02/07/2026
💙✨ يوم من أجمل أيام خورس أريبصالين ✨💙
بعد فترة من التعب، والحفظ، والبروفات، والخدمة، كان لازم يبقى في يوم نجتمع فيه ونفرح سوا... لأن بعد كل تعب، لازم يكون فيه فرحة. ❤️🥳
عشنا يوم ترفيهي جميل مليان محبة وضحك وذكريات حلوة، بدأناه بماتشات كورة مليانة حماس ⚽🔥، واستمتعنا بألعاب النفخ والتحديات 🎈، وفي نهاية اليوم تم توزيع جوائز وهدايا 🏆🎁 كرسالة شكر وتقدير لكل عضو في الخورس على تعبه، والتزامه، وأمانته في الحفظ والخدمة. 👏💙
ومن أجمل لحظات اليوم، احتفلنا بعيد ميلاد أبونا وراعينا الغالي أبونا بيشوي 🎂🎉، وبنصلي من قلبنا إن ربنا يبارك حياته وخدمته، ويديله صحة وفرح وسنين كثيرة مليانة ثمر لمجد اسمه. 🙏❤️
واختتمنا اليوم بأكلة سمك جميلة 🐟🍽️ جمعتنا حوالين سفرة واحدة، وزادت إحساسنا إن خورس أريبصالين مش مجرد خورس... دي عيلة، وكل واحد فيها ليه مكان وقيمة. 🤍
كل الشكر لكل عضو في الخورس على إخلاصه وتعبه، ولكل شخص ساهم في تنظيم وإنجاح اليوم. فرحتكم هي أكبر مكافأة، وربنا يعوض تعب ومحبة كل واحد فيكم، ويديم بينا روح المحبة والوحدة، ونفضل دايمًا نسبح الله بقلب واحد وصوت واحد. 🎶💙
