https://www.facebook.com/809626822470799/

التسبيح بالاعلام و التعبير الحركي و الابواق في مصر, Alexandria (2026)

07/05/2026

وقت نبوي خاص جدا
ايام خاصة جدا للمسحة و الشفاء 🙌🔥
ايام الاربعاء و الجمعة و السبت ١٣ و ١٥ و ١٦ مايو الساعة ٦ م.
مع رجل اللة القس Thaddues من خدمة د. ميشيل كورال
تسبيح. رائد منير
مارتن ملاك
ماريو اشرف

مع وقت صلاة خاص جداا للنبوة والشفا 🙏🙏
📣📣بقاعة كنيسة القلب المقدس بالابراهيمية.

25/03/2026

"يعبر شعبك الذي افتديته"
ندعوكم لحضور يوم صلاة وعبادة خاص جدا ❤🔥
يوم الاربعاء القادم ١ أبريل ٢٠٢٦، الساعة ٦ مساءا
مع خادم الرب د. اشرف دانيال
تسبيح. نور ثروت
📣بكنيسة القلب المقدس - بالابراهيمية

08/07/2025

مع احترامي الشديد لكاتب هذا المقال و مكانته في الكنيسه الرسوليه ، لكن حق الرد مكفول للجميع خصوصا من اشخاص كرسوا نفسهم انهم يكونوا ذبيحة تسبيح حيه للرب . . الحقيقه مفيش و لا ايه واحدة في الكتاب المقدس تمنع انه العبادة ان يكون ليها روح و حياة، بل تكلم الكتاب المقدس على العبادة الحركيه و رفع الرايات بايات بمقاصد واضحه لتكون رفع مثل هذه الرايات في اجواء ابليس اعلان لهزيمه كل روح شرير .
و قد يكون بعض الاشخاص يتجهون للشو و الدروشه ، و الانفعال العاطفي في ذلك النوع من العبادة و لكن هذا موجود ليس فقط في العبادة الحركيه و التسبيح بالاعلام و لكن موجود ايضا في كل عبادة ليست بالروح و الحق و ليست بقيادة الروح القدس في كل كنيسه و اجتماع .
فليس من المنطق ان يكون فيه مشكلة معينه في نوع معين من العبادة معلن بايات في الكتاب المقدس يكون الحل اننا نكفره و نرفضه و الكتاب المقدس ذات نفسه مرفضهوش بل امر بهذا الفعل النبوي و ربط الرايه بالحق "أَعْطَيْتَ خَائِفِيكَ رَايَةً تُرْفَعُ لأَجْلِ الْحَقِّ ." (مز 60: 4) . و في ذلك المزمور الكتاب واضح انه مش اي حد مسموحله انه يرفع الرايه ،فقط خائفين الرب في قلوبهم .. و انه حل المشكلة اننا نعالجها عشان ميحصلش زي ما حصل على مر التاريخ في الرقص النبوي الي اسسه داود انه اختفى بسبب خوف الكنيسه انه ينخلط بكل عبادات وثنيه و و النتيجة انه الرقص الوثني و رقص الخلاعه استمر و النبوي اختفى أقرى التاريخ و انت تعرف .
ده مجرد رد بسيط لاي تعصب ، و لكل فكر بيمنع الفرح بالرب بالروح بكل شكل ممكن بدل الشيء ده كتابي . مش هنتكلم عن الاتجاهات في العبادة و التسبيح الي نقلت الترنيمه لاتجاه حزين ، وصلت لمستوى النحيب لانه ده اتجاه ليه احترامه و لكن الخشوع في العبادة لا يمنع الفرح بالرب و الابتهاج به بكل الاشكال مفيش حاجة ممكن تمنع ده ،داود رقص ، مذبح كامل للرب سمي بيهوى نسي اي الرب رايتي ، ميكال امرأة داود عندما استهزأت برقص داود الرب عاقبها .فا بدل ما تتعب نفسك و تهاجم و تتشطر على مجموعه من الناس اقسموا للرب ان يعبدوه من كل قلوبهم بالروح و الحق اتشطر على ملايين من المشاكل الي بتسبب هروب اشخاص كتيرة من الكنيسه بسبب التعصب و التعسف و عدم الفهم و اتجاههم للشارع الي بدوره بياكلهم و بيغرقهم في شر هذا العالم .

