ဓမ္မကြေးစည် Dhamma KyeeZee

09/07/2025

07/08/2025

မန္တလေး သကျသီဟအသင်းကြီး သမိုင်းပထမ နှစ်ပေါင်းတစ်ရာအတွင်း၌
ဝဋံသကာဘွဲ့ရ အရှင်မြတ်(၉)ပါး ပေါ်ထွက်ခဲ့ပါသည်။

နောက်ဆုံး ဝဋံသကာဘွဲ့ရ အရှင်မြတ်နောက်ပိုင်း (၃၉)နှစ်ကြာမှသာ
သကျသီဟ ဝဋံသကာအရှင်မြတ်တစ်ပါး ထပ်မံပေါ်ထွန်းလာခြင်း ဖြစ်ပါသည်။

ယခုနှစ် ဝဋံသကာဘွဲ့ရအရှင်မြတ်မှာ ..
"အရှင်ဃောသိတာလင်္ကာရာဘိဝံသ" ဖြစ်ပြီး
သက်တော်အားဖြင့် (၂၃)နှစ်၊ ဝါတော်အားဖြင့် (၃)ဝါသာ ရှိပါသေးသည်။

ဝဋံသကာဘွဲ့ရအရှင်မြတ် အရှင်ဃောသိတာလင်္ကာရာဘိဝံသမှာ
မစိုးရိမ်တိုက်သစ် ဓမ္မဝိနယရံသီကျောင်းမှ ဖြစ်ပါသည်။

သကျသီဟ စာသင်တန်း၊ စာချတန်းကို နှစ်မခြားဘဲ
ဆက်တိုက် အောင်မြင်မှသာ ရရန်ခဲယဉ်းလှသော ဝဋံသကာဘွဲ့ကို ရရှိပါသည်။

သကျသီဟ စာသင်တန်း ကျမ်းရင်းသုံးကျမ်းကို နှစ်ချင်းပေါက်အောင်မြင်ပြီး
အခြားမဲ့ ကပ်လျက်နှစ်၌ သကျသီဟစာချတန်း ကျမ်းရင်းသုံးကျမ်းကို နှစ်ချင်းပေါက်အောင်မြင်မှသာ ဝဋံသကာဘွဲ့ကို ရရှိပါသည်။

ရခဲလှစွာသော ဝဋံသကာဘွဲ့ကို ရရှိခဲ့သောအရှင်မြတ်အား
ချီးကျူးဂုဏ်ပြု မှတ်တမ်းတင်အပ်ပါသည်။

မူရင်း ပို့စ် ပိုင်ရှင်အားလေးစားစွာဖြင့်

06/25/2025

12 Things to Remember by Buddha
မြတ်ဗုဒ္ဓ၏ မှတ်သားစရာ ၁၂ ချက်

1. The past cannot be changed
အတိတ်မှာကျန်ခဲ့တာကို ပြောင်းလဲလို့မရဘူး

2. Other people’s opinion do not define your reality
တခြားသူတွေရဲ့အမြင်ဟာ ကိုယ့်အမှန်တရားမဟုတ်ဘူး

3. Everyone’s journey is different
လူတိုင်းရဲ့ ဘဝခရီး တယောက်နဲ့တယောက်မတူဘူး

4. Things always get better with time
အချိန်ပေးတာများလာတဲ့အရာဟာ တိုးတက်လာစမြဲပဲ

5. Judgements are confession of character
သူများကို သတ်မှတ်တတ်တဲ့အကျင့်ဟာ
ကိုယ့်ကိုယ်ကိုယ် ဘယ်လိုလူမျိုးလဲဆိုတာကို ပြတာပါ

