شباب كريستيان لقضايا الاقباط الأرثوذكس shabab christian

26/05/2026

.
" شباب كريستيان تهنىء الرئاسة و الأمة العربية و الاسلامية بعيد الاضحي المبارك"
هنأ المهندس نادر صبحى سليمان، مؤسس ومسؤول حركة شباب حركة شباب كريستيان للأقباط الأرثوذكس الخاضعة الي قرارات الكنيسة القبطية الأرثوذكسية و اساقفة المجمع المقدس علي رأسها البابا توضروس الثاني بابا المدينة العظمى الأسكندرية و بطريرك الكرازة المرقسية قدم التهنئة الي رئيس الجمهورية الرئيس عبدالفتاح السيسي والشعب المصري والأمة العربية والإسلامية بمناسبة عيد الأضحى المبارك متمنية أن يعيده الله على مصر وكل الشعوب المحبة للسلام بالخير واليمن والبركات. و وجه التهنة ايضا الي الدكتور مصطفي مدبولي رئيس الوزراء والسيد وزير الدفاع والإنتاج الحربى الفريق أول اشرف سالم زاهر ورجال القوات المسلحة الشرفاء، وفضيلة الدكتور أحمد الطيب شيخ الأزهر الشريف والدكتور نظير عياد مفتى الديار المصرية والسيد اللواء وزير الداخلية محمود توفيق ورجال الشرطة و جهاذ الأمن الوطني و المستشار محمود حلمي الشريف وزير العدل و رجال القضاء والسادة الصحفيين والإعلاميين وكل شعوب الامة العربية والإسلامية بعيد الاضحى المبارك.
وتابع: "نصلي من أجلكم ومن أجل سلامة واستقرار بلادنا ومصرنا الحبيبة وأن يعيد الله علينا وعليكم الأيام بخير وسلام وكل عام وأنتم بخير.
مؤسس و مسؤول الحركة :-
مهندس / نادر صبحى سليمان

الصفحة الرسمية لحركة شباب كريستيان لقضايا الاقباط الأرثوذكس الخاضعة للكنيسة القبطية الأرثوذكسية.

24/05/2026

#مرفوض
حركة شباب كريستيان للأقباط الأرثوذكس
ـ اسمع الخبر دا الكنيسة بتنقسم و اول الانقسامات
ـ قالك قانون الاحوال الشخصيه للمسيحيين اللي المجمع المقدس وضعة يسري علي المصريين فقط في مصر لكن لا يسري علي مسيحيين المهجر الأرثوذكس اللي عايشين برا زى النمسا و امريكا و اوروبا .. الخ
معلش اصل الانجيل و الكتاب المقدس عندهم غير عندنا في مصر . عارفين ليه لان أساقفة المهجر زى الانبا سرابيون امريكا و الانبا يوسف امريكا و الانبا برنابا ميلانو ايطاليا.. الخ أجمعوا أن اللي اتعمل عك و ضد الكتاب المقدس و ضد التعاليم للسيد المسيح.
مش هو المفروض دى قرارات المجمع المقدس و تسري علي الشرق و الغرب و الكنيسة الأرثوذكسية كلها ؟ و و عشان ميطلعش واحد زى الانبا بولا يسخر من عقول الناس ولا يحترم العقول و يقولك لا أصل بتوع المهجر لهم قوانين بلادهم ؟؟ اللي هو ازاى يعني ؟ انت بتكلمني عن جواز مدنى ولا جواز كنسي و تم حسب شريعة الاقباط الأرثوذكس مالوش اصلا علاقة بالدولة من منح تصريح جواز تاني ام لا و تطبيق بنود المجلس الاكليريكي من هجر و استحالة عشرة و زنا حكمي و ادمان و شذوذ .. الخ ؟ لما تقولي حضانة و ميراث و نفقة . هنا اقولك دى حدوتة دولة و قوانين حسب كل دولة .. لكن هنا نتحدث عن الكنيسة و ليس محاكم الخارج. تطبيق لائحة الاحوال الشخصيه للمسيحيين حسب الشريعة المسيحية و نصوص الكتاب المقدس.
انت في مصر عملت مجمع مقدس و اقريت تشريعات قولت للحكومة دى شريعتنا اللي تطلق عليها . و هنا السؤال . ليه أساقفة المهجر ضربوا بكلامكم عرض الحائط و قالك تسري في مصر مش علينا ؟؟ هو لية اتنين مجمع مقدس لامواخزة ؟ واحد في مصر و واحد في الخارج ؟؟ منتهي الاسفاف و العبث و الخراب و الانقسامات
انتوا قسمتوا الكنيسة علي ذاتها و كل مكملة منقسمة علي ذاتها تخرب . قانون باطل
مؤسس و مسوؤل الحركة
مهندس/ نادر صبحي سليمان