15/08/2024

العبادة على مر العصور عمرها ما كانت ثابته على شكل و نمط واحد ، و لو درست تاريخ الكنيسة كويس و الكتاب المقدس بعهديه هتلاقي مفيش طريقة عبادة ثابته على مر العصور .فالكتاب المقدس زي ما قال اعبدوا الرب بفرح قال برده اعبدوا الرب بخوف . داود زي ما رقص امام تابوت العهد كان بيسجد و بيترنم بجيتارته باجمل المزاميز امام الرب . الفكرة كلها اي كان شكل عبادتك لو مكنتش بالروح و الحق و عبادة حقيقية من قلبك فهتكون بتمثل امام الرب و ده شيء محدش في الكون يقدر يميزه و يحكم عليه غير الرب نفسه لانه فاحص القلوب و الكلى . لانه فيه شعره بين العبادة الحقيقية و بين الانفعال العاطفي الي بيخلي الجسد يتأثر بالمشاعر او المزيكا او الجو العام . و لكن تأثير الروح القدس في العبادة ليه شكل و نمط تاني خالص مختلف و هو الي بيخلي لروحك اجنحة توديك في حته تانيا خالص و تخليك متصل بريتم السما فتكون بتشاركها في العبادة امام عرش النعمه ، فبالتالي شكل و نمط عبادك بياخد ريتم السما المختلف تمام عن العبادة الارضيه .
مفيش حاجة تمنع انك ترقص امام الرب ، مفيش حاجة تمنع انك ترفع اعلام ، مفيش حاجة تمنع انك تبوق و تعلن حضور الملك او انك ترفع ايدك امام قدس الاقداس او انك تتنطط طول ما انت محترم مساحة و مشاعر الناس الي حواليك و مش مسببلهم اي ازعاج و تعثير .
بمعنى متجيش تعبد فا تخبط كل الي حواليك و تخليهم حتى مش عرفين يصلوا ، متجيش تهتف فا تعمل تشتيت للعبادة و ازعاج للناس . خلي الروح يقودك لانه فيه شعره بما هو روحي و بما هو هيبره و فيه شعره بين العبادة الحقيقية و الدروشه .

04/04/2024

انك يكون عندك اعلام كتيرة ، بالوان مختلفة ، و كل لون منها ليه معنى و استخدام معين في وقت العبادة ، شيء مش هين و لا هو سهل و لا هي كمان تقاليع كانت في وقت ما في اماكن العبادة و اختفت . و لا هو سوق بيع و شرا ،خصوصا في ظل الظروف الاقتصادية خلت كل خامات صناعه الاعلام غاليا . و لكن الحقيقة ده قلب بيحب الرب بجد، فيكون عايز يعبده بذبيحة حية مرضية بأجمل شكل ممكن و متاح . واحشني جدا منظر الناس الي بتعبد بالاعلام و هم شيلين اعلامهم على ضهرهم بالظبط زي الجندي الي شايل سلاحه في المعركة و هو على اتم الاستعداد انه يستخدمه في اي وقت ضد العدو . العلم مش مجرد حتت قماش لكن العلم ديه محبه بترفرف فوق اجواء كل عابد و بتمتد في كل الاتجاهات و بسبب الحب ده اجواء و بوابات روحية سماوية بتتفتح . يمكن تكون مش عارف و لا فاهم ايه التسبيح بالاعلام ده اوي و يمكن تكون فاكرها تقاليع غريبه ظهرت في العصر الحديث لكن المشكلة انه ابليس ذات نفسه عارف ايه ده و بيعملها الف حساب . فلكل واحد تعب و مبقاش قادر يرفع اعلام زي زمان ، احب اقولك العبادة لا ليها عمر و لا سن و لا حالة. العبادة في كل وقت و زمان و مكان و حتى لو الوقت ده حاسس بانهاك من الظروف الي حواليك الي بيمر بيها الكل مش بس انت ، انا بصدق جدا انه من خلال عبادتك الرب بيخدك لبعد تاني و واقع تاني روحي بيه تقدر تغير الواقع الي انت عايش فيه و يتحول من ضغط لراحة و كل هموم و ضغوط و ظروف صعبه تسقط من عليك . في اسم الرب يسوع

