendimu?_r=1&_t=ZS-96XwGwHSbVE

13/06/2026

ሻሎም ቤተሰቦቼ በያላችሁበት የጌታ ጸጋና ምሕረቱን ጥገቡ! ዛሬ ቀን 6-10-2018 በቤተክርትያናችን (ቦሌ አራብሳ ኬላ ሙሉ ወንጌል ቤተክርስቲያን 25 ሰዎች የውሃ ጥምቀት ወስደዋል:: ምሳሌውም አሮጌውን አዳም ቀብረን አዱስን አዳም ለብሰን ተነስተናል ብለው ትነሱ! በመራሃ ግብሩ ለመንፈስ ቅዱስ ሙላት ፀሎት ተደርጎ መሞላት ሆኗል! እግዚአብሔር ክብሩን ይውሰድ ወንጌል ይቀጥላል:: ኑ አብረን ጌታን እናምልክ!!

12/06/2026

12/06/2026

! ውድ አንባቢዎቼ በዛሬው ጥናታችን መጻሕፍት ሁሉ ስለ እኔ ይመሰክራሉ! በሚል በእግዚአብሔር ፅኑ አቋም ተመስርተን እናጠናለን: አጥንቶ አለመጨረስ ትልቅ ስንፍና ነው:: 5ደቂቃ ለእግዚአብሔር ቃል መስዋዕትነት!

👉ክርስቶስን የሚያሳይ ቃል፤ ፈጣሪን የሚያመልክ ትውልድ

"መጻሕፍትን ትመረምራላችሁ... እነርሱም ስለ እኔ የሚመሰክሩ ናቸው።" (ዮሐንስ 5፥39)
"በሙሴ ሕግ፣ በነቢያትና በመዝሙራት ስለ እኔ የተጻፈው ሁሉ ሊፈጸም ይገባል።"
(ሉቃስ 24፥44)

#ክርስቶስ እራሱ እንደተናገረው፣ ከዘፍጥረት እስከ ራእይ ያለው የመጽሐፍ ቅዱስ ዋና ርዕስ ሰው አይደለም፣ መልአክ አይደለም፣ ቅዱሳን አይደሉም፤ ክርስቶስ ነው። በኤደን የተስፋ ቃል የተሰጠለት፣ በነቢያት የተነገረለት፣ በወንጌላት የተገለጠ፣ በራእይ የተከበረው እርሱ ነው።
ስለዚህ የመጽሐፍ ቅዱስ ጥያቄ ሁልጊዜ አንድ ነው፦ " ?"

1. እግዚአብሔር ክብሩን ከማን ጋር ይካፈላል?

መጽሐፍ ቅዱስ ግልጽ መልስ ይሰጣል።
"እኔ እግዚአብሔር ነኝ፤ ይህም ስሜ ነው፤ ክብሬንም ለሌላ አልሰጥም።" (ኢሳይያስ 42፥8) "ከእኔ በቀር ሌላ አምላክ አይኑርህ።" (ዘጸአት 20፥3) "ለእነርሱ አትስገድ፤ አታምልካቸውም።" (ዘጸአት 20፥5)

👉 እግዚአብሔር የሚቀናው በፍጥረት ላይ ስለሆነ አይደለም፤ እርሱ ብቻ ሊመለክ የሚገባው ስለሆነ ነው። የእርሱን የአምልኮ ቦታ ለማንኛውም ፍጡር መስጠት የመጀመሪያውን ትእዛዝ መጣስ ነው።

2. መላእክት እንኳ ስግደት አልተቀበሉም!

ዮሐንስ በራእይ መጽሐፍ የተገለጠለትን መልአክ አይቶ ሊሰግድለት ሞከረ። ነገር ግን መልአኩ እንዲህ አለው፦ "እንዳታደርግ! ... ለእግዚአብሔር ስገድ።"
(ራእይ 22፥8-9)

ይህ እጅግ ከባድ ጥቅስ ነው። በሰማይ ያለ ታላቅ መልአክ እንኳ ስግደትን አልተቀበለም፤ ነገር ግን ስግደቱን ወደ እግዚአብሔር መለሰው።

ከዚህ በኋላ ለማን ስግደት ይገባል?