24/05/2026

#عاجل

حركة شباب كريستيان للأقباط الأرثوذكس
لقد انتقد المجمع المقدس علي مدار 3 ايام متتالية من يوم 18 مايو 2026 الي 21 مايو 2026 انتهت الجلسة الختامية و تترك لتعديل و ارسال ملاحظات اخرى للبرلمان لمشروع قانون الاحوال الشخصيه للمسيحيين و من أهمها بند الهجر الذي كان اصلا في لائحة 38 هجر لمدة 3 سنوات متصلة و دا تم الغاء هذه اللائحة بقرار من قداسة البابا شنودة الثالث و كان قرار مجمع مقدس عام 2008 و بعد ذلك عملوها في انعقاد المجمع المقدس عام 2014 و كان وقتها الانبا رفائيل اسقف كنائس وسط القاهرة هو سكرتير عام المجمع المقدس بعد جلوس البابا تواضروس علي الكرسي المرقسي 3 سنوات بدون اطفال الهجر و 5 سنوات لو فية اطفال و الان بعد اجتماع المجمع المقدس أول أمس و سكرتير عام المجمع المقدس نيافة الانبا يؤانس اسقف اسيوط و هو شقيق الانبا غبريال اسقف بني سويف.. رجعوا الي لائحة 38 و هو أن بند الهجر فقط 3 سنوات سواء فيه اطفال او مافيش اطفال. 😏 و تم التعتيم علي باقي التعديلات اللي المفروض الكنيسة و المتحدث الرسمي باسم الكنيسة القبطية الأرثوذكسية ينشرها للشعب قبل طرحها علي البرلمان الشعب صاحب الحق أن يعرف اولا . و لا تعليق
مؤسس و مسوؤل الحركة
مهندس / نادر صبحي سليمان

24/05/2026

حركة شباب كريستيان للأقباط الأرثوذكس
الانبا غبريال اسقف بني سويف و اخو الانبا يؤانس اسقف اسيوط و سكرتير عام المجمع المقدس يرد على قرارات المجمع المقدس
ايقاف الانبا " فلان "
بدء الانبا غبريال كلامه خلال الاجتماع الأسبوعي مع الشعب وقال ؛
يا جماعة، إحنا جايلنا أسئلة بتدور حولين حاجتين شاغلين السوشيال ميديا اليومين دول، وتعالوا نقوللكم الخلاصة من الآخر وبكل صراحة:
أولاً: حكاية "تسريبات" قرارات المجمع المقدس!
في سؤال بيقو: "الحقوا يا جماعة، في تسريبات نزلت عن قرارات المجمع، الكلام ده صحيح؟"
الرد المفاجأة بقى: تسريبات إيه يا غاليين؟! مفيش حاجة اسمها تسريبات أصلاً! القرارات اللي طلعت النهارده دي مش أسرار عسكرية، دي قرارات إحنا هناخدها عشان نعيش بيها، وننفذها، ونقولها للآباء وللناس كلها. يعني مفيش سر مخبيينه عشان يتسرب.. كل حاجة هتعرفوها وتكون في النور!
ثانياً: "الحقوا.. ده في أسقف اتوقف!"
والسؤال التاني اللي قالب الدنيا: "إيه موضوع إيقاف الأنبا فلان؟"
الإجابة القاطعة: مفيش الكلام ده خالص! مفيش أي أسقف اتوقف، ولا هيتوقف، ولا الإشاعات دي ليها أي أساس من الصحة. بلاش نمشي ورا التهيؤات والكلام اللي بينزل على النت وخلاص.
كويس انكم تسالوا اي حاجه اسالوني وانا اجاوب ادينا مع بعض.

