F/taa Abdii Fekede

28/06/2024

Guyyaa Sirna Qulqulleessaa Mana Kiristaanaa

Guyyaa kaleessaa (waxabajji 20) haala kamiin Gooftaan keenya mana kiristaanaa ishee jalqabaa maqaa Haadha Keenya Dubroon moggaafamte akka ijaarsise ilaallee turre. Guyyaa har’aa kanatti sirni qulqulleessaa jalqabaa mana kiristaanaa kanatti kan itti taasifamedha. Innis kunooti.

Galatni isaaf haa ta’uti Gooftaan keenyafi fayisaan keenya Iyyesuus Kiristoos guyyaa kanatti haadha isaa fi ergamootasaa kumaatama waliin gara lafaatti bu’e. Haadha keenya Teessoo (Memberi), Ofisaa Luba jalqabaa, Q. Pheexroosin gargaaraa Lubaa, Isxifaanosin Diyaaqonii taasisee qulqulleessuun foonii fi dhiiga isaa isaaniif kenne.

Mana kiristaanaa sanas eebbisee, Q. Pheexirosin Paatiriyaarikii taasisee muude. Yeroo kanas jiraattota samii kan ta’an ergamoonni akkuma yeroo dhaloota Gooftaaa keenyaa tiksitoota waliin faarfatan, Duuka bu’oota waliin faarfataniiru. Haala kanaan Gooftaan keenya sirna ijaarsa fi eebba mana kiristaanaa haala kanaan hundeesse.

Irra deebi’uun bada geessan jechaa eebbi haadha keenya hundumarra keenyarra oolee haa bulu.
Galatni haa ta’uu Waaqa tokko kan ta’e Abbaaf Ilmaaf Hafuura Qulqulluuf har’as yeroo hundumaa hanga bara baraatti amen.

26/03/2023

Torban (6) Jahaffaa

TAJAAJILAA AMANAMAA

Faaruu Yaareed“Waan gaarii gooftaasaaf hojjechuun tajaajilaa eebbifamaa fi amanamaan eenyu, Kan qabu hundarratti kan muudu dabalees Waaqayyo arjaaf xinnumallee amanamee gara gammachuu gooftaa kee kan jedhu, Akka tajaajilaa gaarramii, akka tajaajiltoota kiristoos amanamaa ta’aa,..." kan jedhu irra kan fudhatameedha.

🌾Baruumsa

✍Baruumsi torbe kana walumaa galati waa'ee tajaajilaa amanamaa irratti kan hunda'udha. Guyyaa kanatti gooftaan duuka bu’oota ykn tajaajiltoota isaaf kennaa tajaajilaa amanamaa (Gebreheer jedhee) kan itti dhugaa bahuufidha. Kanaafis torbee kun Tajaajilaa Amanamaa (Gebreheer) jedhamuun mana amantaa keenyaa keessatti kan waamamu. Gooftaan keenyaas guyyaa kana ofiisa abbaa qabeenya kan ta'ee fakkeenyaan, hojjeetota sadiif meetii kennenu waa'ee tajaajila amanamaa barsiisee jira.Meetii isaaniif kenname kunis kennaa namootaaf kennameen kan wal fakkeeffamudha. Isaan keessaas:-

👉Inni tokkoffaa fi inni lamaffaan hojjetanii argachuu agarsiisu, gooftaa isaaniif amanamoo, waan isaan qunnamu sodaatanii hojii isaanii warra hin dhiisne dha. Lamaan isaaniyyuu adaraa isaanitti kenname bahuu isaanirra iyyuu bu’aa harka lama buusaniiru. Kanaaf jara kana lamaan irraa wanti nu hubannu akka kennaa nuuf kennametti Waaqayyo tajaajiluu akka qabnu dha. Bakka inni nu filatetti taanee argamudha. Kan kenname lakkaa’uu miti, isuma nu kenname hojjechuu qabna. Jarri kun lamaan hordoftoota Waaqayyoo jaalalaa fi amantiin mana amantaa ykn mana Waaqayyootti tajaajilan bakka bu’u.

