09/04/2026
النهارده يوم من أعمق وأجمل أيام أسبوع الآلام
خميس العهد ❤️
يوم مليان حب وتواضع…
المسيح فيه غسل أرجل التلاميذ وادّى أعظم مثال للخدمة 🙏
وبرضه فيه أسس سر التناول وادّانا وصية المحبة الحقيقية ❤️
📌 الهدف إننا نعيش الحدث ونحط نفسنا مكان التلاميذ
ونفكر: كنا هنتصرف إزاي؟
💭 تأمل صغير:
بطرس في الأول رفض وقال: "لن تغسل رجليّ أبداً"…
كان شايف إن اللي بيحصل مش منطقي بالنسبة له 👀
لكن أول ما فهم كلام المسيح، خضع بالكامل وقال:
"ليس رجليّ فقط بل أيضًا يديّ ورأسي" 🙏
رد فعل بطرس بيورينا إن الإنسان ممكن يكون صادق في مشاعره، لكن محدود في فهمه…
يرفض لأنه شايف الصورة من زاوية واحدة، لكن لما الحقيقة تتكشف، بيغيّر موقفه بالكامل ❤️
والجميل إن المسيح ما اتضايقش من رفضه، لكنه قاده للفهم خطوة خطوة…
وده بيعلمنا إن علاقتنا بربنا مش دايمًا مبنية على الفهم الكامل،
لكن على الثقة حتى وقت عدم الفهم 🙏
يمكن كتير مننا بيعيش نفس الموقف…
نرفض تغييرات أو طرق ربنا في حياتنا،
لكن مع الوقت بنكتشف إنها كانت لخيرنا ❤️
📌 سؤال النهاردة 💪🏻👀
1️⃣ اذكر وصية واحدة قالها المسيح في اليوم ده؟ واكتبها بالمعنى بتاعك 🫡
2️⃣ المسيح قال إن واحد من التلاميذ هيسلمه…
اذكر رد فعل اتنين من التلاميذ وقتها 🤔
📩 ابعتوا إجاباتكم برايڤت 💌👀