مؤسس و مسوؤل الحركة
مهندس / نادر صبحي سليمان

18/05/2026

.
( الاطلاع على الصور هام)
حركة شباب كريستيان للأقباط الأرثوذكس
كما أشرنا اليكم في أكثر من بيان رسمي صادر عن حركة شباب كريستيان للأقباط الأرثوذكس و بث مباشر رفضنا رسميا ما يسمي بموسودة بمشروع قانون الاحوال الشخصيه للمسيحيين لأسباب عقائدية و كنسية و دستورية . الان مطروح تاني أمام المجمع المقدس لاعادة مناقشتة .
مؤسس و مسوؤل الحركة
مهندس / نادر صبحي سليمان

18/05/2026

ـ اول اكشن و اول تكذيب و رد رسمياً من مشيخة الأزهر الشريف علي التضليل الإعلامي علي أن الأزهر الشريف وافق على مشروع قانون الاحوال الشخصيه.
لا تلتفتوا الي الافندية اللي بتطلع في برامج التوك شو و الترويج الكاذب لمحاولة تمرير قانون بات بالفشل الزريع و قانون محكوم عليه بالاعدام مولودا ميت من قبل أن يولد . دا يهمك في ايه يا قانون الاحوال الشخصيه للمسيحيين اقولك يهمك في اية يهمك أن زى ما صرح الانبا بولا انت متفق مع ٤٠ في المائة من مواد قانون الاحوال الشخصيه للمسيحيين.

17/05/2026

#اتفضلوا مجبناش حاجة من عندنا ؟
زى ما قولتلكم قبل كدا لو جبنا واحد جاهل و قرأت له ما يسمي بمشروع مسودة قانون الاحوال الشخصيه للمسيحيين هيقولك ايه العبط دا ؟؟ مستحيل دا قانون ولا دى مواد اصلا حطها أساتذة قانون أو مشرعون .

17/05/2026

حركة شباب كريستيان للأقباط الأرثوذكس
هو طبعاً عشان ابونا مؤدب بيقول واحد نشر بوست و تقريباً كان عاوز يعمل خير لكن هو أربك الدنيا خالص خالص . و دا طبعاً عشان ابونا انسان مؤدب لكن هو انسان عاوز يتاجر بموضوع و يطلع ترند و ياخد اعلي مشاهدات وتفاعلات علي حساب حتي اي شيء مهم أسرة ابونا مش مهم اصدقاء ابونا مش مهم حتي اولاد و اطفال ابونا .. المهم هو يظهر و ياخد لقطة . عيب بقي و كفاية متاجرة و بلبلة و إرباك حياة الناس و سيبوا الناس ف حالهم و كفاية اللي هم فية و يا ريت قبل من دا ينقل من دا و الهبد يشتغل نتحري الدقة .
ربنا يحافظ علي قدس ابونا و الف حمدلله علي سلامتك .
مؤسس و مسوؤل الحركة
مهندس / نادر صبحي سليمان

17/05/2026

ـ الحزانة عزيهم والمرضي اشفيهم والمحتاجين اعطيهم الذين في كل ضيقة وشدة اعتقهم وخلصهم يارب اذكر يا رب جميع الذين أوصونا أن نصلّي من أجلهم . الحاملون أوجاعهم بصمت وبقلوبهم يصرخون إليك يارب اسندهم وعزيهم
أولئك الذين يحملون ألمهم في صمت، وقلوبهم تصرخ إليك انت يا رب اسندهم و عزيهم. 🙏
صفحة شباب كريستيان للأقباط الأرثوذكس
مؤسس و مسوؤل الحركة
مهندس/ نادر صبحي سليمان

