Laat U Koninkryk Kom - Let Your Kingdom Come Ministries

29/07/2025

Goeiedag aan elkeen. As die kat weg is, is die muis baas hier op die blad met advertensies en vreemde plasings. Tans wag ek om te sien of omstandighede in die ooste van die DR Kongo gaan stabiliseer, na sovreel ongeslaagde pogings tot vrede en stabiliteit. Die getuieniswerk wag. Die talle onbereikde villages bly onbereik terwyl mense getraumatiseer is deur jare se konflikminerale oorlog. Vanoggend vroeg gedurende stiltetyd kyk ek na Lukas 14:34. As die Kerk in Afrika laf geword het, vals evangelies verkondig en dinge maar laat begaan, sal ons nie daarin kan slaag om noordwaarts in Afrika te brand met die Heilige Gees vuur nie. Vredegroete aan almal wat Hom aanroep in die uur van benoudheid.

03/09/2024

Sending is 'n proses wat deurdag in plek gestel moet word en instand gehou moet word in elke Christen gemeente. Daar is geen manier, - uit ondervinding, - dat 'n glimlag, 'n kort gebed en 'n Bybel in die hand, 'n onbereikde of pas bereikde siel genoegsaam gaan oprig tot 'n pad van saligmaking en disippelskap nie. Hoe tragies dan dat gemeentes sommer skierlik die steun van sendelinge in die veld staak!? Dit is 'n lang pad, wat volhardende medewerking en wedersydse skaafwerk verg. 3 Johannes vers 5-8 gee moontlik 'n goeie besginsel riglyn.

16/08/2024

Steeds op die onderwerp van plaaslike uitreik en wereldsending: daar is werklik redes tot groot kommer. Die Kerk het nie geld nie want die gemeentelede is verarm. Kerkroetines, kerkonderhoud, gemeentesorg, armsorg en sending ly toenemende skade. Dit terwyl die Skrif in Deut 8:17-18 aandui dat God ons die vermoe gee om rykdom te genereer! Ons as Gelowiges wat die Skrif het, bekering ken, die drie-enige werking van die Godheid ken, wonderwerke beleef, die geloofsgemeenskappe rondom ons het, die samekomste beleef, die wolk van getuies het, profesie het, Jesus Christus van Nasaret as Verlosser en Saligmaker het, salwing van die Heilige Gees ontvang, ... maar ons is verarm! Liewe en geleerde kerkleiers, hoe het die kuddes in hierdie gemors en elende beland? Onder julle toesig? Kan Mat 24:45-51 moontlik iets daarmee te doen vervat? Wat het die Christendom beroof? Wie het dit toegelaat? Hoe het omstandighede rondom ons so verander dat ons ingeperk, omsingel en magteloos staan? Maar, Prys die Here, daar is baie getuienis dat gemeentes wat hul toewy aan uitreik, sending en die uitstuur van sendelinge, groot vrug en seen beleef. Mag helewing en gehoorsaamheid aan die Groot Opdrag, soos die Skrif dit uitle, elke Christen se vurigste hartklop wees. Ook sendingegrigde Christene wat kerkvervreemd geraak het. Die Kerk moet vermenigvuldig, deur elke geslag, sodat God geloof kan word deur alle volke, tale, nasies en stamme (Open 7:9)! Al sal almal aldus Johannes hoofstuk 17, nie die Goeie Nuus wil aanneem nie.

08/08/2024

2 Tim 3:1-3 het vooruit reeds geweet die mensdom gaan uithaak. Elkeen net vir hom en haar self. Godslasterlik. Inhalig. Onsimpatiek. Goddeloos! Tog lyk dit asof die ligaam van gelowiges by gebreke is om werke van ongeregtighied met werke van geregtigheid teen te staan? Wat se (1950s) Thalidomide tipe "medikasie" is daar in die post-moderne teologie? Hoewel Cristene naar word van die werke van die Antichis en dade van ongeregtigheid rondom ons as die Ligaam van Gelowiges, is wedergebore Christene skynbaar deesdae sonder hande en voete? Totaal apaties, lamlending, ruggraatloos en onbeholpe wat betref 'n globale Christen strategie vir geregtigheid? Die werkers van onreg met sigbare en wyd verkondigde agendas, voer die botoon? NIKS keer hulle nie! Hoe dan wil die Kerk by die langverwagte Wederkoms verwag om te hoor "goeie en getroue dienskneg" ... ? Is daar beter teologiese medikasie beskikbaar vir geestelike naarheid? 'n Geestelike vitamine C of B12? Geloof met verstand, hande, voete, rugraat en gehoorsaamheid? Vooruitskouende standvastigheid? Koninkryksvisie!

02/08/2024

Na aanleiding van 'n navraag uit Woester (Worcester in die Kaap). Laat U Koninkryk Kom - Let Your Kingdom Come Ministries is 'n virtueele "Kerk" op fb wat die Volle Evangelie funksionering van kerke in en om SA bevorder, insluitende gehoorsaamheid aan die Groot Opdrag van Jesus Christus voor Sy Hemelvaart. Kerk WEES i.p.v. bloot apaties, tradisioneel en uit gewoonte godsdienstig wees. Aan soveel verarmde mense in SA ("die Nuwe SA, beter vir almal", aldus die groot toesprake sedert 1994") ... skakel in by jou naaste gemeente. Doen iets in ruil vir kos. Maar na mening moet die SA Kerk oor die algemeen BAIE meer doen om oortuigend te skyn as lig op die staander en stad op die berg. Miljoene kerkbanksitters wat bloot 'n geldjie in die bordjie gooi, een maal per week, gaan nie SA op 'n pad van GEREGTIGHEID rig en stig nie, - en ook NIE die Koninkryk laat kom op aarde net soos in die Hemel nie! Kerkleiers wat net een maal per week "werk", - ook nie

