سيرة الرسول "

سيرة الرسول " الصلاة علىٰ النبيّ فلنبدأ🖤

05/08/2022

⚘ الحلقه_الثانيه
يلا صلوا على النبى

⭕حب الصحابة للنبى:
سيدنا أبو بكرحبيب النبي وخليل النبي أكتر واحد كان بيحب النبي وكان له موقف وكلمه مشهورة أوي معاه، يقول سيدنا أبو بكر: كنا في الهجرة وأنا عطشان جدا، فجئت بمذقة لبن فناولتها للرسول صلى الله عليه وسلم، وقلت له :اشرب يا رسول الله، يقول أبو بكر: "فشرب النبي صلى الله عليه وسلم حتى ارتويت"

05/08/2022

‏لو مفوقتش دلوقت هتفوق امتى..؟!

هتفوق وأنت في آخر خمس دقائق في عمرك وشريط حياتك بيمر قدامك وندمان على عمرك اللي ضيعته في المعصية!!

فوق وعجّل بالتوبة.

-د/حازم شومان.

صلوا على أشرف الأنبياء والمرسلين ♥️
04/08/2022

صلوا على أشرف الأنبياء والمرسلين ♥️

04/08/2022

الحلقه_الأولي
"سيرة_الرسول"
(صلوا عليه وسلموا تسليما )

🌼القصة عن بنت كندية كانت مسيحية وأسلمت.. ابوها قسيس كبير في كنيسة وهي بتشتغل خادمة في الكنيسة وخادمة مش يعني خادمة بالمعنى ده،

خادمة يعني بتعمل حاجات تطوعية في الكنيسة في كندا والبنت دي أسلمت فجأة ومنعرفش إيه السبب ، فواحد مرة بيكلمها فقالتله: انا اسلمت وانا مقتنعه تماما بديني، فسألها سؤال: إيه رأيك في نبي الإسلام قبل ما تخشي الإسلام وبعد ما دخلتي الإسلام ؟؟!

قالتله : قبل الإسلام كنت أعلم أنه رجلاً مجنون، عنيف، ويقتل كل من لا يؤمن بدينه شاهرٌ سيفه متعطش للدماء، فالراجل استغرب قام قالها : طيب وبعد الإسلام؟

قالتله: بعد الإسلام عرفت ان هو أعظم إنسان مشى على وجه الأرض، قالها : طيب ايه أكتر أمنية نفسك فيها؟
قالتله: نفسي في حاجة واحده بس! نفسي أموت، قالها : ليه طيب الإسلام دين التفاؤل وحب الحياة، دين جميل مفيهوش كآبة .. ليه عايزة تموتي؟
قالتله: عشان دي الطريقة الوحيده اللي حشوفه بيها عليه الصلاة والسلام وأقف قدامه واكلمه!
أنا بقيت بحب الموت عشان أقابله عليه الصلاة والسلام
قام الراجل سألها سؤال: طيب توجهي رسالة إيه للعرب المسلمين اللي بيعرفوا لغة القرآن؟
قالتله اجابة صعبة أوي: حقولهم حاجة واحده بس، سامحكم الله يا مسلمين إذ لم تعرفونا من هو محمد!
الله بيننا وبينكم يوم القيامة! !

صعبه أوي !! لما تقوله أنا حقف قدام ربنا يوم القيامة واقوله هم المسلمين دول السبب يا رسول الله ولا عرفونا بيك ولا بيمثلوا أخلاقك .. احنا مش بنشوف فيهم اللي المفروض نشوفه !!

فدي كانت أهم حاجة خليتنا نقول لأ طيب حنقف قدام النبي نقوله إيه ... كانت فكرة الصفحة اننا نوصل سيرته بأسهل طريقة ممكنه للناس اللى مش بتقدر تقرا كتب عنه او تنزل تروح مكان تسمع عنه.
مش معقول أكتر انسان بيحبك واكتر إنسان حيقطع نفسه يوم القيامة علشانك متعرفش عنه غير حاجات بسيطة!!

حنبدأ ان شاء الله في ال "بوست" اللي بعد كدة نحكي مواقف لحُب الصحابة رضي الله عنهم للرسول صَلَّى اللَّهُ عَلَيْهِ وَسَلَّمَ، و مواقف رحمته و حبه صَلَّى اللَّهُ عَلَيْهِ وَسَلَّمَ لأصحابه و زوجاته و لينا إحنا و لكل أمِّته..
فالله سبحانه وتعالي، و ملائكته، ورُسُله، و سيدنا جبريل، و كل الناس و الكائنات، يحبون رسولنا وحبيبنا صَلَّى اللَّهُ عَلَيْهِ وَسَلَّمَ.

يلا صلوا على النبي :)

أنا مينفعش اطلب منك تحب حد انت متعرفهوش، صح؟ .. لازم تعرف الحد ده عشان تحبه ..
طيب عارف لو حبيته ايه هي الثمرة اللى حتاخدها؟! " لو بتحبه مش حتدخل النار أبدا مش ممكن، اللى يحب النبى بجد مستحيل يدخل النار، وتاني حاجة قال النبي صلى الله عليه وسلم "من أحبنَّي كان معي في الجنة " فلو أحببت النبى أبشر أبشر بكل خير ^_^

طيب ندخل بقى على السيرة أكتر .. مين هو؟
اسمه محمد بن عبد الله بن عبد المطلب بن قصيِّ بن كلاب بن مُرة بن كعب بن لؤي بن غالب بن فهر، والفهر هو قريش، يعني لقبه قريش، فالنبي قرشى..
طيب نقرب أكتر، حنتكلم يومين او ثلاثة كده قبل ما ندخل فى تفاصيل حياته عن حب ربنا والصحابة وزوجاته له ونعرف انه كان أحب الخلق لقلبهم عن طريق شوية مواقف كده حصلت على مدار حياته..

يللا نبدأ
مرة النبي قاعد فى المسجد النبوي ولقى صحابي معاه ابنه .. الصحابي ده بيحب ابنه أوي فعمَّال يضحكه ويلاعبه ويكلمه فالنبي عليه الصلاة والسلام مبسوط شايفه بيلاعبة وفرحان بيه، قام النبي عليه الصلاة والسلام قاله: أتحبه؟! فقاله الصحابي: يا رسول الله أحَبَكَ الله كما أُحب أنا ابني هذا، فابتسم النبي وقال: لا والله لإن حب ربي إلىَ أكثر من حبك لولدك هذا

Address

Cairo

Website

Alerts

Be the first to know and let us send you an email when سيرة الرسول " posts news and promotions. Your email address will not be used for any other purpose, and you can unsubscribe at any time.

Shortcuts

Share

Category