6. Overthinking will lead to sadness
အတွေးအလွန်အကျွံက ကိုယ့်စိတ်ကိုဝမ်းနည်းစေတတ်တယ်

7. Happiness is found within
ကိုယ့်ရဲ့ ပျော်ရွှင်မှုဟာ ကိုယ့်စိတ်ထဲမှာပဲ ရှိတယ်

8. Positive thoughts create positive things
ကောင်းတာတွေးရင် ကောင်းတာတွေပဲ ဖြစ်လာတတ်တယ်

9. Smiles are contagious
အပြုံးတွေဟာ တခြားသူတွေကိုပါ ကူးစက်ပျော်စေနိုင်တယ်

10. Kindness is free
ကြင်နာမှုဆိုတာ ပိုက်ဆံမကုန်ဘူး၊ အခမဲ့ပေးလို့ရပါတယ်

11. You only fail if you quit
ကိုယ်လက်လျှော့မှသာ ကျရှုံးတာ ဖြစ်တယ်

12. What goes around, comes around
ကောင်းတာလုပ်ရင် ကောင်းတာပြန်လာမယ်၊
မကောင်းတာလုပ်ရင် မကောင်းတာပြန်ရမယ်။

☸️ဗုဒ္ဓ🪷

05/24/2025

ဗုဒ္ဓရုပ်ပွါးတော် ပုံတော်များ ပူဇော်နိုင်ကြပါသည်။ 🙏🙏🙏🙏🙏

05/21/2025

လုံးစုံများစွာသတ္တဝါ
ချမ်းသာကိုယ်စိတ်မြဲပါစေ
ဥပါတ်ရန်ဘေးကင်းစင်ဝေး
ငြိမ်းအေးကြပါစေ
သတ္တဝါမှန်သရွေ့ တရားတွေ့
ချမ်းမြေ့သာယာရှိပါစေ
သူတော်ကောင်းဓာတ် တရားမြတ်
လွှမ်းပတ်ကမ္ဘာတည်ပါစေ
မြန်မာပြည်သူပြည်သားအားလုံး ရန်သူမျိုဘေးဘယာတွေဝေးကွာလို့
ငါးပါး ကပ်သုံးပါးမှကင်းဝေးကြပြီး အေးချမ်းသာယာကြပါစေ🙏
———////———-

05/19/2025

ဂုဏ်တော်ကွန်ချာ ဂါထာ
================
(ပါဠိ-အနက်-မြန်မာပြန်)

၁ ။ သောဘဂဝါ ဣတိပိ အရဟံ
အရဟံ ၀တ သောဘဂဝါ
အရဟန်တံ သရဏံ ဂစ်ဆာမိ
အရဟန်တံ သိရသာ နမာမိ
ပထမော ၀ဇိရပါကာရော
သောဘဂဝါ ဣတိပိ အရဟံ ။

၂ ။ သောဘဂဝါ ဣတိပိ သမ္မာသမ္ဗုဒ္ဓေါ
သမ္မာသမ္ဗုဒ္ဓေါ ၀တ သောဘဂဝါ
သမ်မာသမ်ဗုဒ်ဓံ သရဏံ ဂစ်ဆာမိ
သမ်မာသမ်ဗုဒ်ဓံ သိရသာ နမာမိ
ဒုတိယော ၀ဇိရပါကာရော
သောဘဂဝါ ဣတိပိ သမ္မာသမ္ဗုဒ္ဓေါ ။

၃ ။ သောဘဂဝါ ဣတိပိ ဝိဇ္ဇာစရဏသမ္ပန္နော
၀ိဇ္ဇာစရဏသမ္ပန္နော ၀တ သောဘဂဝါ
၀ိဇ်ဇာစရဏသမ်ပန်နံ သရဏံ ဂစ်ဆာမိ
၀ိဇ်ဇာစရဏသမ်ပန်နံ သိရသာ နမာမိ
တတိယော ၀ဇိရပါကာရော
သောဘဂဝါ ဣတိပိ ဝိဇ္ဇာစရဏသမ္ပန္နော ။

၄ ။ သောဘဂဝါ ဣတိပိ သုဂတော
သုဂတော ၀တ သောဘဂဝါ
သုဂတံ သရဏံ ဂစ်ဆာမိ
သုဂတံ သိရသာ နမာမိ
စတုတ္ထော ၀ဇိရပါကာရော
သောဘဂဝါ ဣတိပိ သုဂတော ။

၅ ။ သောဘဂဝါ ဣတိပိ လောကဝိဒူ
လောကဝိဒူ ၀တ သောဘဂဝါ
လောကဝိဒုံ သရဏံ ဂစ္ဆာမိ
လောကဝိဒုံ သိရသာ နမာမိ
ပဉ္စမော ၀ဇိရပါကာရော
သောဘဂဝါ ဣတိပိ လောကဝိဒူ ။