3. ሐዋርያት ስግደትን አልተቀበሉም!

ቆርኔሌዎስ ለጴጥሮስ በሰገደ ጊዜ፣ "ተነሣ፤ እኔ ደግሞ ሰው ነኝ።" (ሐዋርያት 10፥26)

በልስጥራ ሕዝቡ ጳውሎስንና በርናባስን አማልክት ናቸው ብሎ መስዋዕት ሊያቀርብላቸው ሲፈልግ፣ "እኛ ደግሞ እንደ እናንተ ሰዎች ነን።" (ሐዋርያት 14፥15) ወደ ራሳቸው አልሳቡም፤ ሁልጊዜ ወደ ክርስቶስ አመለከቱ።

4. የፍጥረት አምልኮ ምንጩ ምንድን ነው?
፦ "እውነትን በሐሰት ለወጡ፤ ከፈጣሪውም ይልቅ ፍጥረትን አመለኩ።" (ሮሜ 1፥25)

የሰው ታላቁ ውድቀት ይህ ነው፤ ፈጣሪውን ከዙፋኑ አውርዶ ፍጥረትን በዙፋኑ ማስቀመጥ። በወርቅ ጥጃ ዘመን ጥጃ ነበር፤ በባቢሎን ዘመን ምስል ነበር፤
በሮም ዘመን ንጉሥ ነበር፤
ዛሬም ማንኛውም ነገር የእግዚአብሔርን ቦታ ሲይዝ ጣዖት ይሆናል።

5. ሰው ቢማር እና ቢጠበብ፣ እግዚአብሔርን ካላወቀ ምን ይጠቅመዋል?

" #ራሳቸውን ጠቢባን ነን ሲሉ ሞኞች ሆኑ።" (ሮሜ 1፥22) "የጌታን ፍርሃት መጀመሪያ ጥበብ ነው።" (ምሳሌ 9፥10)

ዛሬ ብዙ መረጃ አለ፤ ግን የእግዚአብሔር እውቀት እየቀነሰ ነው። መጽሐፍ ቅዱስ የሚያስተምረው እውቀት ወደ ፈጣሪ ካልመራ ትምክህት እንጂ ጥበብ አይደለም የሚለውን ነው።

6. አምልኮ በዘመን ይቀየራል?**

ዛሬ ብዙዎች "ዘመኑ ተቀይሯል" ይላሉ። ነገር ግን፦ "እኔ እግዚአብሔር አልለወጥም።" (ሚልክያስ 3፥6) "ኢየሱስ ክርስቶስ ትናንትና ዛሬ ለዘላለም ያው ነው።" (ዕብራውያን 13፥8)

ስልጣኔ ይቀየራል፤ ቴክኖሎጂ ይቀየራል፤ ባህል ይቀየራል፤ ነገር ግን ለእግዚአብሔር ብቻ የሚገባ አምልኮ አይቀየርም።

7. በመንፈስና በእውነት ማምለክ ምንድን ነው?

"እውነተኛ አምላኪዎች አብን በመንፈስና በእውነት ያመልካሉ።" (ዮሐንስ 4፥23-24)
👉በመንፈስ ማምለክ ማለት ከልብ ማምለክ ነው።በእውነት ማምለክ ማለት በቃሉ መሠረት ማምለክ ነው። ስሜት ብቻ ያለው አምልኮ አደገኛ ነው:: ያለው አምልኮም ደረቅ ነው። እግዚአብሔር ሁለቱንም ይፈልጋል፤ መንፈስንም እውነትንም።

የዚህ ትውልድ የመጨረሻ ጥሪ

👉 ከዘፍጥረት እስከ ራእይ የሚሰማው መልዕክት አንድ ነው፦ ፈጣሪን አምልክ፤ ፍጥረትን አታምልክ። ክርስቶስን ተከተል፤ ማንኛውንም ሰው ወይም ፍጥረት በእርሱ ቦታ አታስቀምጥ። ክብርን ለእግዚአብሔር ስጥ፤ እርሱ ብቻ ሊመለክ የሚገባው ነው። "እግዚአብሔርን ፍሩ፤ ክብርም ስጡት፤ ... ሰማይንና ምድርን የፈጠረውን ስገዱ።" (ራእይ 14፥7) "አምላክህን ጌታን ስገድ፤ እርሱንም ብቻ አምልክ።" (ማቴዎስ 4፥10)

👉 የመጽሐፍ ቅዱስ መጀመሪያ ትእዛዝም ሆነ የመጨረሻ ጥሪ፣ አንድ ነው — አምልኮ ለእግዚአብሔር ብቻ!

