22/12/2024
طب استنا استنا استنا ✋️✋️✋️ده انت هتتهنا
بص يا صاحبي ، انت بتنام كام ساعة ⏳️⏳️ ،عايزك كدة تفكر معايا بصوت عالي
في اللي بينام 8 وفي 9 وفي اللي بيوصل ل 16 ساعة ليه ؟
معرفش🤔🤔
تقريبا بيعمل بيات شتوي أو بينتحر 😂
بص انا كنت بهزر فوق ، طبعا انت عارف ان الانسان لما بيجي ينام بيرفع عنه القلم اللي بيكتب به في كتابك 📜
ولو مكنتش تعرف فعادي أديك عرفت .. مش خسرانين حاجة معلومة بردك
انت ايه رأيك ما نخلي الكام ساعة اللي بتنامهم تخد فيهم حسنات كتير ✨️✨️✨️
قول إزاي ؟
قولت
هأقولك بقي
لما تيجي تنام أنا مش عايز غير 60 ثانية ⏳️⏳️
عايزك وأنت ساكت كدة تنوي أنك لما تصحي
إنك تعمل أي عمل صالح من
صدقات أو أذكار أو أوراد قرآنية أو صيام السنة أو دراسة علم دنيوي أو شرعي
وتنوي أن نومك هذا وقيامك هذا يكون لوجه الله
فشوف عدد الساعات اللي أنت بتنامه و شوف كمية الحسنات اللي أنت بتأخدها بفضل الله وبأمره
ايه رأيك 🤔 كلام عقلاني منطقي ديني ؟
إن شاء الله جرب الكلام ده هتلاقي أثره كبير جدا والحمدلله
ومتنساش يا صاحبي إياك توقف الكلام اللي أنت قريته عندك بص لا ☝️
أنشره وخد أجر العمل والدعوة و كمان الدال علي الخير كفاعله إلي يوم القيامة
فشوف جبال وتلال الحسنات اللي هتأخدها بأمر الله وبفضله