၆ ။ သောဘဂဝါ ဣတိပိ အနုတ္တရော ပုရိသ ဒမ္မသာရထိ
အနုတ္တရော ပုရိသ ဒမ္မသာရထိ ၀တ သောဘဂဝါ
အနုတ်တရော ပုရိသ ဒမ်မသာရထိံ သရဏံ ဂစ်ဆာမိ
အနုတ်တရံ ပုရိသ ဒမ်မသာရထိံ သိရသာ နမာမိ
ဆဋ္ဌမော ၀ဇိရပါကာရော
သောဘဂဝါ ဣတိပိ အနုတ္တရော ပုရိသ ဒမ္မသာရထိ ။

၇ ။ သောဘဂဝါ ဣတိပိ သတ္ထာဒေ၀ မနုဿ နံ
သတ္ထာဒေဝ မနုဿ ာနံ ၀တ သောဘဂဝါ
သတ်ထာရံ ဒဝေ မနုဿ ာနံသရဏံ ဂစ်ဆာမိ
သတ်ထာရံ ဒဝေ မနုဿ ာနံသိရသာ နမာမိ
သတ္တမော ၀ဇိရပါကာရော
သောဘဂဝါ ဣတိပိ သတ်ထာဒဝေ မနုဿ ာနံ။

၈ ။ သောဘဂဝါ ဣတိပိ ဗုဒ္ဓေါ
ဗုဒ္ဓေါ ၀တ သောဘဂဝါ
ဗုဒ်ဓံ သရဏံ ဂစ်ဆာမိ
ဗုဒ်ဓံ သိရသာ နမာမိ
အဋ္ဌမော ၀ဇိရပါကာရော
သောဘဂဝါ ဣတိပိ ဗုဒ္ဓေါ ။

၉ ။ သောဘဂဝါ ဣတိပိ ဘဂဝါ
ဘဂဝါ ၀တ သောဘဂဝါ
ဘဂ၀န်တံ သရဏံ ဂစ်ဆာမိ
ဘဂ၀န်တံ သိရသာ နမာမိ
နဝမော ၀ဇိရပါကာရော
သောဘဂဝါ ဣတိပိ ဘဂဝါ ။

၁၀ ။ သောဘဂဝါ ဣတိပိ လောကဝိဒူ
လောကဝိဒူ ၀တ သောဘဂဝါ
လောကဝိဒုံ သရဏံ ဂစ္ဆာမိ
လောကဝိဒုံ သိရသာ နမာမိ
ပဉ္စမော ၀ဇိရပါကာရော
သောဘဂဝါ ဣတိပိ လောကဝိဒူ ။

၁၁ ။ သောဘဂဝါ ဣတိပိ သုဂတော
သုဂတော ၀တ သောဘဂဝါ
သုဂတံ သရဏံ ဂစ်ဆာမိ
သုဂတံ သိရသာ နမာမိ
စတုတ္ထော ၀ဇိရပါကာရော
သောဘဂဝါ ဣတိပိ သုဂတော ။

၁၂ ။ သောဘဂဝါ ဣတိပိ အနုတ္တရော ပုရိသ ဒမ္မသာရထိ
အနုတ္တရော ပုရိသ ဒမ္မသာရထိ ၀တ သောဘဂဝါ
အနုတ်တရော ပုရိသ ဒမ်မသာရထိံ သရဏံ ဂစ်ဆာမိ
အနုတ်တရံ ပုရိသ ဒမ်မသာရထိံ သိရသာ နမာမိ
ဆဋ္ဌမော ၀ဇိရပါကာရော
သောဘဂဝါ ဣတိပိ အနုတ္တရော ပုရိသ ဒမ္မသာရထိ ။