31/03/2024

زي ما ملكوت الرب هو القلب قبل الامكنيات ، العبادة الحقيقية لازم كمان تكون منبعها القلب خرجا من جواك مش مجرد تأثير عاطفي جيلك من بره بتتفاعل معاه .. عيش العبادة بالروح و بالحق و استمتع بالرب في كل عبادة بتقدمهاله و حلق للسماء و شدها على أرض الواقع . مش مهم يكون عندك افخم و اجمل و اغلى ادوات التسبيح و لا انت لازم تدور على تعاليم دقيقة للعبادة الحركية ، لانك ببساطة كل الي هتلاقيه هي اراء شخصيه ممكن تكون صح او غلط لو ملهاش حق كتابي. خلي الرب هو يديك التعليم و المنهج و الطريقة الي هتمشي عليها ، عشان مش بس تقدم بيها عبادة مرضيه ليه ، لكن كمان تكون بتغير الواقع بصلواتك و عبادتك الي خارجة من جواك ، في الروح اولا و بالتالي ارض الواقع تخضع لزمن الرب الي انت بتعبد فيه و بالتالي فيه حجات كتيرة تتغير و تنور في ارض العيان بعد ما كانت ضلمه . فسعتها تقدر تشوف المستحيل في ارضك و ارض غيرك.العبادة مش مجرد كلام و لا اني اروح اشتري الي محتاجه و خلاص ، وجودك في ارض العبادة هو انفصال عن الواقع بالمه و متاعبه و الالتصاق بالسيد الرب ، و روحه القدوس الناري الي بدوره هو كمان بيملاك بناره و بينقيك . فا مهما عملت عشان تبان او تظهر في الزمن ده هتختفي ، و مهما ارتفعت هتنخفض و حتى لو بتقدم اقوى عبادة في الكون و قلبك مش مفتوح للرب هتكون سعتها بتخبط في صنوج رنانة ليها صوت قوي ، بس مع التكرار ممكن يقلب بدوشة و ازعاج و شوشرة على عبادة غيرك و كل الي الي حواليك .

16/10/2022

في وسط حرب مستميته من ابليس ، وموجة شرسه من الهجوم عن طريق الميديا على كل صور العبادة بأشكالها ، الرب بيعد جيش جديد فريد من نوعه ، الجيش ده اتكلم عليه في الكتاب المقدس و قال انه هيسكت كل عدو و منتقم في زمن الشر .الجيش ده هو جيش الاطفال الي قلوبهم تقدر تساع ملكوت السموات كله لانه الرب بيلتمس القلوب البسيطة عن قلوب العظماء .فا جوايا جدا انه الوقت الجي هيكون فيه طفرة في التسبيح الحركي سواء كان اعلام و ابواق او رقص و ده هيخرج من الاطفال ، و هتكون عبادة حية مرضيه هتغير الواقع و الاجواء و هتكون شكلها مختلف عن كل وقت فات .ايوة ، هتكون مواجهة في الروح شبيهة بمواجهة جلياط مع داود و الانتصار هيتحسم لداود بالرغم انه كان اصغر اخواته . فا بشجعك جدا لو انت / انتي بتخدم الاطفال ، انه الرب حاطط بين ايدك زي فيلق من جيش الرب تقدر بيه تملك اراضي جديدة للرب يسوع . لانه جه الزمن انه فيه آيات و معجزات هتتم على ايديهم . جه الوقت انه الاطفال يكون مكانهم ساحة القتال مش بره الاجتماع و الكنيسة عشان بيعملوا دوشة . لو انت مش مدرك ده ، اعرف انه الرب الوقت ده بيملا الاطفال من روحه القدوس فا بالتالي يخرج من كلامهم حكمه لو حد سمعها هيندهش انها خرجا من السن ده. هي ديه اشراقة المجد لظلام الامم ، هو ده عمل الرب الوقت ده وسط عالم مليان بالخوف و االقلق من بكره.صلي الرب يطلق دعوة على اطفالك في الوقت ده ، لانه ده وقت اتساع فيه ملكوت الرب هيمتد الى اليمين و الى اليسار في اسم الرب يسوع .

