يتيقنون

23/03/2026

رب اغفر لى ما كان مني انك الغفار

30/04/2025

ما السورة التي نزلت كاملة مرة واحدة

10/04/2025

09/04/2025

منقول
واحد وقفني شكله محترم جدا .. بيقولي أستأذنك ممكن ٣٠ جنيه .. الولد بيعيط وعاوز سندوتش

أنا بصراحة إفتكرته في الأول حد من اللي بيتسولوا بالطريقة دي أو بيستغل الولد في التسول

لكن طريقته في الكلام مش طريقة حد بيحور .. بصيت بطرف عيني لقيت ولد فعلا صفير ميتعداش سنه 5 سنين مفحوم من العياط
قلتله هو عاوز سندوتش إيه ؟
قالي سندوتش برجر ومش راضي يتحرك لما شم ريحته وشاف شكله في المطعم

قلتله أنا عنيا بس هجيبلك سندوتش مش هديك فلوس .. وخدت خطوتين في إتجاه الولد ووطيت عليه وسألته مالك يا حبيبي
قالي وهو بيعيط : عاوز سندوتش برجر .. نفسي فيه وابويا مش راضي
الجملة دخلت في قلبي زي السهم .. حضنته وطبطبت عليه وبوسته وقلتله انا هقنع بابا يجيبهولك

وخدت والده على جنب .. الراجل قالي وهو بيحاول يمسك الدمعة اللي فلتت منه غصب عنه : والله أنا ما شحات ومعرفش أنا عملت الحركة دي إزاي ..ومراتي لو عرفت هتطلب الطلاق .. بس أعمل إيه يعني .. إحنا في نص الشهر والمرتب خلص .. ده إحنا مروحين مشي عشان ممعايش فلوس أركب .. وقلتله هنتمشى نتفرج على المحلات .. وياريتنا ما اتمشينا .. أول ما شم ريحة البرجر وشاف شكله وقف يعيط ويدبدب وحالف ما يمشي ..طالبه مني بقاله ييجي سنة .. وأنا لو حلفتلك بالله إني ما عارف أوفر 20 جنيه أجييله بيهم السندوتش هتقول بكدب وبزودها
وإنفجر الراجل في الكلام وكأنه بيفضفض وراح قايلي : يا أخي بص .. وقلع الجزمة لقيته لابس كيس بدل الشراب
وكمل وهو بيشاور على رجله : أنا مش عارف أجيب لنفسي شراب
مدرتش بنفسي غير وأنا بحضنه .. سابني وجري على الواد شده من إيده لدرجة إن الواد وقع على الأرض : وقاله يلا يا إبن الكلب بقى فضحتني
والواد حاله بجد يقطع القلب من العياط .. جريت عليه وخدت الواد بعد ما هديته وطلبت منه يستنانا دقيقة .. وقلت للولد بابا أداني فلوس أجيبلك السندوتش .. ورحت جبتله سندوتش البرجر .. أول ما مسكه وحطه على بقه.. ضحك ضحكة عمري ما هنساها وسابني وجري على أبوه وحضنه وقعد يبوس فيه

ساعتها قررت إني أختفي من قدامهم .. وقعدت على أول رصيف قابلني. يا الله حسيت إحساس مميت .. وعيطت عيطت كتير. ودعيت ربنا ساعتها إنه يجبر بخاطر الناس دي ويمنحهم الصبر والقوة .. حاجة بسيطة أوي في حياتنا بالنسبة لناس تانية حلم .. طفل صغير نفسه في البرجر وأبوه راجل مطحون قرر إنه يشحت عشان يفرح إبنه
.منقول