၁၃ ။ သောဘဂဝါ ဣတိပိ ဝိဇ္ဇာစရဏသမ္ပန္နော
၀ိဇ္ဇာစရဏသမ္ပန္နော ၀တ သောဘဂဝါ
၀ိဇ်ဇာစရဏသမ်ပန်နံ သရဏံ ဂစ်ဆာမိ
၀ိဇ်ဇာစရဏသမ်ပန်နံ သိရသာ နမာမိ
တတိယော ၀ဇိရပါကာရော
သောဘဂဝါ ဣတိပိ ဝိဇ္ဇာစရဏသမ္ပန္နော ။

၁၄ ။ သောဘဂဝါ ဣတိပိ သတ္ထာဒေ၀ မနုဿ ာနံ
သတ္ထာဒေဝ မနုဿ ာနံ၀တ သောဘဂဝါ
သတ်ထာရံ ဒဝေ မနုဿ ာနံသရဏံ ဂစ်ဆာမိ
သတ်ထာရံ ဒဝေ မနုဿ ာနံ သိရသာ နမာမိ
သတ္တမော ၀ဇိရပါကာရော
သောဘဂဝါ ဣတိပိ သတ်ထာဒဝေ မနုဿ ာနံ။

၁၅ ။ သောဘဂဝါ ဣတိပိ သမ္မာသမ္ဗုဒ္ဓေါ
သမ္မာသမ္ဗုဒ္ဓေါ ၀တ သောဘဂဝါ
သမ်မာသမ်ဗုဒ်ဓံ သရဏံ ဂစ်ဆာမိ
သမ်မာသမ်ဗုဒ်ဓံ သိရသာ နမာမိ
ဒုတိယော ၀ဇိရပါကာရော
သောဘဂဝါ ဣတိပိ သမ္မာသမ္ဗုဒ္ဓေါ ။

၁၆ ။ သောဘဂဝါ ဣတိပိ ဗုဒ္ဓေါ
ဗုဒ္ဓေါ ၀တ သောဘဂဝါ
ဗုဒ်ဓံ သရဏံ ဂစ်ဆာမိ
ဗုဒ်ဓံ သိရသာ နမာမိ
အဋ္ဌမော ၀ဇိရပါကာရော
သောဘဂဝါ ဣတိပိ ဗုဒ္ဓေါ ။

၁၇ ။ သောဘဂဝါ ဣတိပိ အရဟံ
အရဟံ ၀တ သောဘဂဝါ
အရဟန်တံ သရဏံ ဂစ်ဆာမိ
အရဟန်တံ သိရသာ နမာမိ
ပထမော ၀ဇိရပါကာရော
သောဘဂဝါ ဣတိပိ အရဟံ ။

၁၈ ။ သောဘဂဝါ ဣတိပိ ဘဂဝါ
ဘဂဝါ ၀တ သောဘဂဝါ
ဘဂ၀န်တံ သရဏံ ဂစ်ဆာမိ
ဘဂ၀န်တံ သိရသာ နမာမိ
နဝမော ၀ဇိရပါကာရော
သောဘဂဝါ ဣတိပိ ဘဂဝါ ။

