سالم خلف الله الأزهري-Salem Khalaf Allah

  • Home
  • Egypt
  • Safaga
  • سالم خلف الله الأزهري-Salem Khalaf Allah

سالم خلف الله الأزهري-Salem Khalaf Allah Contact information, map and directions, contact form, opening hours, services, ratings, photos, videos and announcements from سالم خلف الله الأزهري-Salem Khalaf Allah, سفاجا, Safaga.

27/06/2021

أوعي في يوم تستصغر عافية البدن....
مش بس كدا دايماً إسأل ربك أن يديم عليك عافية البدن

وعلشان العافية مهمة جداً كان سيدنا النبي ﷺ
غالب أدعيته فيها سؤال الله العافية

مش بس كدا ده بيقلنا صراحة
مش هتحصل علي حاجة بعد اليقين أعظم من العافية
قال ﷺ سلوا اللَّهَ العفوَ والعافيةَ فإنَّ أحدًا لم يُعطَ بعدَ اليقينِ خيرًا منَ العافيةِ

لأ وكمان متنساش لو شفت حد مبتلي
أن تحمد الله علي العافية

وحتي في صلاتك بين كل سجدتين دايماً تقول
اللَّهمَّ اغفِر لي وارحَمني وعافِني وارزُقني

العافية من أجمل وأعظم نعم ربنا عليك
اشكره دايما عليها علشان يبارك لك فيها

كتبه/ سالم خلف الله

26/06/2021

مع كل أمر من أمور دينك أنت تجهله ومش شاغل بيه دماغك

... كن على يقين أن أعداء الدين يضعون لك فيه الشبه وذلك كثير ومنتشر...
مثلا من يسمون أنفسمهم بالعلمانين ...
كم مرة يتهموا الإسلام بأنه لا يعطي للمراءة حقها أو أنه يظلمها ...
وده بس بسبب هوي فى عقولهم يستميلون به النساء وذلك ظاهر ....

طيب تعالى كدا يا أهبل منك ليه هو انتا متخيل الدين اللى بتقول عليه
بيهدم حق المراءة ... وصل من تعظيمه للنساء أنه جعلها تعصم دماء الكفار

أه زي ما بقولك كدا .... يعني المراة المظلومة دي كانت بتقول فلان هذا فى جواري ..... ومفيش رجل مسلم يستطيع أن يقتله مع أن هذا الكافر حلال الدم

من القصص دي قصة أم هانئ وهيا مشهورة جدا
لما دخل سيدنا النبي ﷺ مكة منتصرا جاءت أم هانئ للنبي ﷺ قالت له يا رسول الله زعم على ابن ابى طالب أنه قاتل (بن هبيرة) وقد أجرته

فكان رد سيدنا رسول الله ﷺ " قد أجرنا من أجرت يا أم هانئ"

شايف يا جاهل منك ليه ده حق النساء في الإسلام ... كلمة منها تعصم دما

لكن لو قرأنا ديننا قراءة صحيحة ما سمعنا هولاء يتجرأون على ديننا أبدا

كتبه/ سالم خلف الله

سؤال وجوابه ننشره للفائدةشاركت فى تغسيل ميت قريب لى فهل يجب على الغسل فقد سمعت حديثا يقول " من غسل ميتا فليغتسل ومن حمله...
23/06/2021

سؤال وجوابه ننشره للفائدة

شاركت فى تغسيل ميت قريب لى فهل يجب على الغسل فقد سمعت حديثا يقول " من غسل ميتا فليغتسل ومن حمله فليتوضأ"

الجواب

جزاك الله خيرا أخي السائل وغفر لميتكم .... اللهم امين
لكن من قواعد ديننا الحنيف أننا نأخذ الاحكام من صحيح سنة النبي ﷺ

والحديث الذي أشرت إليه هو من الأحاديث التي اختلف أهل العلم بين تصحيها وتضعيفها

كما اننا تحتاج إلى جمع رويات الحديث التي فى الباب حتي نستطيع نقول بالايجاب أو غيره

وقد وقفنا على بعض الرويات التي جاءت عن بن عباس يرفعها لرسول الله
أن قال : " ليس عليكم في غسل ميتكم غُسل إذا غسلتموه ، فإنَّ ميتكم ليس بنجس ، فحسبكم أن تغسلوا أيديكم "

كما أنه جاء عن ابن عمر أن قال
رضي الله عنه : " كنا نغسل الميت ، فمنَّا من يغتسل ومنَّا من لا يغتسل "

وعليه
علي قول من حسن الحديث الأول

فالغسل من تغسيل الميت من المستحبات وليس من الواجبات
لاسيما إذا كان هناك متسع من الوقت يسمح لك أن تغتسل
لكن إن ضاق عليك الوقت مثلا بدخول وقت الصلاة ...
فلا يجب أن تغتسل بل يكفيك الوضوء

كتبه / سالم خلف الله

22/06/2021

هتلاقي دايما حواليك من أصحابك عندهم مفاهيم غلط في غلط

عارف من نعمة ربنا عليك إنك تكون دايما عندك تصحيح للغلط اللى حواليك

الجنة مش فى الصلاة والصوم والحج بس لأ أبدا
الدين أوسع من كدا بكتير وربنا رحمته أوسع وأوسع .....

