20/07/2026
المؤتمر السنوي لخدمة إعدادي بنين
كنيسة الشهيد العظيم مارجرجس باكوس
خلوة الصيف
بعنوان "New Look"
"وَلَا تُشَاكِلُوا هَذَا الدَّهْرَ، بَلْ تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ، لِتَخْتَبِرُوا مَا هِيَ إِرَادَةُ اللهِ: الصَّالِحَةُ الْمَرْضِيَّةُ الْكَامِلَةُ." (رو ١٢: ٢)
النيو لوك اللي بنعمله ف شكلنا من بره مش هو المطلوب عشان نكون مستعدين للحياة الأبدية .. محتاجين نيو لوك من نوع تاني .. نيو لوك داخلي نغير قلوبنا وأفكارنا 😇😍
اليوم الأول الخميس ١٦ يوليو
اتشرفنا بحضور ابونا القس كيرلس فتحي كاهن الكنيسة المرقسية الكبري بمحطة الرمل
و اتكلمنا عن موضوع "أنتم هيكل الله"😇
واخدنا مجموعات عمل عن أصعب ١٠ أسئلة ف العقيدة من أعمال القمص تادرس عطية الله ✅
اليوم الثاني الجمعة ١٧ يوليو
اتشرفنا بوجود أ. رضا جاب الله في موضوع "خليك فعل مش رد فعل" و"خليك مؤثر ف حياتك وحياة الآخرين"👌
واخدنا مجموعات عمل عن شخصيات من الكتاب المقدس كانت ف وسط وحش ومتأثرتش بيه وقرروا يكونوا هما اللي مؤثرين فحياتهم زي "لوط ويوسف ونحميا"🤗
اليوم الثالث السبت ١٨ يوليو
اتشرفنا بوجود ابونا القس بيتروس رمزي معانا في صلاة القداس الصبح ⛪😇
وأكمل معانا دراسة الكتاب المقدس الاصحاح الثالث من رسالة بولس الرسول لاهل كولوسي 📝
واتشرفنا بوجود ابونا القس دوماديوس كاهن كنيسة العذراء مريم والثلاثة مقارات الهانوڤيل وكلمنا عن "التغيير"
واخدنا مجموعات عمل عن قديسين ف تاريخ كنيستنا التوبة كان ليها مفعول واتغيرت حياتهم بالكامل زي
"القديس اغسطينوس والقديسة بائيسة التائبة"
واخدنا مع الولاد دراسة كتاب مقدس رسالة بولس الرسول الي اهل كولوسي
كل سنة وانتم طيبين وعقبال كل خلوة 😍😍😍