09/04/2025

من كام سنة جه ولد مسجل مخدرات (ديلر) اشتغل معانا في المصنع
المهم هما جابوه عشان مفيش عمال بترضى تشتغل شيفت بالليل و المرتبات زي الزفت ، المهم هو كان لسه طالع م السجن و كان حريقة سجاير و بيبرشم (كان البرشام رخيص) كان ييجي عميان يدخل ينام وكانوا المهندسين يخافوا يصحوه يجيب عينات عشان يبعتهالنا المعمل لدرجة انهم اوقات كتير كانوا يجيبوا العينات بنفسهم خوفاً من انهم يصحوه ، أنا الوحيد اللي كنت في ورديتي انزل من المعمل اروح اصحيه و افوقه واخليه يجيب العينات غصب عنه (كنت شايفها بلطجة وانا حبيت اوقف العك ده، وكمان من خبرتي عارف ان كل اللي بيبان عتريس كده بيبقى هوا )
مرة في مرة لاقيته عيل انطوائي جداً ، الليل طويل وبقينا ندردش في ظروفه وليه السكة دي وكده ..ساعتها رد عليا رد غريب .".انا مالقيتش حد نوّرلي كشاف.. كل الدنيا شايفاني زفت فانا باثبتلهم كده "
شهر والتاني الواد بقا يدور على ورديتي و ييجي لمجرد انه عاوز يفضفض ولو بالكدب ، بس يلاقي حد يسمعه ، وانا طبيعتي أحب ابص في وشوش الناس واسمع حكاويهم ، في مرة لاقيته قاللي "يا دكتور والنبي الكانزات اللي بتشربوها هنا أو في الإدارة تلزمني "..ليه يابني
"أصلي اليومين دول بالمهم و سعرهم في الخردة بقا غالي و انا عاوز اشتغل بالحلال مع نفسي ، "
بقى طول النهار يلم كانزات بس من القهاوي والمحلات و كده وبالليل ييجي يشتغل في المصنع
وكل شوية ييجي يفرحني "أنا بقالي أسبوعين مارفعتش (يعني مابرشمش)
وانا عامل زي كابتن الجيم "هايل كمل يابطل، عاش يا وَحش"😁
كام شهر و قاللي انا بطلت سجاير وبطلت اروح (......) مكان كده شمال الشمال ، وبطّل فعلاً وبدأ يهتم بلبسه ويتعلم يصلي وهو ٣٢ سنة ، بعدها مشي و انقطعت أخباره
النهارده باعمل شغل في العربية لاقيته بعربية ربع نقل وجاي يصلحها ، بقى تقريباً تاجر خردة محترم بجد ، دردشنا كتير و لما مشي ،الصنايعية قالولي { دا احسن تاجر خردة عنده ضمير ، ومابيشتريش من حرامي و لا عيل شمال و مابيضحكش على حد في السعر ، وماحدش له عنده جنيه وبيخاف ربنا ،واضح انه ابن أصل قوي وأهله مربيينه }

فسبحان من يغير ولا يتغير

ااه نسيت أقول لكم (فلان) ده قضى طفولته في ملجأ ، لأنه ملوش أب ولا أم ، ولاد الحلال لقيوه و دوه القسم والقسم وداه ملجأ.
مش عارف ايه مناسبة الكلام ده ، بس انا مبسوط جداً بيه!!
منقول

01/04/2025

مخموم القلب🤍

‏سئل رسولُ الله ﷺ: أيُّ النّاس أفضل؟
‏فقال: «كلُّ مخمومِ القلب، صدوقِ اللّسان».

‏قالوا: صدوقُ اللّسانِ نعرفه،
فما مخمومُ القلب؟
فقال ﷺ: «هو التَّقيّ النَّقيّ، لا إثمَ فيه ولا بَغْي، ولا غِلّ ولا حَسَد»"

17/03/2025

‏قال رسول الله ﷺ : جددوا إيمانكم،قيل يا رسول الله: وكيف نجدد إيماننا؟ قال: أكثروا من قول لا إله إلا الله‏.💛

16/03/2025

من أذكار الصباح
اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُ بِكَ مِنْ شَـرِ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ.

فضلها :
من قالها موقناً بها حين يصبح فمات من يومه دخل الجنة ومن قالها موقناً بها حين يمسي فمات من ليلته دخل الجنة – رواه البخاري

14/03/2025

انتصف الشّهر سريعاً ..
ربي أغفر لنا تقصيرنا على ما مضَى من رمضَان، وأعنّا على ما تبقّى منه، وبلغّنا ليلة القدر برحمتك وجودك♥️.