16/05/2026

اليوم ١٦ مايو ٢٠٢٦

حركة شباب كريستيان للأقباط الأرثوذكس
منذ أكثر من أسبوع و تتابع حركة شباب كريستيان للأقباط الأرثوذكس الخاضعة للكنيسة القبطية الأرثوذكسية و قرارات أساقفة المجمع المقدس الاحبار الاجلاء علي رأسها قداسة البابا تواضروس الثاني بابا المدينة العظمي الأسكندرية و بطريرك الكرازة المرقسية نتابع في صمت تام مشهد مشروع مسار العائلة المقدسة و وجدنا ردود أفعال و اتهامات و ألفاظ لا نقبلها علي علي رأس كنيستنا القبطية الأرثوذكسية قداسة البابا يعف لسانا علي ذكرها أو تكرارها هنا . و ذلك لانتشار اخبار غير صحيحة نهائيا و الغرض منها هو تهييج شعب الكنيسة و إثارة موجة غضب علي رأس الكنيسة.. و بعد أن طفح الكيل من المشهد المؤسف و لأننا اعتدنا علي مدار ١٤ عام حركة شباب كريستيان للأقباط الأرثوذكس النشر و الرد أن يكون بسند رسمي و من المصدر و ليس مجرد كلام مرسل للمصداقية فتواصلت مع بصفتي و شخصي مؤسس و مسوؤل الحركة مع ابينا البطرك لوضع النقاط علي الحروف و إسدال الستار علي هذا الهراء و الرد أمام حضراتكم كلام فارغ طبعا محصلش ولا هيحصل والكنيسة اصلا معندناش اي علم بذلك المشروع أصلا و لا تم طرحة علينا . نرجوا أن نتحري الدقة في الاخبار المتداولة و لا نسمح ولا نتهاون في أي تطاول علي قداسة البابا و هذا هو اصلا شان حركة شباب كريستيان للأقباط الأرثوذكس منذ أن اعتلي قداسة البابا تواضروس الثاني الكرسي المرقسي و مساندة قداستة في كل الأمور و القرارات الكنسية و المجمعية لأصلاح و إعادة هيكلة و ترتيب البيت من الداخل و معالجة و طرح كل المشاكل التي تتعلق بالكنيسة و شعب كنيستنا القبطية الأرثوذكسية. حفظ الله ابينا البطرك سنين طويلة و أزمنة سلامية مديدة علي كرسي مارقس .
مؤسس و مسوؤل الحركة
مهندس نادر صبحي سليمان

16/05/2026

اليوم ١٦ مايو ٢٠٢٦

حركة شباب كريستيان للأقباط الأرثوذكس.
ليس بجديد يتحدث الأنبا بولا عن العك في المجالس الاكليريكية و مرمطة الناس و احنا حركة شباب كريستيان للأقباط الأرثوذكس سبق و نشرنا كوارث عن المجالس الاكليريكية خاصة وجة قبلي بالكامل يضربون بعرض الحائط كل ما هو إليهم لفتح ملفات و منح تصريح جواز تاني للحالات الحاصلة علي احكام طلاق و تنطبق عليهم اللائحة الجديدة التي بالفعل الكنيسة تطبقها منذ عام 2016 زنا حكمي و هجر 3 سنوات بدون اطفال و 5 سنوات لو فية اطفال و بطلان الزواج و الشذوذ الجنسي و الإدمان و الضرب و الإهانة المستمرة و تكون مثبوتة بمحضر رسمي و طبعا الزنا الفعلي.. الخ . ولا يوجد حتي الآن أمام القضاء هذا الكلام حتي الآن . فقط هو الطلاق بشهادة تغير ملة أو واقعة زنا فعلية مثبوتة في محضر رسمي أو تغيير الديانة. و هذا الكلام منذ أن جمد قداسة البابا شنودة الثالث العمل بلائحة 38 عام 2008 و اللي هي كان فيها كل اللى ذكرتة ماعدا الزنا الحكمي هو اللي جديد فقط . و ترك فقط الثلاث نقاط السابقة للتطليق . و المجالس الاكليريكية متضاربة و كل مجلس اكليريكى في مكان ماشي حسب مزاجة و هواة الفرعي أو الإقليمي لأن كل ايبارشية لها مجلس اكليريكى يحكمها و يا سلام بقي لو الكاهن أو الاسقف مش طايقك ولا بيجامل الطرف التاني و انت معاك الحق و مظلوم تعيش كدا تحت ازلالة لحد ما عمرك ينتهي . المجالس الاكليريكية محتاجة وقفة و إعادة هيكلة و ضوابط لأنهم بيتحكموا في حياة الناس و ضيعوا اعمار الناس حرفيا . شوفوا حل في عك الكهنة و الأساقفة اللي ماشية علي مزاجهم بالمجالس الاكليريكية.
مؤسس و مسؤول الحركة
مهندس / نادر صبحي سليمان