👉Inni sadaffaan kan isaaf kenname,natti baay’ate yookan natti xinnaate jechuu dhabuu isaati. Namichi kun hojii hojjechuurra, yeroo hojii hojjetu rakkoo isa mudachuu danda’u yaadee, sodaatee nama abdii kutatedha. Akka hiriyoota isaa hojjetee badhaasa argachuu dhiisaati, kanuma itti kenname iyyuu amanee of bira hin keenye. Kanaaf homaa hin hojjenne. Kiisi isaallee amanuu dadhabee waan isaaf kenname awwaalee kaa’e, nama amanuu fi amanuu baachuu gidduutti argamudha. Yommuu gooftaa isaa fulduratti dhiyaates waan gaarii hin
dubbanne. “ yaa gooftaa, ati namaa gara jabeessa iddoo itti hin facaasinii galfattu,iddoo itti hin bittimsnii walitti qabattu, ta’uu kee ani beeka. Kanaafan si sodaadhee dhaqee meetii kee awwaale; horiin kee kunoo ti”

✍Har’as kennaa Waaqaa baatanii kan waan meeqa kan hasa’an xinnoo miti. Yoon barsiise shakkitootni na mormanii na moo’uu laata? Dhugaa beeku osoon lallabee nan hidhama, nan reebamaa laata? Cubbamootni osoon dhugaa dubbadhee na ajjeesuu laata? Maaliif callisee taa’e mindaa koo hin nyaadhu? jedhanii tola kan jiraatan har’allee hin dhabaman. Inni hundumarra xinnoon kennameef isuma hojjetee deebisuullee hin dandeenye. Osoo hundumaarra guddaa fudhateera taa’ee hoo? Namichi inni lammaffaan isa isa tokkoffaa irratti, inni sadaffaan immoo isa lammaffaa irratti inaafuun isaanirra hin jiraatu.

✍Yaa uummata kiristaanaa, Kennaan hunda keenyaaf kennamee jira. Garuu hangam keenyatu kennaa nuuf kenname sana beeka laata? Yoo qabaatte ittiin tajaajilaa jirta moo? Yookaan akka namicha sadaffa atis boolla qottee awwalteetta ta’a?gaaffileen kun nama hin ilaallanne hin qabu. Deebiin isaas deebisuun nurra jiraata hanga kiristaana taanee jireenya bara baraa abdiin eeggannutti. Kiristaana taane namni kennaa hin qabne tokkollee hin jiru, jiraachuus hin danda’u. Namni tokko barsiisuu, faarsuu, luuba ta’ee tajaajiluu, phaaphaasii ta’ee
uummata gooftaa isaa tiksuu ta’a. kennaan kana qofa miti, hunduu ogummaa qabuun, qabeenya qabuun, humna qabuun amantaa keenyaa haa deeggaruu.

✍Wangeelli guyyaa kana dubbifamus wangeela Maat 25: 14 -30 kan jirudha.

🌾Faarfanna Daawwit(Misbaakii)

“Yaa Waaqayyoo ko, fedha kee gochuun natti tola, seerri kees garaa (laphee) koo keessa jira. Ani waldaa guddicha keessatti, waa’ee dhugaa argatanii furamu misrachoo himeera, yaa Waaqayyo, akkuma beektu, kunoo ani afaan koo kanaa labsuutti hin dhowwine.’’ ( Far 40:9-10)

Galanni waqayyoof yaa tahuu
Torbee Gaarii
Sanbata Gaarii

15/10/2022

✅✅Gorsa Abbootaa✅✅

"Seexanaan ala diina hin qabaatin. Dogoggora namootaa hin qoratin; cubbuu obboleessa keeti hin mul'isin.

Kufaatii obboleessa keetii irra deddeebitee hin odeessin.

Gooftaasaa waan hin taaneef cubbuu mataa kee irratti malee, kan nama biraa irratti hin murteessin.

Nama cubbuu hojjete irratti tuffii hin baay'isin garuu cubbuusaa irraa akka inni deebi'uuf gargaaraafi gorsaa ta'i. Dogoggora inni keessatti kufe keessaas akka ba'uuf jajjabeessi. Abdii isaa waaqayyoo irra yoo godhate akkuma cidii abidda keessa bu'eetti Waaqayyo cubbuusaa akka dhiisuuf itti himi.

Qulqulluu,hubataafi gamna ta'i! Gaarummaadhaan kan guutame amala garii qabaadhu.Gammadaa ta'i! Nagaa yoo nama gaafattu fuulli kee haa ifu.

Dubbannaan kee sirrii, gabaabduufi Soogiddaan akka waan tolchametti miyaa'aa haa ta'u. Jechoonni kee Madaalaawaafi fayyaalessa kan namni hundi hubachuu danda'an haa ta'an.

Iccitii hiriyaa keetii hin odeessin, Kan si jaallatan hundaaf amanamaa ta'i.

Gara falmiitti wanta nama geessan irraa fagaadhu. Kan si dhaga'an akka sin jibbineef dubbiitti hin seenin."