🙏ውድ አንባቢዎቼ ይህንን ጥልቅ ጥናት አብራችሁኝ ስላጠናችሁ እግዚአብሔር ይባርካችሁ! እስኪ ልጠይቃችሁ ሳትዋሹ አንብባችሁ የጨረሳችሁ በትምህርቱ ምን እንደተጠቀማችሁ አስረዱኝ! በብዙ ድካም ወደእናንተ ትምህርቶችን እያዘጋጀሁ እንደማቀርብ አትርሱ! ሁል ጊዜ በሁሉ ከጎኔ ስለምትሆኑ እግዚአብሔር ይባርካችሁ እላለሁ!!

ወንድማችሁ Desta Wendmu (Joy) Official ነኝ! መልእክቴን ከወደዳችሁና ጠቃሚ እንደሆነ ካመናችሁ ለሌሎች እንዲደርስ በቅንነት ሼር አድርጉ እንጂ Coppy Peste በማድረግ በራሳችሁ አትለጥፉ please!! ደግሞም ሀሳባችሁን በComment section ላይ በማስቀመጥ አብራችሁኝ አገልግሉ!! በማድረግ ደግፉኝ ተባረኩ! WhatsApp number 091 380 2310

👉Telegram link https://t.me/destwond

👉Facebook group https://www.facebook.com/share/g/1CkLcFMMvM/

👉Tiktok Link https://www.tiktok.com/.desta.wendimu?_r=1&_t=ZS-96XwGwHSbVE

11/06/2026

ማቴዎስ 10
²⁶ እንግዲህ አትፍሩአቸው፤ የማይገለጥ የተከደነ፥ የማይታወቅም የተሰወረ ምንም የለምና።
²⁷ በጨለማ የምነግራችሁን በብርሃን ተናገሩ፤ በጆሮም የምትሰሙትን በሰገነት ላይ ስበኩ።
²⁸ ሥጋንም የሚገድሉትን ነፍስን ግን መግደል የማይቻላቸውን አትፍሩ፤ ይልቅስ ነፍስንም ሥጋንም በገሃነም ሊያጠፋ የሚቻለውን ፍሩ።

👉Telegram link https://t.me/destwond

👉https://www.tiktok.com/.desta.wendimu?_r=1&_t=ZS-96XwGwHSbVE

11/06/2026

? ውድ አንባቢዎቼ ዛሬ ዛሬ በብዙ አይነትና መንገድ የሕይወት ጎዳና እውነታው ተደበላልቋል:: በዛሬው ጥናታችን የዘመናችን ጩኸት እና የመጽሐፍ ቅዱስ መልስ ምን እንደሚመስል እናያለን: አንብቦ አለመጨረስ ስንፍና ነው::

"ሕዝብ ሲጨነቅ እግዚአብሔር ዝም ይላልን?"

ዛሬ በብዙ አገራት የሚታየው የኑሮ ውድነት፣ የቤት ኪራይ መጨመር፣ የግብር ጫና፣ የሕዝብ ድምፅ አለመሰማት፣ የዘርና የጎሳ ግጭት፣ ፍትሕ ማጣት፣ ሙስና፣ የኃጢአት መብዛት እና የክፋት መደራጀት አዲስ ነገር አይደለም። መጽሐፍ ቅዱስን ከዘፍጥረት እስከ ራእይ ስንመለከት፣ ተመሳሳይ ሁኔታዎች ብዙ ጊዜ ተከስተዋል።

1. ይህ ሁሉ ለምን ይከሰታል?

