16/02/2026
📖 Një histori suksesi dhe bashkëpunimi për komunitetin tonë
Data 11.02.2026 do të mbetet një ditë historike për Qendrën Islame Shqiptare Böblingen-Sindelfingen.
Në këtë ditë u nënshkrua kontrata për blerjen e objektit të ri të xhamisë, me një vlerë mbi 1.300.000 Euro, ku mori pjesë edhe Kryetari i UIAZD-BW, Hoxhë Muhamet Havolli, për t’i mbështetur edhe nga afër në këtë hap të madh.
Ky është një hap madhor që i afron më shumë besimtarët me vendin e tyre të adhurimit dhe forcon unitetin e komunitetit shqiptar në Baden-Württemberg.
Ky sukses nuk është rezultat i një individi të vetëm, por i një bashkëpunimi të përkushtuar. Kryesia e Qendrës Islame Shqiptare Böblingen-Sindelfingen, në tribunën e mbajtur vitin e kaluar, arriti të sigurojë një shumë mbi 630,000 Euro, që do të thotë rreth 50% e shumës së kërkuar, janë siguruar.
Ndërkohë, UIAZD-BW, nën drejtimin e Kryetarit Hoxhë Muhamet Havolli, me angazhimin e tyre dhe në bashkëpunim të ngushtë me xhamitë anëtare, dha një kontribut të çmuar në këtë rrugëtim.
Nga kjo shumë, vetëm nga “Fondi për hapjen e Xhamive të reja” i UIAZD-BW-së, dhe në bashkëpunim të ngushtë me xhamitë anëtare, u arrit një bashkëfinancim mbi 100,000 Euro, brenda vetëm afërsisht 3 ditësh.
Ky projekt është kulmi i tre projekteve të mëdha që UIAZD-BW ka mbështetur për xhamitë anëtare:
1️⃣ Me datë 07 shtator 2025, për Qendrën Islame Shqiptare të Achernit, u financua dhe u montua tepihu dhe sistemi i zërimit.
2️⃣ Me datë 07.02.2026, për Qendrën Islame Shqiptare “NUR” në Heidenheim, po ashtu u financua dhe u montua tepihu dhe sistemi i zërimit.
3️⃣ Tani, për Qendrën Islame Shqiptare të Böblingen-Sindelfingen, bashkëfinancimi i shpejtë dhe i madh brenda pak ditësh është dëshmi e gjallë e unitetit, solidaritetit dhe përkushtimit të komunitetit tonë, duke treguar se kur bashkohemi për një qëllim të mirë, arrijmë rezultate të mëdha.
Ky rrugëtim tregon se secili kontribut, qoftë i madh apo i vogël, ka qenë pjesë e realizimit të këtij projekti madhor.
Lusim Zotin e Madhërishëm që ta begatojë këtë xhami, të mbushë komunitetin tonë me paqe, mirësi dhe sukses, dhe të na japë forcë për të vazhduar rrugën e bashkëpunimit dhe të mirësisë.
Faleminderit të gjithë atyre që kontribuuan dhe besuan në këtë projekt!
Ju jeni pjesë e historisë që po ndërtojmë së bashku.
________________________________________
Mbështetja për “Fondi për hapjen e xhamive të reja” është një mundësi e vyer për të lënë një sadaka që vazhdon (sadaka xharije), shpërblimi i së cilës rrjedh edhe pasi ne të mos jemi më.
Çdo kontribut, sado i vogël, bëhet pjesë e:
• ndërtimit të një shtëpie të Allahut
• përhapjes së dijes dhe adhurimit
• edukimit të brezave të rinj
• forcimit të bashkësisë dhe vlerave islame
Allahu i Madhërishëm thotë:
“Ata që shpenzojnë pasurinë e vet në rrugë të Allahut, i shëmbëllejnë atij që mbjell një kokërr nga e cila dalin shtatë kallinj, ku secili kalli ka nga njëqind kokrra. Allahu ia shton (shpërblimin) edhe më tepër kujt të dëshirojë; Allahu është Mirëbërës i madh dhe i Gjithëdijshëm.” (El-Bekare, 261)
I Dërguari i Allahut ﷺ ka thënë:
“Kush ndërton një xhami për hir të Allahut, Allahu do t’i ndërtojë atij një shtëpi në Xhenet.”
Mos e humbni këtë mundësi për një sadaka xharije (të vazhdueshme) që vazhdon edhe pas jetës sonë.
Bëhuni pjesë e këtij sevapi të pandërprerë.
Jepni sot për një shpërblim që vazhdon nesër, në ahiret.
Mbështetni hapjen e xhamive të reja dhe fitoni sadaka që rrjedh edhe pas nesh.
Pagesat për fondin mund t’i bëni në këtë llogari bankare:
Emri:
UIAZD-BW
Union der Islamisch Albanischen Zentren Deutschland Landesverband Baden-Württemberg
🏦 KT BANK
🔢 IBAN: DE96 5023 4500 0441 5800 01
📝 Verwendungszweck: Fondi për hapjen e Xhamive të reja; Emri juaj / Xhamia juaj
Donacionet mund t’i bëni:
✔️ Një herë
✔️ Disa herë
✔️ Çdo muaj rregullisht (Dauerauftrag)
Allahu e pranoftë nga të gjithë dhe e bëftë këtë kontribut dritë në Ditën e Gjykimit.
Adminsitrata UIAZD-BW
