19/05/2026
. !
:
Dubbisaa ammas dargaggootaa fi namoota yaada kana qaban qaqqabsiisa. Hundumtuu dhaloota kana oolchuuf waan dandeenyu haa gummachinnu. Kan dura gahee waldaa Kiristaanaa barreesse ture.
Akka tajaajilaa Waaqayyoo tokkootti dargaggoota hundaaf Ergaa ijoo tokko dubbachuun barbaada: jireenyi keessan gatii guddaa qaba. Waaqayyo kaayyoo , sagantaa , akeekaa fi galmaa guddaadhaaf isin uume. Isiin qabeenya Waaqayyooti! abdii biyyaati! Abboota Mul’ataa ti, Abboota amantaa ti , Abboota qabeenya ti, Abboota Siyaasaa ti ! Ambassador nagaati! Hojii qabdu!
Dhugaa kana beeku qabdu. Innis Rakkoon yeroo muraasaaf Jireenya keenya irraati ta’uu danda’a; garuu jireenyi keessan fuula Waaqayyooti Maaliin iyyuu iddoo kan hin buufamne ulfina qaba. Rakkoon barabaraa Nama Waliin jiraatu hin jiru! Waan hundumtuu yeroo qaba. Namni nagaa fi fayyaa qabu waan Hundumaa ni qaqqaaba!
Kanaaf , Rakkoo yeroof jettanni Of ajjeesuun furmaata miti. Yeroo seexanni kana gara sammuu keessanni fidu mee kana tasgabbiidhaan yaada : Waaqayyoo akka isiin jaallatu, Haala kana keessa akka isiin baasuu, Namoonni isin jaallatan, isin barbaadan fi isin abdatan akka jiran. Guyyaa kun darbe akka bu’aa buuftan! Akka gammaddaan! Rakkoo keessaan akka dagatan yaadadha. Hundumaa caalaatti immoo yoo waan namni hundi isin dagate isiinitti fakkaatuttillee Waaqayyo isin hin daganne. Isiin hin dagatus! Of Ajjeesuun yaada seexanaati;Namni of Ajjeesuu Mootummaa waaqayyootti hin galu!
Waa lama miidhamuun gaarii miti. Jireenya asiis Harka ofiin gabsiisanii, adaba harka Waaqayyoo fudhachuun gaarii miti. Namni wanuma facaase galfata! Waaqayyo isiin haa eegu!
Har’a dargaggoonni hedduun sababa garaagaraatiin of ajjeesaa jiru. Ani Akkan hubadheetti Rakkoo isaanii keessaa muraasni jechuun:
- hojii dhabdummaa,
- Maallaqaa dhabuu,
- mufannaa jireenyaa,
- walitti bu’iinsa maatii,
- dhiphina sammuu,
- jaalala keessatti kufuu ,
- hojii irraa abdii kutachuu,
- Jireeny miidiyaa hawaasaa irraa wal bira qabuu,
- kophaa ta’uu,
- Suusii/ Araadaa adda adda
- fi abdii dhabuu dha.
Fuulli namoota hedduu yeroo baay’ee waan gammaddaan yookaan kolfaan fakkaata; garuu keessaa isaanii keessatti boo’icha, madaa fi dhiphina guddaa keessaa jiru. Haalli Kun rakkoo guddaa dhaloota keenya mudate keessaa isa tokko ta’eera. Jireenyi soba fi fakkeessaa dhaloota koo kana dhaluun isa baay’ee na gaddiisiisa!
Ilaamee Dhaloota koo, qofa keessaan callistanii keessaa keessaan keessatti hin dhiphatinaa. Rakkoon Hundumaa qofa hin furaan. Naannoo keessaan Qalbiitti deebi’a ilaala.Nama isiiniif amanamuu/tuu ta’e/tte tokko deema dubbisaa yookaan bilbilan Waliin dubbaadha. Gargaarsa gaafadhaa. Gorsa gaafadhaa! Kadhannaa gaafadhaa! Yoo isiin barbaachise boo’aa miiraa keessan tasgabeessaa ; garuu of hin balleessinaa. Rakkoon yeroo tokkoo Jireenya keessaan keessaatti isiinitti dhufu fuuldura keessanii guutuu balleessuu hin danda’u. Kana yaaduun baay’ee barbaachiisadha
Namoonni har’a milkaa’an hedduun isaanii Jireenya keessaatti yeroo tokko ykn yeroo lama dhiphina, mufannaa fi abdii kutannaa keessa darbaniiru; garuu jiraachuu filatanii injifatan. Atis Kanuma godhi! Adeemsa keessaan hin gabaabsina!
Dargaggoonni of jaallachuu barachuu qabu. Jireenya keessan nama biraa wajjin miidiyaa hawaasaa irratti hin madaalinaa. Gatiin keessan qarshii, bareedina, beekamtii ykn qabxii barnootaa qofaan hin murtaa’u. Of kabajaa. Fayyaa sammuu keessan eegaa. Hiriyoota gadhee ykn badoo irraa fagaadhaa; namoota isin jajjabeessanii fi isin ijaaran wajjin jiraadhaa. Kadhannaa, amantii, yaada gaarii fi hariiroo fayyaa qabutti cichaa. Fuuldurri keessan Jireenya har’a isin dhiphisu caalaa guddaa dha.
Maatiin illee itti gaafatamummaa guddaa qaba. Warri ijoollee isaanii jaalalaan dhaggeeffachuu qabu. Waldoonni Kiristaanaa bakka dargaggoonni itti sodaa malee dubbatan ta’uu qabu. Manneen barnootaa, mootummaa, ogeeyyiin gorsaa fi hawaasni hundi waa’ee fayyaa sammuu irratti hojii guddaa hojjechuu qabu. Namoota dhiphatan irratti qoosuun dhaabamuu qaba; bakka isaa jaalala, hubannoo fi gargaarsa kennuun barbaachisaa dha.
dhimma Dargaggoo hundaaf
Qaamolee hundaaf waa dubbachuu barbaada — waldoota Kiristaanaa , mootummaa, manneen barnootaa, miidiyaa fi maatiin dargaggoonni keenya hojii, qajeelfama, gorsa, deeggarsa miiraa fi abdii barbaadu. Dhaloota kana abdii kutannaa irraa baraaruuf waliin dhaabachuu qabna.
Dhumarratti dargaggoota hundaaf: of irratti abdii hin kutatinaa. Seenaan keessan hin dhumne. Waaqayyo kaayyoo, kabajaa fi tajaajila guddaadhaaf isin uume. Dukkanni yeroo hundumaa Jireenya namaa keessa hin turu. Abdii ni jira. Fayyuun ni jira. Boru gaariin ni dhufa. Jireenya filadhaa, abdii filadhaa, gara fuulduraattis tarkaanfachuu itti fufaa.
Deemsi itti fufa
Eebbifamaa
Via:Lammiisaaf Kabbadee (Luba)