1.1 ኃጢአት ወደ ዓለም ሲገባ

የሰው ችግር መሠረቱ ፖለቲካዊ ወይም ኢኮኖሚያዊ ብቻ አይደለም፤ መንፈሳዊ ነው።

ዘፍጥረት 3 ላይ ሰው ከእግዚአብሔር ሲርቅ፣ ምድር ተረገመች፣ ሥቃይ፣ ድካም፣ ግፍ እና ሞት ገቡ። "ምድር የተረገመች ትሁን።" (ዘፍ. 3:17)

ስለዚህ የሕዝብ ጭንቀት የሰው ልጅ ከፈጣሪው መለየት የጀመረው ውጤት ነው።

1.2 ሰዎች ፍትሕን ሲተዉ

ነቢያት ብዙ ጊዜ ሕዝብን ያስጠነቀቁት ስለዚህ ነው። "መልካምን ትጠሉ፤ ክፉንም ትወዳላችሁ።" (ሚክያስ 3:2) "ፍርድን ወደ እሬት ትለውጣላችሁ።" (አሞጽ 5:7)

ሕዝብ ሲጨነቅ፣ ድሆች ሲጨቆኑ፣ ባለሥልጣኖች ሲበድሉ፣ እግዚአብሔር ያያል።

2. በመጽሐፍ ቅዱስ ይህ ያለ ዘመን ነበር?

2.1 በግብፅ የባርነት ዘመን

እስራኤል ለ400 ዓመታት ተጨቆነ።
"የእስራኤል ልጆች ጮኹ፤ ጩኸታቸውም ወደ እግዚአብሔር ደረሰ።" (ዘጸ. 2:23)
እግዚአብሔር ጩኸታቸውን ሰማ፤ ሙሴን አስነሳ። እግዚአብሔር ለሕዝቡ ስራራ ወደ እውነት ብቻ የሚመራ አገልጋይ በመስጠት ምድሪቱን ያሳርፋል::

2.2 በፈራጆች ዘመን

ሕዝቡ ከእግዚአብሔር በራቀ ጊዜ ግፍና ስቃይ ይመጣ ነበር። ሲጮሁ ግን እግዚአብሔር አዳኝ ያስነሳ ነበር።

2.3 በነቢያት ዘመን

ኢሳይያስ፣ ኤርምያስ፣ አሞጽ፣ ሚክያስ ሁሉ ስለ ግፍ፣ ሙስና፣ የድሆች መጨቆን እና ፍትሕ መጥፋት ተናግረዋል።

2.4 በኢየሱስ ዘመን

ሕዝቡ በሮም ግዛት ሥር ነበር። ከባድ ግብር፣ ድህነት፣ የፖለቲካ ጫና ነበር። ኢየሱስ ግን የሕዝቡን ሥቃይ ተመለከተ።
"እንደ እረኛ የሌላቸው በጎች ሆነው ተጨንቀውና ተበትነው አያቸው።" (ማቴ. 9:36)

3. ጩኸቱ ወዴት ይደርሳል?

ሰዎች ላይሰሙ ይችላሉ። መንግሥታት ላይመልሱ ይችላሉ። ኃያላን ሊያልፉት ይችላሉ።

፦ "የድሆችን ጩኸት ሰምቻለሁ።" (ዘጸ. 3:7) ጩኸት በመጀመሪያ ወደ ሰማይ ይደርሳል።

4. እግዚአብሔር ለምን ዝም ይላል?

ይህ የቅዱሳን ጥያቄ ነበር። ዳዊት፣ ኤርምያስ፣ እንባቆም ሁሉ ጠይቀዋል።
" #አቤቱ፣ ?" (እንባቆም 1:2) ነገር ግን የእግዚአብሔር ዝምታ የእርሱ አለመሥራት አይደለም። እርሱ በጊዜው ይፈርዳል።

5. መፍትሄው ምንድነው?