01/09/2022

التسبيح الحركي و خاصتا التسبيح بالاعلام و الرايات مش مجرد شو ، ده أعلان و رؤية من الرب ، بتخرج من المخدع من عمق الاحشاء عن طريق علاقة حية حقيقية و أعدة وجها لوجه مع الملك .
فا كل ما هتعطش أكتر و كل ما هتشتاق أكتر للقعاد مع الرب كل ما هتلاقي تسبيحة جديدة بشكل جديد و حركات و معاني جديدة . فا لو كنت الوقت الي فات فقدت شغفك و زهقت من الي زمان كنت بتستمتع بيه فا اعرف انك محصور جوه دايرة الضغوط و الدايرة ديه مش هتتفك الا بالتجديد ،بزيت جديد و نار جديدة و ده مش هيحصل الا لو اخدت خطوة حقيقية و وجهت عينك ناحية العرش .
حتى لو حاولت و مقدرتش أعرف انه السما هتزق معاك و هتديك معونه ، فا لو فشلت كذا مرة ، حتما هيجي وقت و هتنجح و سعتها كل وقت ضايع سلب منك هيتعوض و النعم و البركات الي عليك هتتضاعف و كمان لو فيه ناس سبقوك هتحصلهم لا و كمان هتعديهم . أعرف انك بتعمل شيء مهم في الملكوت فا متسمعش كلام الناس المحبط و الغير مشجع و كمل أعمل الشغف الي حطه الرب جواك اي ان كان و مهما ان كان غريب او كان غير مفهوم او غير مرغوب فيه لبعض الناس . انت بتعبد الرب عشان بتحبه مش عشان توري للناس نفسك انك بتعبده .فا لو انت امين بجد بده و بتعمله من كل قلبك اعرف انه الرب هيستخدمك فيه بشكل غير عادي على مستوى أشخاص و مستوى أجواء اماكن بعينها لا و كمان على مستوى امم و شعوب كتيرة .

04/07/2022

ده وقت الاحتفال ، ده الوقت الي فيه الله بيدعونا لموكب نصرة ، من قبل حتى استعلان النصرة .
الاحتفال و الفرح بالرب ، و التعييد بالرب هو باب لكل اختراقه جديدة في حياتك .
ارقص بكل طاقتك زي ما رقص داود امام تابوت العهد ،امام الحضور الالاهي ، سبح ، ارفع أعلام ، أضرب بالبوق ، اهتف هتاف النصرة و افرح و تصاغر قدام الرب ، انسى كل شيء ، سعتها بس هتختبر تغيير شامل كامل لحياتك و لكل الامور و الاشياء الصعبه الي حواليك ،هتختبر سلام الله الذي يفوق كل عقل و هو بيخترق نفسيتك و قلبك .
احتفل و كن ممتن لعمل الله ليك و بيك ، و اختبر الفرح الحقيقي ، الخالي من كل كذب و غش في حياتك و حياة من حولك . ارقص وسط العاصفة ،وسط الامور الصعبه ،كانك لم ترقص ، و لم تفرح من قبل .
نعم ، فرح الرب هو قوتك ، فرح الرب هو نصرتك في كل حرب في حياتك ،فإن كل رياسات و سلاطين شيطانية تخضع و كل ارواح شرير ترتعب امام كل فرح نابع من القلب خصوصا لو كان مصدره روح الله .

