بَلِّغُواْ عَنِّي وَلَوْ ءَايَةُ "الْقُرْءَانُ وَالْسُّنَّةُ"

  • Home
  • Egypt
  • Kafr el Sheikh
  • بَلِّغُواْ عَنِّي وَلَوْ ءَايَةُ "الْقُرْءَانُ وَالْسُّنَّةُ"

بَلِّغُواْ عَنِّي وَلَوْ ءَايَةُ "الْقُرْءَانُ وَالْسُّنَّةُ" القران والسنة هما نجاة الأمة ♥️

18/04/2026

#فائدة......
أصبحنا في زمان السوشيال ميديا و كل شيء حولنا قد نراه وقت حدوثه ، لكن لم يخطر ببالك أنَّ الله عز وجل تكلم عن انتشار الأخبار و مشاركتها لا سيما إن كانت حال الخوف أو حال الأمن كل هذا نراه تأمل قول الله تعالى
إذ يقول :
"وَإِذَا جَاءَهُمْ أَمْرٌ مِّنَ الْأَمْنِ أَوِ الْخَوْفِ أَذَاعُوا بِهِ" ربنا بيقول في كتابه (أذاعوا به )
صدق الله في قوله .!!!!

03/04/2026

أنت لو مش هتقدر تقرأ البوست ده فأنت وصلت لمرحلة صعبة من التعفن الدماغي وعايز البوست ده يوصل لكل الناس اللي عندي اعمل شير ابعته لأي حد انت عارف عنده المشكلة دي المهم عايز البوست يوصل لناس كتير
مبدئيًا كدا أنت بنسبة 95% عندك المشكلة اللي هتكلم عنها دي.
وهي الـ"brain rot" أو "التعفن الدماغي".
كلنا آخر فترة بقينا بنواجه مشكلة خطيرة جدًا فوق ما تتخيلوا مش بس تعب أو كسل لا، ده بقى في تآكل حقيقي في قدرتنا على التركيز والتفكير.
بقيت تفتح الموبايل دقيقة تلاقي نفسك عديت ساعة فيديو ورا فيديو بدون هدف بدون تركيز مجرد استهلاك وخلاص. والأخطر؟ إنك مبقتش حاسس إن ده غلط بقى طبيعي جدًا إن يومك يضيع بالشكل ده.
دماغك اتعود على السهل على الحاجة اللي بتديك متعة سريعة بدون أي مجهود. فبالتالي أي حاجة محتاجة تركيز بقت تقيلة عليك: مذاكرة – شغل – قراءة – حتى الصلاة بقيت فيها سرحان. الموضوع أكبر بكتير من مجرد “إدمان موبايل” دي بقت طريقة تفكير ونمط حياة.
طيب إيه الأسباب اللي وصلتنا لكدا؟ الاستخدام المفرط للسوشيال ميديا (تيك توك – ريلز – شورتس وغيره)، الفيديوهات القصيرة اللي بتكسر مدة الانتباه، التعود على التسلية السريعة بدل التفكير العميق، السهر الكتير وقلة النوم، قلة الحركة والرياضة، العشوائية في اليوم (مفيش نظام)، الاستهلاك بدون إنتاج.
وكمان من الأسباب هي الإشعارات المستمرة اللي بتقطع تركيزك كل شوية، إنك بقيت دايمًا مستعجل ومش قادر تستحمل أي محتوى طويل، الخوف من فوات الحاجة اللي مخليك ماسك الموبايل طول الوقت، المقارنات على السوشيال ميديا اللي بتخليك تهرب أكتر، الهروب من الواقع بدل مواجهته، وقلة الصبر اللي بتخليك تسيب أي حاجة قبل ما تكملها.
وفي سبب خطير جدًا ناس كتير مش واخدة بالها منه وهو اعتمادنا الزائد على الذكاء الاصطناعي. بقينا بدل ما نفكر بنسأل وبدل ما نحاول بنستسهل، بدل ما نتعب علشان نفهم نطلب الإجابة جاهزة.
الذكاء الاصطناعي أداة قوية جدًا، لكن استخدامه الغلط بيحولك لمتلقي بس، وبيضعف التفكير والتحليل يعني ببساطة بيخلي دماغك تكسل.
طب إيه الحل؟ الحل مش حرمان الحل إنك ترجع تدرّب دماغك تاني. ابدأ تقلل السوشيال ميديا تدريجيًا وتحدد وقت ليها، واعمل يوم ديتوكس دوبامين تبعد فيه عن أي محتوى سريع، وابدأ ترجع تركيزك بالتدريج حتى لو نص ساعة في اليوم. سيب مساحات صمت من غير موبايل، واكتب أفكارك عشان ترتب دماغك، واشتغل بنظام مهمة واحدة بدل التشتت.
اقرأ يوميًا حتى لو قليل، وظبط نومك لأنه أساس تركيزك، واتحرك لأن النشاط بيفوق دماغك، وكافئ نفسك بعد المجهود مش قبله، وقرب من ربنا بالصلاة وقراءة القرآن لأن ده بيرجع صفاء الذهن وراحة نفسية كبيرة.
تمشي على الكلام دا إزاي؟ ابدأ بسيط ومتضغطش على نفسك. بعد أسبوع هتحس بتحسن بسيط، بعد أسبوعين تركيزك يبدأ يرجع، بعد شهر هتلاقي نفسك شخص تاني.
وخلي بالك المشكلة مش في التكنولوجيا المشكلة إنك فقدت التحكم فيها. يا إما تفضل مستهلك طول الوقت، يا إما تبقى إنسان واعي بيستخدم عقله. يا إما تفضل تايه في فيديوهات 10 ثواني يا إما تبدأ تبني نفسك من جديد.

