القارئ اسلام محمد - Eslam Mohamed

01/08/2022

النفس تبكى على الدنيا وقد علمت ❤️

اسلام محمد الصاوى 21 سنة طالب بكلية الهندسه النَفسُ تَبكي عَلى الدُنيا وَقَد عَلِمَتإِنَّ السَلامَةَ فيها تَركُ ما فيهالا دارَ لِلمَرءِ بَعدَ المَوتِ يَسكُنُ...

08/06/2020

أنشودة سأقبل يا خالقى من جديد 💙
ان شاءالله هتعجبكم ❤
متنسوش تعملو لايك للبيدج 👍👍👍
وتعملو لايك للفيديو 👍👍
ده لينك الفيديو كامل اللى حابب يسمعه 👇👇👇👇
https://youtu.be/BsHlbfwykg0
شوف التعليقات لو مش عارف تعمل اشتراك

18/12/2019

انا شفت من قيام الليل واللي هو ركعتين في خمس لعشر دقايق يوميا اقسم بالله #العجب !! من حال الناس معاه ! .. شفت اللي زوجها ساب شغله ف السعوديه وبقيام الليل كام يوم ربنا رزقه ف مصر بشغل احسن منه !! شفت اللي كان مريض وربنا شفاه من مرضه بقيام الليل .. شفت اللي تأخر زواجها واتزوجت بقيام الليل .. واللي ربنا رزقها بالذريه بعد طول انتظار وكان الدكاتره بيقولوا مفيش فايده لكنها رزقت بيهم بقيام الليل .. شفت اللي كان مدمن عاده سريه وربنا تاب عليه منها بقيام الليل ..! وشفت اللي كان مش عارف يبطل ذنب معين وربنا هداه بقيام الليل ..! واللي ربنا وفقه للطاعه بقيام الليل !!

وشفت اللي كان حاله صعب ومتعسر ماديا وف شغله وف حياته وربنا يسرله حاله بقيام الليل !!

وكل دول على فكره لا هما شيوخ ولا اصحاب كرامات ولا اوليا ولا حاجه خطائين زي كل بني ادم لكن بعباده يوميه بسيطه غيروا حياتهم تماما !!

والله العظيم حصل وبيحصل وهايحصلك لو حرصت عليه !!

يا اخي افهم ..! انت مش عارف اد ايه الموضوع فعلا حدث جلل ان ربنا يتنزل ليك كل يوم وهو ملك الكون اللي ف ايده ادق التفاصيل ف حياتك انت وكائنات الكون كله وف ايده يقلب كل قلوب الخلق وكل افعالهم وافكارهم ومشاعرهم عشانك !!
يوميا مديلك عرض اقسم بالله لو تعرف قيمته بجد وتحسها وانت عبد فقير غلبان طاعاتك ضعيفه ووقتك مشغول لتشكره وتبوس الارض عليه !!

ربنا يوميا بيقولك !! مش ادعك الفانوس السحري لا دانت معاك اللي يقول بس كن فيكون !!.. لما يقولك هل من تائب فاتوب عليه هل من مستغفر فاغفر له هل من سائل فاعطيه !! هل من داع فاستجب له ..!!

وانت يوميا تقول لا معلش انا مش مصدق انك هاتعمل معايا كدا !! انا هاروح بكره اتلطم على بابا فلان ولا اترجى فلانه ولا اطلب من فلان ان يعمل كذا .. اصل انا واثق فيه اكتر ! "استغفر الله .. تعالى الله عما تصفون " !!

على مر التاريخ .. كل القصص بتحكي عن سر قيام الليل مع الانبياء والصالحين من اول مريم ابنة عمران لسيدنا زكريا لما نادته الملائكه وهو "قائم يصلي" شوف الايه وترجم مع ربنا هو بيقولك ايه السر !! لحد سيدنا محمد اللي ربنا نصحه ف كذا ايه ان فيه حال انه بيواجه امور صعبه ف حياته يقيم الليل وخلى دا عبره ليك .."ولقد نعلم انك يضيق صدرك بما يقولون فسبح بحمد ربك وكن من الساجدين" و ف ايه "قُمِ اللَّيْلَ إِلَّا قَلِيلاً"

كل الناس اللي بتصلي قيام الليل ليلا نهارها ميسر وطاعاتها ميسره وموفقين فيها وفي امور حياتهم وف حفظ من الله

وفيه علاقه #خاصه جدا بينهم وبين ربنا يوميا فيها كلام ودموع وشكوى ورجاء ودعاء واحساس بالقرب حتى انك حاسس انه اقرب ليك فعليا من ابوك وامك وعالم سرك اللي هما ميعرفهوش !!

قال صلى الله عليه وسلم "من قام بعشر آيات لم يُكتب من الغافلين، ومن قام بمائة آية كتب من القانتين، ومن قام بألف آية كتب من المقنطرين " [رواه أبو داود وصححه الألباني]. والمقنطرون هم الذين لهم قنطار من الأجر.

وقال: {عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد }

وقال : { أتاني جبريل فقال: يا محمد، عش ما شئت فإنك ميت، وأحبب من شئت فإنك مفارقه، واعمل ما شئت فإنك مجزي به، واعلم أن شرف المؤمن قيامه بالليل، وعزه استغناؤه عن الناس }

وقال: { في الجنة غرفة يرى ظاهرها من باطنها، وباطنها من ظاهرها } فقيل: لمن يا رسول الله؟ قال: { لمن أطاب الكلام، وأطعم الطعام، وبات قائماً والناس نيام }

قيام الليل اجره عظيم جدا ف الدنيا وف الاخره اوعى تسيبه صلي زي ما تقدر خمس دقايق عشر دقايق ربع ساعه نص ساعه المهم ما تسيبش العباده اللي والله هاتغير حياتك ~ !