25/06/2022

الابداع النبوي سواء رقص ، او تسبيح بالاعلام ، او الرسم النبوي، هو رحلة شفاء لكل شخص ليس فقط موهبة ابداعية مستمدة قوتها من الروح القدس .
االابداع النبوي هو رحلة لنظرة ثابقة للعمق و اكتشاف أكثر من هو الخالق ، فهو لي و أنا له .هو بالتأكيد دعوة لانعاش كل إيمان أضعفته أمور الحياة ، فهو يجعلنا ان نغوص للعمق لنجد كل ظلمه نحاول أن نخفيها بداخلنا .هو خطوة حقيقية للسماح للرب أن يتعامل مع هذه الظلمه مهما كانت حجمها فيبددها و يشفيها في الحال . الابداع او الفن النبوي هو الجسر الذي يصلني بإيماني و ياخذني لمكان يمكنني سماع روح الله بسهولة لايقاظ الحق المغير المحرر بداخلي و كسر كل كذب و غش من ابليس و أطلاقي حرا كالنسر .

18/05/2022

لك الحق أن تفرح بالرب كما تريد ، لانه عندما يأتي روح الله فهناك فرح ، هناك سلام ، هناك حرية . تتعدد أساليب العبادة و الحركات سواء برفع الايادي او بالتصفيق او بالتهليل او بالرقص او الاعلام او الابواق لكن المسبب لذلك واحد و هو الله الذي يسكب علينا من روحه و بجعلنا نراه و نرى مهو غير منظور بعيوننا الروحية فتظهر حركات غير ارادية قد يظنها البعض تظاهر او غير حقيقية و لكنها رد فعل غير ارادي للجسم البشري الذي لا يتحمل تلك القوى الروحية و ذلك الفرح الغير محدود . ميكال امرأة داود ظنت ذلك و احتقرت داود في قلبها و كان همها الملك و العرش و كيف يظهر ملك بتلك الصورة امام الشعب فا اصيبت بالعقم .
فلا تخف و لا تستحي و اترك روح الله يقودك امام الرب في العبادة و انسى تماما من حولك ، غمض عينك في الارض و افتحها في السماء حيث عرش الله ، فالعبادة يا صديقي تجعلنا ننمو و نتغير من الداخل و من الخارج و يجعلنا ننفتح على روح الله فيسكب علينا اعلانات و نبؤات و رؤى روحية لا يستطيع اي انسان عادي ان يختبرها مالم يكن مختبر الخلاص واصبح ابن للرب وليس عبد للخطية . فالابن له ميراث و له الحق ان يتمتع بأبوه كيفما يريد بالروح و الحق ، بالروح القدس و الحق الكتابي و ليس بالذهن . انت ابن ، لديك المسحة و السلطان ، فكل عبادة اي ان كانت شكلها هي مرضية لدى الرب و من ثمارها الشفاء ، التحرير ، إخراج الشياطين .
فكلما دخلت اكثر الى العمق اخذت اكثر من ابوك السماوي ، فعيشوا الملكوت و انتم على الارض وعيش الفرح والسلام والمحبة والنور و لا تنتظروا ان تذهبوا اليه في الحياة الاخرى بعد الموت .

كتبت ناديا من العراق

التسبيح بالاعلام و التعبير الحركي و الابواق في مصر

07/05/2026

25/03/2026

08/07/2025

15/08/2024

04/04/2024

31/03/2024

16/10/2022

01/09/2022

04/07/2022

25/06/2022

18/05/2022

Address

Website

Alerts

Contact The Place Of Worship

Shortcuts

Share

Category