خدمه مارمينا للشباب - كنيسة الملاك ميخائيل بالقوصية

02/09/2026

سلام حبايب مارمينا 🤍
بعد مشوار جميل مع Be Connected، نرجع نتقابل الجمعة الجاية في وقت هادي مع ربنا…
حلقة صلاة 🙏🏻🌻
وقت نهدى فيه من زحمة الأسبوع، ونسيب كل حاجة ونقعد معاه شوية.
"أما أنا فصلاة" 🤍
مستنيينكم الساعه ٧ بالظبط ✨نصلّي ونقضي وقت حلو وقيم مع يسوع✨🌻
✨

28/08/2026

26/08/2026

سلام حبايب مارمينا 🌻
وصلنا لآخر محطة في كورس Be Connected ✨
وبعد ما اتكلمنا عن علاقاتنا، جايين نختم بسؤال مهم جدًا:

أنا والميديا... مين بيأثر في مين؟ 📱

إزاي العالم الافتراضي بقى جزء من يومنا وتفكيرنا وعلاقاتنا؟
وإزاي أستخدم الميديا من غير ما هي تستخدمّني؟
وإزاي أعيش في العالم ده، من غير ما أخسر عالمي الحقيقي مع ربنا ومع نفسي ومع الناس؟

ختام مختلف لكورس جميل، وهيكون معانا
مهندس مايكل رمزي 🤍

مستنينكم نختم الرحلة سوا...
ونخرج منها مش بس بـ Be Connected، لكن كمان نعرف إحنا متصلين بإيه ومين. ✨

25/08/2026

🎓✨ حفلة تخرج 2026 ✨🎓

سنين تعب، سهر، مذاكرة ونجاحات… وأخيرًا جه وقت الفرحة! ❤️
تعالوا نحتفل سوا بخريجينا ونعمل ذكريات تفضل معانا سنين 🎉

📅 11/9
⏰ الساعة 7 مساءً
📍 بمبنى الحكمة

مستنيينكم ، نحتفل باللي فات ونبدأ بحماس للي جاي! ✨

«كُلُّ مَا تَفْعَلُونَ فَاعْمَلُوهُ مِنْ كُلِّ قَلْبِكُمْ كَخِدْمَةٍ لِلرَّبِّ وَلَيْسَ لِلنَّاسِ»
📖 كولوسي ٣:٢٣

#خدمة مارمينا للشباب

18/08/2026

METANOIA | DAY 3 ✨♥️🌻

رجعنا… واتجددنا… بس إزاي نكمّل؟
لأن أصعب من إنك تبدأ… إنك تكمّل ثابت. ♥️

في اليوم التالت من METANOIA وصلنا لخطوة مهمة جدًا…
الثبات في المسيح. ✨

الثبات إن مهما الدنيا اتغيرت حوالينا،
ومهما قابلتنا تجارب أو تعب أو ضعف…
يفضل المسيح هو ثابتنا، سندنا، ومصدر قوتنا. ♥️

مش كل يوم هنكون بنفس القوة،
لكن كل يوم نقدر نختار إننا نتمسك بيه أكتر.

«إِذًا كَمَا قَبِلْتُمُ ٱلْمَسِيحَ يَسُوعَ ٱلرَّبَّ، فَٱسْلُكُوا فِيهِ، مُتَأَصِّلِينَ وَمَبْنِيِّينَ فِيهِ وَمُثَبَّتِينَ فِي ٱلْإِيمَانِ»
📖 كولوسي ٢: ٦-٧

رجعنا… اتجددنا…
وفي اليوم التالت اتعلمنا إزاي نثبت. 🌿♥️

خدمة مارمينا للشباب #ميطانيا #

16/08/2026

METANOIA | DAY 2 ✨♥️🌻

رجعنا… بس الحكاية لسه مخلصتش.
لأن الرجوع لربنا مش نهاية الطريق، دي كانت البداية. ♥️

في اليوم التاني من METANOIA دخلنا خطوة أعمق…
التجدد. ✨

إنك مش بس ترجع للمكان الصح، لكن تسمح لربنا يغيّر قلبك، يجدّد فكرك، ويخلق جواك إنسان جديد.

التجدد إنك تقول:
«يا رب، مش عايز أرجع زي ما كنت… عايز أبدأ من جديد معاك.» ♥️

«وَتَجَدَّدُوا بِرُوحِ ذِهْنِكُمْ»
📖 أفسس ٤: ٢٣

رجعنا في اليوم الأول…
وفي اليوم التاني بدأ التغيير من جوا. ✨

خدمة مارمينا للشباب #ميطانيا #التجدد

14/08/2026

METANOIA | DAY 1 ♥️✨🌻

أوقات كتير بنبعد… من غير ما ناخد بالنا إننا بعدنا.
ننشغل، نتوه، ونجري في طرق كتير…
لحد ما نكتشف إن في طريق واحد كان مستنينا من البداية. ♥️

ومن هنا بدأت حكاية METANOIA…

اليوم الأول: الرجوع.👈🏻
رجوع للقلب… رجوع للطريق… والأهم رجوع لربنا. ✨

لأن ربنا مش بيقولك: «إنت بعدت ليه؟»
لكن بيقولك: «ارجعلي.»
والأجمل؟ إن أول خطوة ناحيته… هو بيقابلك فيها. 🫂♥️

«فَٱرْجِعُوا إِلَيَّ أَرْجِعْ إِلَيْكُمْ، قَالَ رَبُّ ٱلْجُنُودِ»
📖 ملاخي ٣: ٧

ودي كانت أول خطوة في METANOIA…
رجعنا عشان نبدأ من جديد. ✨

#ميطانيا #الرجوع #
#خدمة مارمينا للشباب

12/08/2026

فاكر آخر مرة حسّيت إنك لوحدك؟ 👀🤍

طب عمرك فكرت إن في حد بيصلي علشانك…
وإنك مش ماشي الطريق لوحدك؟ ✨

✨راجعين لقاءنا الجاي نكمل سوا سلسلة Be Connected 🔥

وموعدنا المرة دي مع موضوع مختلف:
«مش لوحدك»🤍
مع 🌼 قدس ابونا يوحنا القمص متى 🌼
✨هنكتشف سوا يعني إيه شفاعة، وإزاي نطلبها ونعيشها صح، وإيه مكان الكنيسة في حياتنا.

مستنيينكم في اجتماع مارمينا للشباب ♥️✨🌼
تعال… يمكن تكتشف إنك مش لوحدك من زمان!

«أَمَا تَعْلَمُونَ أَنَّكُمْ هَيْكَلُ اللهِ، وَرُوحُ اللهِ يَسْكُنُ فِيكُمْ؟»
١ كورنثوس ٣: ١٦ ✝️