10/07/2022
اهلا بيك وبيكي في برنامج مشوار
برنامج مشوار هو برناج بتعده وتقدمة كنيسة المسيح بمصر الجديدة وهدفه اننا نمشي معاك المشوار .. عمليا وروحياً وده هيكون من خلال تدريب اسبوعي لمدة 3 ساعات بإجمالي 24 ساعة تدريبية وهينقسم البرنامج لجزئين
الجزء الأول:
هيكون تدريب لتنمية المهارات الوظيفية والشخصية وهيقوم بالتدريب مدربين متخصصين في مجال تنمية المهارات الوظيفيه والشخصية واللي هيكونوا بيعلمونا عن
*مهارات كتابة السيرة الذاتيه
*عمل انترفيو ناجح
*إزاي اقدر اقدم في منح دراسية وبرامج تبادل ثقافي واتقبل فيها
وموضوعات تانية كتير ليها علاقة بتنمية المهارات الشخصية والمهارات المطلوبة لسوق العمل
أما الجزء التاني من التدريب فهيكون تلمذة روحية وفيه هنتعلم
*ازاي نواجه التحديات اللي بتمنعنا نكبر مع ربنا
*إزاي اعيش بأمانه في شغلي واكون شهاده للمسيح رغم كل التحديات
*إزاي أكون خادم مؤثر
وموضوعات تانيه كتير هتساعدنا اننا نكبر روحيا وعمليا .. وكل ده هيتقدم من خلال انشطه والعاب تفاعليه شيقه وكمان هيكون فيه إختبار بنهاية مدة التدريب عشان نقيس مدي الاستفاده من التدريب بشهادة تقدير وجايزة مالية للمتمزين
شروط التقدم للبرنامج:
*ان تكون حديث التخرج او في السنه الاخيرة من الدراسه الجامعية
*ان يكون عندك استعداد للإلتزام والحضور خلال فترة البرنامج
*القدرة علي التفاعل والمشاركة بخبراتك اثناء وقت الانشطه والمناقشات
وهيتم التواصل معاك بعد التقديم من خلال الابليكيشن لعمل انترفيو
تكلفة البرنامج:
التكلفة الإجماليه للبرنامج 800 جنية
هتقدر تقسطهم 100 كل اسبوع علما بأن بداية من الاسبوع التاني تقدر تسترد ال100 جنية اللي دفعتها بنهاية المحاضرة فقط في حالة انك وصلت ومشيت من المكان في المواعيد المحدده للتدريب
ده بالإضافة لإنه هيكون فيه جايزة ماليه قيمة لكل الناس اللي هتجتاز الإختبار النهائي لمدة التدريب بنسبة 95% او أكثر وكمان شهادة تقدير