Qulqulluu Abbaa Efreem

15/10/2022

✍️Seenaa wareegamtuu Arseema🙏
Fulbaana, 29 haati keenya Wareegamtuu Qulqulleettii Arseemaan, itti gaafatamtuu kawaala isaanii kan taate wareegamtuu Agaataa wajjiin wareegamummaan boqatan. Wareegamtuu Qulqulleettii Arseemaan B.A. 290 Biyya Armaaniyaatti kiristaana umrii dardarummaatti wareegamteedha.
``
Dhaloonni Ishee Room yoo ta’u wareegamummaa kan fudhatte immoo biyya Armaaniyaatti. Manneen Kiristaanaa Ortodooksii Isaan Bahaa (Oriental and Eastern) Fulbaana, 29 ykn October 9 guyyaa wareegamummaa itti fudhatte kabajuuf.
``
Seenaa Ishee Kitaaba Sinkisaara Fulbaana, 29 irratti akkuma barreffametti mootii bara sanaa kan ture gantuu Diyooqilixiyaanos; durba bifti ishee baay’ee miidhagduu taate fuudhuu waan barbaadeef biyyoota bulchiinsa isaa jala jiran hundumaa keessa barbaadanii akka fidaniif hojjettoota isaa ajaje. Miidhaginaafi naatoodhaan dorgomtuun kan hin argamneef Qulqulleettii Arseemaa Kawaala dubartootaa Room keessatti argatanii fakkii ishee kaasuudhaan fidaniif. Otuu loon hin galin hattuun mooraa guutte akkuma jedhan, Mootichis fakkii ishee qofa ilaalee baay’ee waan gammadeef hatattamaan cidhi akka raawwatamuuf gara warra abbootii aangoo gurguddaatti xalayaa waamichaa erge.
Dubartoonni Qulqulloonni kunis kana yommuu dhagahan akka isaan oolchuuf, durbummaa isaanitiinis akka isaan eeguuf boo’anii gara Waaqayyootti kadhannaa taasisan. Kana boodas dhokatanii kawaala sanaa baqatanii gara kutaa bulchiinsa mootii Dirxaadis; Isa Armaaniyaa, iddoo ija namaarraa fagaachuun gammoojjii keessa qubatan. Isaan wajjiin kan baqatan dhiirota torbaatamii shanii (75)fi dubartoota soddomii sagali(39)turan. Waan nyaatan waan hin arganneef rakkoo guddaa keessa turan. Haa ta’u malee,Waaqayyo ijoollee isaa hin dagatuutii, Isaan keessaa meshaa Gallanii waaqayyoof hata'uu🙏

14/10/2022

Araarsumma isaani hundu ni amanna
G/Menfes qiddus maqaa isaani waamna
Nuuf kadhattu isaani foonif lubbudhanii
Baruma baranii

Baga geessan baga geenye

14/10/2022

14/10/2022

Nuuf jiraadhaa Abbaa Gammee

12/10/2022

~~~~~~~~~~~~~~🙏🙏~~~~~~~~~~~~
Anaaf jedhee dhiigee
Barruuf cinaachi Kee
Dirri kees madaa'ee
Qunca'ee qaamni kee
~~~~~~~~~~~~~~~~~~~~~~~~~~~~~~
Anaan fayyisuufii
Ofii Kee madooftee
Akka ilmoo hoolaa
Qalamuuf oofamtee
~~~~~~~~~~~~~~~~~~~~~~~~~~~~~~
Gaara qaraaniyootti
Fannootti ol baatee
Ulfata ba'aa koo
Ofii keen naa baatte
~~~~~~~~~~~~~~~~~~~~~~~~~~~~~~
Natti dhaga'amaam
Dhiphuun gaaf jimaataa
Keesaa koo hin baduu
Garaa koo na nyaataa
~~~~~~~~~~~~~~~~~~~~~~~~~~~~~~
Hundumaa dandessee
Arrabsoo yihuudotaa
Waan godhan hin beekan
Jette ato dhiifama gootaa
~~~~~~~~~~~~~~~~~~~~~~~~~~~~~~
Anaan na kabajuufii
Ofii kee tuffatamtee
Fuula Kee miidhaguttii
Ancufa kan tufamtee
~~~~~~~~~~~~~~~~~~~~~~~~~~~~~~
Kabaja Kee salphisuun
Fuula kee kan kabalanii
Gonfoo qoraattidhaanii
Mata kee waraananii
~~~~~~~~~~~~~~~~~~~~~~~~~~~~~~
Anumaafiim gooftaa
13.n dhukkubbii kee
Mismaara shanininsii
naaf waranumuun kee
~~~~~~~~~~~~~~~~~~~~~~~~~~~~~~
Sador aladooriin
Daanat roodasiif adeeraa
Harkaa Keef miilla kee
Qomaaf adda kee irraa
At waraanumuun Kee
iji koo argeeraa🙏🙏🙏
~~~~~~~~~~~~~~~~~~~~~~~~~~~~~~

10/10/2022

Qulqulleettii qulqullootaa

06/10/2022

Dhiphuun Kee dhiphuu koo