وحاجة كمان بقى.
بصراحة كدا أنا واحد من الـ95% اللي اتكلمت عنهم في البوست ده. أنا فعلًا عندي “brain rot” وتركيزي بقى ضعيف، وبضيع وقت كتير جدًا على حاجات ملهاش لازمة، وبقيت بحس إني مش قادر أرجع زي الأول.
بس أنا مش ناوي أفضل كدا. أنا قررت أبدأ أساعد نفسي، وأرجع أظبط دماغي واحدة واحدة حتى لو الموضوع صعب.
والحقيقة إني اكتشفت حاجة مهمة جدًا إنك لوحدك الموضوع بيبقى أصعب بكتير.
عشان كدا جاتلي فكرة ليه منبقاش سوا في الموضوع ده؟ ليه كل واحد فينا بيحاول لوحده ويقع لوحده؟ طب ما نساعد بعض ونفوق بعض بدل ما نضيع كلنا؟
أنا ناوي أعمل جروب، هيكون هدفه إننا نقلل التشتت، ونرجع نركز، ونبني عادات كويسة سوا والجروب مش هيبقى كلام وخلاص، لا هيبقى فيه تحديات يومية بسيطة زي تقليل الموبايل، قراءة، وقت تركيز، وكمان متابعة لبعض إن كل واحد يقول عمل إيه، وتحفيز وتشجيع بينا، ومفيش مثالية كلنا بنقع عادي.
الفكرة مش إنك تبقى بيرفكت، الفكرة إنك تتحسن 1% كل يوم.
ومتنساش تصلِّ على النبي ﷺ

*الشيخ سمير مصطفى بيقول*:*مشكلتك انت إنك، أنا عايز أجيب**عايز أشتري، عايز أحوش**هشتغل شغلانة هتجيب كذا**يا سيدى توكل عل...
15/02/2026

*الشيخ سمير مصطفى بيقول*:

*مشكلتك انت إنك، أنا عايز أجيب*
*عايز أشتري، عايز أحوش*
*هشتغل شغلانة هتجيب كذا*
*يا سيدى توكل على الله شوية*
*هو ايه حكاية أنا أنا دي!؟*
*هو انت إله؟!*
*انت عبد تستكين وتقول يا رب أنا عايز كذا*
*قوم في الليل وقوله يا رب زوجني يارب ارزقني يا رب اجبرني*
*وامشي فى السبب وربك عز وجل هيرزقك* 💙