الجنة ممكن تكون فى واحد بس عرفته معلومة في دينه

سيدنا النبي ﷺ قال لعلى رضي الله عنه
"فو اللَّهِ لأنْ يهْدِيَ اللَّه بِكَ رجُلًا واحِدًا خَيْرٌ لكَ من حُمْرِ النَّعم"

تعالي أقلك كدا يعني ايه تصحح للى حواليك غلطهم

يعني انتا كدا بتقتدي بحبيبك النبى ﷺ

خد مثال كدا .... كام واحد من اللى حواليك معتقد ان الرزق بس فلوس وأطيان

أكيد كتير ... طيب كام واحد من دول انتا صححت ليهم الفهم ده

طيب شوف كدا سيدنا النبي ﷺ بيقول لاصحابه نفس الكلام ده

"ليس السَّنَةُ بأنْ لا تُمطَروا ، ولكِنَّ السَّنَةَ بأنْ تُمطَروا وتُمطروا ؛ ولا تُنْبِتُ الأرضُ شيئًا"

كانوا فاهمين ان القحط هو ان السماء لا تمطر
فصحح ليهم المعلومة دي وقالهم لا القحط هو انه ينزل المطر بس المطر ده مفيش فيه بركة ..... وبالتالي الارض لن تنبت

تخيل كام واحد معتقد ان الرزق بس فلوس
لكن المسكين لما يمسك الفلوس ويصرفها على العلاج هيعرف انه غلطان
لما يحصل على الفلوس ويصرفها أولاده على الحرام
فى الوقت ده هيعرف ايه معني بركة الرزق
بركة الرزق هتشوفها في طاعتك لربنا
فى لقمة من حلال ...
فى أولاد بيك بارين ومش ندمانين إنك أبوهم
فى زوجة تصونك وتصون عرضك ومالك

#إحسبها صح

ومتنساش تعطر لسانك بالصلاة والسلام على خير الانآم محمد ﷺ

كتبه / سالم خلف الله

17/06/2021

لسه الطريق ما جبش آخره ... هنشوف أكتر من كدا
بس طول ما انتا ماشي لازم تتعلم من كل مواقف حياتك
ولو بطلت تدعي ربنا انه لا يجعلك لغيرك عبرة.... هتندم
وساعتها بس هتعرف ايه معني ....... ستر ربنا عليك
الدنيا دي أكبر مدرسة ... كل ما تظن انك خلصت كل الدروس تتفاجئي بكتاب جديد..
أوعي تفتخر أو تضحك على حد انه وقع .... لكن عايز الصح إسال ربك العافية....
أوعي تظن إنك في مأمن على طول ... متعرفش بكرا جايبلك ايه ومخبى ليك ايه ...
أوعي تقول لو كنت مكان فلان كنت هكون أحسن منه .... انتا مغرور بستر ربنا مش أكتر
سيدنا عمر رض الله عنه يقول :
ودِدْتُ أنِّي نَجَوْتُ منها كَفَافًا، لا لي ولَا عَلَيَّ



كتبه
سالم خلف الله

05/06/2021

نعم كتير أنعم بيها ربنا عليك ومع ذلك مش سعيد
طيب تعالى كدا ألخصلك كلمتين مهمين .....
طول ما عينك على غيرك ومش راضي وبتبص على إللى فى إيد غيرك
عمرك ما هتكون سعيد
- حتي لو معاك فلوس كتير وزيادة بس بتبص على غيرك ومش راضي
عمرك ما هتكون سعيد
- لو إتعلمت كويس ومش راضي بتعليمك ...وباصص على غيرك مش هتكون سعيد
- لو عندك نعمة الأهل والأمن والستر ومش راضي.... وباصص على اللى ناقصك مش على إللى معاك مش هتكون سعيد
- لو زوجتك من ملكات الجمال بس مش راضي.... وبتبص لغيرها مش هتكون سعيد
بإختصار لأن السعادة بتكون فى الرضا
الرضا باللى معاك حتي ولو كان قليل
خليك راضي باللي فى إيدك ومش عيب تسعي للمزيد بس لحد ما ربنا يحقق ليك إللى عايزه خليك راضي
متنساش #إحسبها صح
ونصلى ونسلم على سيد ولد آدم صلى الله عليه وسلم
كتبه 🖊🖊🖊
سالم خلف الله

21/05/2021

70 الف ملك يستغفرون لك بعد ما تسمع الفيديو

Address

سفاجا
Safaga
84711

Website

Alerts

Be the first to know and let us send you an email when سالم خلف الله الأزهري-Salem Khalaf Allah posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to سالم خلف الله الأزهري-Salem Khalaf Allah:

Shortcuts

Share