قيام الليل ميعاد يومي لاصلاح #قلبك واصلاح ما فسد .
من روحك وحالك.
منقوووول

13/12/2019

اللهمَّ صَلِّ وسلم وبارك علي سيدنا محمد الفاتح لما أغلق والخاتم لما سبق... ناصر الحق بالحق والهادى إلى صراط مستقيم (صلوات ربى وتسليماته عليه)

30/11/2019

اللي بيجيب موبايل جديد بتلاقيه يركبله سكرينة, وجراب, وعمال كل شويه يمسحه, ويسلك الشاحن وخايف يتلعبك, وبعد أسبوعين تلاته يكسل يشحنه قبل حتي ماينام.
واللي جايب ساعة كل شويه بيقعد يبصلها وياتري لايقه علي الطقم ولا إيه وماشي يهزها في دارعه عشان تبان من تحت هدومه, وبعد مُده ممكن ينسي يلبسها أساسًا.
الشيطان بيلعب لعبة صايعة وهي إنك تبقي بتدعي وتتمني, ولما تنال الوصول ولذة التحقيق.. يزرع فيك حتة إنه عادي ياعم وكده كده كان هيحصل!.. فتنسي نعمة الشكر.. ومش بس كده لا وتجحد علي النعمة كمان.. نفسي أخلف يارب, ولما يخلف يعامل عياله معاملة جافة وكأنهم إبتلاء.. نفسي أشتغل, ولما يتعين يقول ده بمجهودي.. يارب جوزهالي, ولما يتجوزها يمشي قدامها وهي تمشي وراه, ولو جابلها مسحوق غسيل يعتبره هدية تستحق الشكر!. وإحمدي ربنا إني رضيت بيكي.. يارب دخلني الكلية دي.. ولما تدخل تقول ده بمجهودي ودخولي الكلية ده كان متوقع مكانتش حاجة بعيد, وبوستات كلها منزوعة من الشكر وبنتعامل مع النعمة كأنها جزء مننا مولودين بيه, وعلشان كده مبنعرفش قيمتها غير لما تتسحب مننا.. لو الواحد جاله برد ومناخيره إتكتمت.. تلاقيه يقول يارب ولو ساعة أتنفس فيها زي الاول!.. " وَإِن تَعُدُّوا نِعْمَةَ اللَّهِ لَا تُحْصُوهَا " قدَََر نعم ربنا عليك ياصديقي.. وإوعي تفقد الشغف وتنسي كلمة الحمد لله!.. إتبسط باللي عندك وركز وإنت هتلاقي اللي في نظرك عادي بالنسبة لكتيرغيرك أكبر حلم.

!.

#منقوووووول

24/11/2019

لو عاوز تنضف الكاتل اللي بتغلي فيه المية.. حط شوية كركديه جواه وإغليهم, وبعد ساعة إغسل الكاتل هتلاقيه كأنك لسه جايبه جديد, بيلمع ونضيف.
طيب لو عاوز أخفف ذنوبي وأطهر نفسي منها.. أعمل إيه؟.. النبيﷺ علمنا حاجة جميلة, وهي إنك لما بتتوضي قبل نومك, ومن أول ما تحط دماغك علي المخدة ربنا وقتها بيكلف ملك من الملائكة يفضل يدعيلك بالمغفرة طول ما إنت علي فَرشِتك, ويقول: اللهم إغفر لعبدك فقد بات طاهرًا.. جبال من الحسنات هتكسبها, وعداد ذنوب هيتراجع لما تعمل حاجة بسيطة زي دي, ولو عملتها لغيرك.. هتاخد الثواب زيه بالملي.. طهر نفسك بالوضوء, لعل قلبك ينضف ويرجع صافي زي اللبن الحليب.
منقووول

13/11/2019

فعلا والله

10/11/2019

اللهم صل وسلم وبارك على سيدنا محمد صلاةً تقضي بها حاجاتنا وتفرج بهما همومنا

09/11/2019

أيا عبد كم يراك الله عاصيا
حريصا على الدنيا وللموت ناسيا
أنسيت لقاء الله واللحد والثرا
ويوما عبوسا تشيب فيه النواصيا
لو أن المرأ لم يلبس ثيابا من التقى
تجرع عريانا ولو كان كاسيا
ولو أن الدنيا تدوم لأهلها
لكان رسول الله حيا وباقيا
لكنها تفنى ويفنى نعيمها
وتبقى الذنوب والمعاصى كما هى

05/11/2019

-يا رسول الله، بم يُعرف المؤمن؟

قال : "بوقاره، ولين كلامه، وصدق حديثه"..... صلى الله عليه وسلم

05/11/2019

عن أنس بن مالك عن النبي عليه الصلاة والسلام: (اذكر الموتَ في صلاتِك، فإنَّ الرجلَ إذا ذكر الموتَ في صلاتِه لحريٌّ أن يُحسنَ صلاتَه، وصلِّ صلاةَ رجلٍ لا يظنُّ أنَّه يُصلِّي صلاةً غيرَها، وإيَّاك وكلُّ أمرٍ يُعتذَرُ منه) صدق رسول الله صلى الله عليه وسلم

29/10/2019

اللهمَّ لا تجعلنى منحرفا ولا شبه منحرفا وأدخلنى فى دائرة رحمتك وأنزل على عمودا من نور واجعل لى زاويه فى الجنه وكافأنى حسن الجزاء... اللهم لاتجعل حولى فراغا واملأ الدنيا سعاده... اللهم إنى مؤمن بيوم الحساب فخفف عنى يا رب العالمين