قبل ما تتفكر تتصور جنب شجرة الكريسماس ،افتكر شجرة الزقوم 😔
22/12/2025

قبل ما تتفكر تتصور جنب شجرة الكريسماس ،افتكر شجرة الزقوم 😔

21/12/2025

السلام عليكم ورحمة الله وبركاته
الليلة الأولى من رجب لم تختص بأي فضل إلا في أحاديث ضعيفة أو موضوعة
وليس الدعاء فيها مستجاب بمناسبة الحديث اللي عمالين تشيروه ده لم يُثبت عن الرسول ولا ترفع فيها الأعمال ليست إلا أول ليلة من شهر حرام تعظم فيها حرمات الله
فجدوا وأجتهدوا طوال الشهر ولا تنتهكوا حرمات الله وعظموا المعاصي وأكثروا فيه من الصيام والقيام والأعمال الصالحة

18/12/2025

‏للتذكير : مقبلون على أولِ الأشهرِ الحُرُم
شهرُ رَجَبْ
شهرُ رجب هو شهر البَذْرِ ، شهرٌ تتتضاعفُ فيه الحسنات ، والذنبُ فيه عظيم ، أكثروا من الأعمال الصالحة ، واجتنبوا المعاصي ولا تظلموا أنفسَكم بكثرةِ الذنوب . .
وكما قال عنه الحافظ ابن رجب - رحمه الله -
شهرُ رجب مفتاحُ أشهرِ الخيرِ والبركةِ.
#مشرف

18/12/2025

اذا تعلّقت بالنوم ، قمِ اللّيل .
اذا تعلقت بالاكل ، فصُم تطوّعاً .
اذا تعلّقت بمالك ، تصدّق منهُ .
اذا استعجلت في دُنيَاك ف تمهل في صلاتِك .
اذا غابتِ البركة من وقتِك فتفرّغ لقراءةِ القرآن .
دِيننا هو الدّواء لكل داءٍ و انتكاسَةٍ .

16/12/2025

#تحذير
راس السنة السنادي
هيبقا تقريبا ف نصف رجب وده تزامن مثير للتأمل بصراحة
تخيل في الليلة اللي معظم أهل زماننا بيعصوا ربنا فيها بذريعة الاحتفال بالعام الجديد، هيكون في منتصف شهر مش عادي زي رجب، شهر كانوا حتى في الجااهلية حافظين له احترامه وبيعظّموه تعظيم فريد عن باقي الأشهر الحُرم لدرجة إنهم سمّوه "مُنصّل الأسنّة"، يعني نازعها، لأنهم بمجرد دخول رجب بيشيلوا كل أنواع السنون، ما بيسيبوش رمح ولا سهم فيه حديدة (سنّ) غير وينزعوها ويرموها دلالة على إبتعادهم تمامًا عن القًتال تعظيمًا لحُرمة رجب.
ده فهم الكفًار وإدراكهم رغم جاهليته لحُرمة رجب، فنحن بذلك أولى
ده ديننا، وده تقويمنا، ودي شهورنا كمسلمين، فأحيوا التاريخ الهجري في الأذهان وقدّروا قيمة الأشهر الحُرم
(إِنَّ هَٰذِهِ تَذْكِرَةٌ فَمَن شَاءَ اتَّخَذَ إِلَىٰ رَبِّهِ سَبِيلًا)

12/12/2025

ونعوذ بالله من سهر الهواتف بدل المصاحف،
اللهم ردنا إليك رداً جميلاً.

"يا مضيعَة الوَقت، ويا مَفسدة القَلب".أخذُوا مِن الأمّة عُمرها، والأمّةَ سَتُسأل!
11/12/2025

"يا مضيعَة الوَقت، ويا مَفسدة القَلب".
أخذُوا مِن الأمّة عُمرها، والأمّةَ سَتُسأل!

Address

دقلت
Kafr El Sheikh

Website

Alerts

Be the first to know and let us send you an email when بَلِّغُواْ عَنِّي وَلَوْ ءَايَةُ "الْقُرْءَانُ وَالْسُّنَّةُ" posts news and promotions. Your email address will not be used for any other purpose, and you can unsubscribe at any time.

Shortcuts

Share

Category