30/09/2025
አትግደለኝ አልግደልህ፣
የእናቴን ልጅ አለም ወንድሜን ፣
የደሜን ቅጂ አብራክ ክፋዬን፤
የወንዜን ልጅ አብሮ አደጌን ፣
የደግ ቀን አለኝታዬን ፣
የክፉ ቀን ከለላዬን።
አለኝ ምለው አስከባሪ፣
ሳጣ ከእጄ አበዳሪ፤
ደስ እንዲለው ነገር ሰሪ፣
እኔን ከእርሱ አቃቃሪ።
ስም የወጣ ለታ ለስሙ ለስሜ፣
ሰይፍ አልመዝ በወንድሜ፤
አምመኘው ለመታረቅ እግር ስሜ።
ስማኝ ወንድም አለም ፦
ሊያራርቁት አለምህን ከአለሜ፤
እንድታፈስ ደምህን ከደሜ ፤
ሲሰጡህ ነገር ማይፈታ እሚቋጠር ፣
ደግሞ ሰይፍ ሚሰነዘር ፤
ለማይበጅህ ለማይበጀኝ፣
አልገድልህም አትግደለኝ ።
ቀስት አይሻ ወንድም ልብህ ፣
ወንድም መጣል ለጀግንነት ላይሆንልህ፣
እናታችን ላትመርቅህ አባታችን ላይባርክህ፣
የቀየው ሰው ጀግና ብሎ ላያደንቅህ፣
ቀስት አይሻ ወንድም ልብህ ፣
ፊትህ ልውደቅ ልለምንህ፤
አትግደለኝ አልግደልህ።
