رواد المسجد الكبير بالأشراف العسيلية

18/06/2026

14/06/2026

ناس كتير بدأت تحوش دهب و فضة و صدق رسول الله صلى الله عليه وسلم

12/06/2026

جمعة مباركة عليكم وعلينا❤️

01/06/2026

النبي ﷺ قال جُملة غريبة وخطيرة جدًا عن اللبس دا، وقعدت سنين أفهم معاني وصف (كَاسِيَاتٌ عَارِيَاتٌ) وإزاي كاسية وعارية في نفس الوقت؟

أهو الفُستان المُجسَّم دا هو التجسيد الحرفي للكلمتين دول! وممكن جدًا تكون البنت اللي لابساه بتصلي، وبتصوم، ومُحترمة، ومتربية أحسن تربية، بس غصب عنها وقعت في كبيرة من الكبائر! وماينفعش بأي حال نزايد على العُصاة؛ لأن كلنا عُصاة بس في حِتت تانية.

المهم.. أبسط معنى للكلمتين دول، إنها (كاسية) لأنها لابسة قماش ومغطية بيه لون بشرتها، وفي نفس الوقت (عارية) لأن القماش دا عبارة عن طبقة جلد تانية، وراسم ومفصّل كل مُنحنى وتفصيلة في الجسم، يعني حرفيًا لابسة بس مش لابسة!

​والكارثة بتكمل بالطُرح الغريبة المُريبة المُنتشرة حاليًا، لفّة بتبيّن الرقبة، ولفّة بتبيّن الودن وحتة من الشعر، أو تربون بيخلي الرأس كأنها (أسنمة البُخت المائلة)! ودا بيكبّر شكل الرأس من ورا وبيلفت النظر، وبيلغي تمامًا وظيفة الحجاب الأساسية اللي هي إخفاء الزينة وعدم إبراز المفاتِن.

تعالي بقى للجزء المُرعب في الحديث، واللي لازم نفهمه علشان نعرف قدر نفسنا ونبطّل مُكابرة واستخفاف بنصوص الشرع، النبي ﷺ قال عنهم: (لا يَدْخُلْنَ الجَنَّةَ، ولَا يَجِدْنَ رِيحَهَا)!

طيب ليه العقاب العنيف والوعيد المُخيف دا؟ لسببين:

- لأن الإصرار على المعصية، والمجاهرة بيها في الأفراح والمُناسبات، وتحويل الحجاب لمَسخ بيفتن الناس، دا تعدي صارخ على حدود الله واستهانة بأوامره، وكأنك بتضحكي على ربنا، اللي هو أنا مُحجبة أهو بس حجاب مِشخلع على مزاجي!

-ولأن البنت اللي بتلبس كدا -سواء بوعي أو بدون- بتلفِت الأنظار وبتحرّك مَراكِب الإعجاب، فبتكون سبب مباشر في فتنة شباب ورجال -وأحيانًا نساء- كتير، والجزاء من جنس العمل؛ زي ما كانت سبب في ضلالهم واعتياد عيونهم على الحرام، بتتحرِم هي من رِيح الجنة! إنتي مُتخيلة بجد! مش حرمان من الجنّة، لا دا مش هتشم ريحتها أصلاً.. هل السوارية والمِحزق والمِلزق في دنيا فانية ومُرهقة ومُقرفة يُغني عن الجنة!

شايفك يا اللي مش مُقتنع وبتفكّر أو بتفكّري تستنكري النصوص الصحيحة، وهتدخل على باقة الدين يُسر، وربنا جَميل يُحب الجَمال، وفعلاً مفيش أي مانع إن البنت تكون شيك ولبسها أنيق.. لكن اليُسر في العبادات والمعاملات، أمّا الحجاب الشرعي ليه ضوابط، والخطوط الحمراء في الدين مفيهاش فِصال أبدًا، ولمّا ربنا -سبحانه وتعالى- حرّم اللبس المُجسَّم والمُلفت، حرّمه لأنه هو الأعلم بشؤون عباده، وهو اللي أراد بنفسه -جل جلاله- تعزيز البنت المُسلمة وتفريقها عن غيرها، والوعيد في الحديث شديد علشان كل ما تسترخصي نفسك تفتكري إن الضريبة هي الحِرمان من الجنّة! يعني حاجة في مُنتهى الذُل، والله لا أرضاها لمُسلمة تؤمن بالله واليوم الآخر.

خلي بالِك.. فيه شوية حِجج وردود بيحاولوا يقنعوكي بيها، زي مثلاً:

- (سيبك من المرأة، يا عم غضوا عينيكم الزايغة إنتو الأول)..
هقولك: أقسم بالله معاكي حق مليون في المية، وأي راجل بيبصلك أو بيُطلق بصره دا راجل آثم وخاين لله وللنبي وللمسلمين، وربنا أمرنا كرجال بغض البصر: (قُل لِّلْمُؤْمِنِينَ يَغُضُّوا مِنْ أَبْصَارِهِمْ)، لكن بالعقل كدا.. هل ذنب الحرامي اللي بيسرق، يُبرئ صاحب البيت اللي سابله الباب مفتوح والفلوس على الترابيزة؟

الحساب يوم القيامة فردي؛ هو هيتحاسب حساب عسير على بصره فقط، لكن إنتي هتتحاسبي على فتنة كل اللي شافك.. علشان كدا الخطورة بتستدعي التنبيه والتذكير دايمًا، وذنب البصّاص مابيعفكيش أبدًا من عقاب التبرُّج قدام ربنا!

- (دي ساعتين في العمر)..
هقولك: والله مَلك الموت ما بياخد أجازة، وشغال -بأمر الله- في العيد وفي الأجازات وفي كل الأوقات! وملوش أي علاقة إنت قاعد في فرح أو ميتم، دا مأمور وبينفِّذ على أي حال.

اللهم اعفُ عن نساء وبنات المُسلمين، وأصلح أحوالهن، فإنه لا يُصلحها إلا أنت!

وأخيرًا.. مَن ترك شيئًا لله، عوَّضه الله خيرًا منه.

17/05/2026

كلمة و معنى في القرآن

25/04/2026

من توكل علي الله هداه

13/04/2026

https://www.facebook.com/share/p/1CTV9NEeR2/

صوره ل المسجد الكبير بالإشراف العسيليه
صوره جميله جدا
لا تهتم بالاضائه اهتم بأنك إذا دخلته كل يوما واقفا أفضل من أن تدخله ميتا واهتم بأن وجهك سيضيئ أكثر من ذلك في الآخره.

03/04/2026

في عالمٍ يضج بالصخب والمطالب، لا يجدُ الإنسانُ ملاذه الحقيقي إلا في "سجدة" يُلقي فيها أثقال الدنيا خلف ظهره..♥️!