31/07/2024

Lidmate van die Liggaam van Gelowiges, kan dit waar wees dat die Kerk se gebrek aan voluit fokus op evangelisering en sendingwerk die Mat 24:14 oorsaak is dat die Wederkoms sloer en die voorwerkers van die Antichris dus meet tyd het om agendas van ongeregtigheid te vestig? Ek meld van die struikelblokke wat ek tans beleef wat sendingmobilisering en sendingstuuraksie van die Kerk in Christelike SA beleef: 1. Gemeentelede het geen benul van wat dit verg om te mobiliseer en stuur vir sending nie. 2. Die kerke stel nie meer belang in die Groot Opdrag nie. M.a.w. daar waar evangeliseringsgesprekke nog nie onderling kan plaasvind omdat die mense Jesus Christus en die funksionele kerk glad nie ken nie. 3. Kerkleiers wat eenvoudig geen sendinggesprekke of sendingwerk duld nie. 4. Sendelinge word dikwels baie stief behandel en afgesekeep. 5. Kerkstrukture is nie bereid om hulle bronne te deel vir sendingbestuur nie. 6. Innoverende samewerking vir beter en meer gekoordineerde sendingstuuraksies word deur wedywering en individualiteit (of die apatie) van gemeentes belemmer. Ons bid dat Vader se Heilige Gees weer ons Eerste Liefde sal wakker maak, en dat ons almal, as gestuurdes of stuurders, sal gehoorsaam.

24/07/2024

Geloofsvriende, dit bly 'n uitdaaging vir ons gelowiges om onsself eerstens in die Ligaam te sien as stuurders en oeslandmedewerkers. Almal gehoorsaam aan die Groot Opdrag van hierdie Jesus Christus van Nasaret wat ons voorhou. Is dit miskien waar dat die Kerk die Wederkoms vertraag deurdat ons Mat 24:14 geringskat? Ons geriefzones en gemak of nimmereindigende Bybelse argumente te hoog ag? Ons teologie te akademies geraak het? Leerkragte te verfynd en polities korrek geraak het?

17/07/2024

Handelinge 1:8 het verskeie interpretasies in die Christen gemeentes. Eerstens dat sendingwerk, uitreik en evangelisering net vir sekere Christene bedoel is. Of dat daar, 2024 jaar na Christus, steeds eers net om "Jesusalem" gewerk moet word, - waarna dit (miskien, eendag) van self sal begin uitkring in volgende geslagte. Of 'n meer konstruktiewe redenasie dat die duplisering van die Kerk gelyktydig in "Jerusalem", "Judea en Samaria" en die uiterstes van die aarde moet plaasvind. Daar is tans 'n groeiende gewaarwording dat die persoon langs my op die kerkbanke moontlik nie gered is nie, en daaom word plaaslike evangeliseringsbenaderings nou herontleed, verfyn en uitgebrei. Dit is Goeie Nuus! Onthou asb. net, liewe lidmaat, dat daar generasies en streke op aarde is waar die Evanglie nog NIE gepreek is nie en mense NIE 'n keuse kon maak nie. Daarom is daar ook geen aktiewe en verder-verspreidende geestelike dinamieka nie!

Mission in the 21st century calls for partnership, networking, collaboration, and interdependence between believers of different socio-economic backgrounds, cultures, and religious expressions from diverse regions, all working with a common purpose and mission to the glory of God.

09/07/2024

Daar is soveel aanhalings oor Christen sending en uitreik op die Internet. Toegewyde Christene wat alles opge-offer het. Gemeentes en sendigorganisasies wat pligsgetrou i.g. Mat 28:18-20 en Hand 1:8 gestuur het, en steeds stuur. CT Studd, dr David Livingstone, Mary Slessor, Hudson Tailor en talle meer. Die sendingwerk is steeds nie voltooi nie en dikwels nie opgevolg nie, of die werk is gestaak of het skipbreuk gely voor opvolgende generasies met die Goeie Nuus bedien kon word. Ons as Christene kan mekaar net aanhou aanmoedig uit die waarheid van die Woord, in elke gemeente, rondom die mees efektiewe meganismes en koordinering van die getuieniswerk aan alle volke, tale, nasies en stamme. Sien Mat 24:14. Ook ons eie mense wat soms blyk nie bekeer te wees nie, of onverskillig staan of waar die Eerste Liefde vir Jesus Christus van Nasaret afgekoel het. Romeine 10:9-15 optrede is krities belangrik vanuit elke gemeente in SA.

05/07/2024

Daar is skynbaar 'n groter oplewing in die sendingomgewing omdat daar Christene buite die kerke is wat God, Skrif en die Groot Opdrag respekteer. Dit veroorsaak baie "stofwolke" en reklame vir sending, (buite die Kerk) - maar die volle, gesonde en volhoubare sendingstuurmodel vanuit gemeentes is afwesig (Handelinge 13:1-3. 3 Joh:5-8). Ons skep "los kanon" sendelinge wat uit frustrasie, verleentheid, honger en genooptheid van hul roeping na ander bronne en oorde van sendingstuur begin staatmaak. Maar wat is die "wortel" en die gesonde rugsteun vir hierdie (alternatiewe) Evangelie?

Historian Mendell Taylor's assertion that the Church must send missionaries or it will end is rooted in his understanding of church history.