5.1 ንስሐ

" #ሕዝቤ... ራሳቸውን ቢያዋርዱና ቢጸልዩ... እኔም ምድራቸውን እፈውሳለሁ።" (2 ዜና 7:14) ለውጥ በልብ ይጀምራል።

5.2 ፍትሕን መፈለግ

"ፍርድ እንደ ውኃ ይፍሰስ።" (አሞጽ 5:24)
ክርስቲያኖች ዝም የሚሉ ሳይሆኑ የፍትሕ ድምፅ መሆን አለባቸው። የፍትህ ድምፅ የሚጀምረው ደግሞ ወደ እግዚአብሔር ከእውነት ልብ በንስሐ ከመመለስ ይጀምራል:: ሌላው ጥያቄ ይከተላል!

5.3 ፍቅርና አንድነት

የዘርና የጎሳ ግጭት መፍትሄ ወንጌል ነው። "ሁላችሁ በክርስቶስ አንድ ናችሁ።" (ገላ. 3:28)

5.4 ተስፋ

ራእይ የመጨረሻውን ምስል ያሳያል። "እንባን ሁሉ ከዓይናቸው ያብሳል።" (ራእይ 21:4)

:- መጽሐፍ ቅዱስ የሚነግረን ነገር ይህ ነው፦ ሕዝብ ሲጨነቅ እግዚአብሔር አያውቅም አይደለም። ግፍ ሲበዛ እግዚአብሔር ደንታ የለውም አይደለም። እንዲያውም የድሆች እንባ በምድር ላይ አይጠፋም፤ በሰማይ ይመዘገባል።

ከዘፍጥረት እስከ ራእይ የሚደጋገመው ታሪክ ይህ ነው፦
1. ኃጢአት ግፍን ይወልዳል፤
2. ግፍ ጩኸትን ይወልዳል፤
3. ጩኸት ወደ እግዚአብሔር ይደርሳል፤
4. እግዚአብሔርም በጊዜው ይፈርዳል፣ ያድናል፣ ያድሳልም።
#ውድ ቤተሰቦቼ ትልቁ መፍትሄው በእግዚአብሔር እጅ ነው ስለዝህ ወደ ቀድሞ ሰውነታችንና እግዚአብሔርን መፈለጋችን እንመለስ ፍፁም ወንድማዊነት ምክሬ ነው ተባረኩልኝ::

🙏ውድ አንባቢዎቼ ይህንን ጥልቅ ጥናት አብራችሁኝ ስላጠናችሁ እግዚአብሔር ይባርካችሁ! እስኪ ልጠይቃችሁ ሳትዋሹ አንብባችሁ የጨረሳችሁ በትምህርቱ ምን እንደተጠቀማችሁ አስረዱኝ! በብዙ ድካም ወደእናንተ ትምህርቶችን እያዘጋጀሁ እንደማቀርብ አትርሱ! ሁል ጊዜ በሁሉ ከጎኔ ስለምትሆኑ እግዚአብሔር ይባርካችሁ እላለሁ!!

ወንድማችሁ Desta Wendmu (Joy) Official ነኝ! መልእክቴን ከወደዳችሁና ጠቃሚ እንደሆነ ካመናችሁ ለሌሎች እንዲደርስ በቅንነት ሼር አድርጉ እንጂ Coppy Peste በማድረግ በራሳችሁ አትለጥፉ please!! ደግሞም ሀሳባችሁን በComment section ላይ በማስቀመጥ አብራችሁኝ አገልግሉ!! በማድረግ ደግፉኝ ተባረኩ! WhatsApp number 091 380 2310

👉Telegram link https://t.me/destwond

👉Facebook group https://www.facebook.com/share/g/1CkLcFMMvM/

👉Tiktok Link https://www.tiktok.com/.desta.wendimu?_r=1&_t=ZS-96XwGwHSbVE

10/06/2026

👉Telegram link https://t.me/destwond

👉https://www.tiktok.com/.desta.wendimu?_r=1&_t=ZS-96XwGwHSbVE

08/06/2026

“እግዚአብሔር የሠራት ቀን ይህች ናት፤ ሐሤትን እናድርግ፥ በእርስዋም ደስ ይበለን።”
— መዝሙር 118፥24

👉Telegram link https://t.me/destwond

👉https://www.tiktok.com/.desta.wendimu?_r=1&_t=ZS-96XwGwHSbVE