ဂုဏ်တော်ကွန်ချာဂါထာပြီးပါပြီ
~~~~~~~~~~~~~~~~~

ဂုဏ်တော်ကွန်ချာ ဂါထာအနက်မြန်မာပြန်
------------------------------------------

၁။ သော ဘဂဝါ ဣတိပိ အရဟံ၊အရဟံ ၀တ သော ဘဂဝါ၊
အရဟန်တံ သရဏံ ဂစ်ဆာမိ၊အရဟန်တံ သိရသာ နမာမိ၊
ပထမော ၀ဇီရပါကာရော၊သော ဘဂဝါ ဣတိပိ အရဟံ။

သောဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ ဤသို့ လူ နတ် ဗြဟ္မာ သတ္တဝါအပေါင်းတို့၏ ပူဇော်အထူးကို ခံယူတော်မူထိုက်သော အကြောင်းကြောင့်လည်း။ အရဟံ အရဟံမည်တော်မူပါပေ၏။
သောဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ၀တ၊ စင်စစ် ဧကန်အမှန်မလွဲ၊ လူ နတ် ဗြဟ္မာ သတ္တဝါအပေါင်းတို့၏ ပူဇော်အထူးကို ခံယူတော်မူထိုက်ပါပေ၏။
အရဟန္တံ လူ နတ် ဗြဟ္မာ သတ္တဝါအပေါင်းတို့၏ ပူဇော်အထူးကို ခံယူတော်မူထိုက်သော မြတ်စွာဘုရားကို သရဏံ ကိုးကွယ်အားထားရာဟူ၍ ဂစ္ဆာမိ ဆည်းကပ်ပူဇော်ပါ၏။
အရဟန္တံ လူ နတ် ဗြဟ္မာ သတ္တဝါအပေါင်းတို့၏ ပူဇော်အထူးကို ခံယူတော်မူထိုက်သော မြတ်စွာဘုရားကို သိရသာ ဦးခေါင်းရတနာ မြတ်အင်္ဂါဖြင့် နမာမိ ရှိခိုးကန်တော့ပါ၏။
ပထမော ရှေးဦးစွာသော ၀ဇိရပါကာရော အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။
သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ ဤသို့ လူ နတ် ဗြဟ္မာ သတ္တဝါအပေါင်းတို့၏ ပူဇော်အထူးကို ခံယူတော်မူထိုက်သော အကြောင်းကြောင့်လည်း။ အရဟံ အရဟံ မည်တော်မူပါပေ၏။

၂။ သော ဘဂဝါ ဣတိပိ သမ္မာသမ္ဗုဒ္ဓေါ၊ သမ္မာသမ္ဗုဒ္ဓေါ ၀တ သော ဘဂဝါ၊
သမ်မာသမ်ဗုဒ်ဓံ သရဏံ ဂစ်ဆာမိ၊သမ်မာသမ်ဗုဒ်ဓံ သိရသာ နမာမိ၊
ဒုတိယော ၀ဇီရပါကာရော၊သော ဘဂဝါ ဣတိပိ သမ္မာသမ္ဗုဒ္ဓေါ။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ တရားအလုံးစုံကို အကုန်အစင် ကိုယ်တော်တိုင် ထိုးထွင်းသိမြင်တော်မူသော အကြောင်းကြောင့်လည်း။ သမ္မာသမ္ဗုဒ္ဓေါ၊ သမ္မာသမ္ဗုဒ္ဓ မည်တော်မူပါပေ၏။

သော ဘဂဝါ၊ ထို ရွှေဘုန်းတော်သခင် ရှင်တော်မြတ်ဘုရားသည်။ ဝတ၊ စင်စစ် ဧကန် အမှန်မလွဲး။ သမ္မာသမ္ဗုဒ္ဓေါ၊ တရားအလုံးစုံကို အကုန်အစင် ကိုယ်တော်တိုင် ထိုးထွင်းသိမြင်တော်မူပါပေ၏။
သမ္မာသမ္ဗုဒ္ဓံ၊ တရားအလုံးစုံကို အကုန်အစင် ကိုယ်တော်တိုင် ထိုးထွင်းသိမြင်တော်မူသော မြတ်စွာဘုရားကို။ သရဏံ၊ ကိုးကွယ်ရာ အားထားရာဟူ၍။ ဂစ္ဆာမိ၊ ဆည်းကပ်ပူဇော်ပါ၏။
သမ္မာသမ္ဗုဒ္ဓံ၊ တရားအလုံးစုံကို အကုန်အစင် ကိုယ်တော်တိုင် ထိုးထွင်းသိမြင်တော်မူသော မြတ်စွာဘုရားကို။ သိရသာ၊ ဦးခေါင်းရ တနာ မြတ်အင်္ဂါဖြင့်။ နမာမိ၊ ရှိခိုးကန်တော့ပါ၏။
ဒုတိယော၊ နှစ်ခုမြောက်သော။ ဝဇိရပါကာရော၊ အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။
သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ တရားအလုံးစုံကို အကုန်အစင် ကိုယ်တော်တိုင် ထိုးထွင်းသိမြင်တော်မူသော အကြောင်းကြောင့်လည်း။ သမ္မာသမ္ဗုဒ္ဓေါ၊ သမ္မာသမ္ဗုဒ္ဓ မည်တော်မူပါပေ၏။

၃။ သော ဘဂဝါ ဣတိပိ ဝိဇ္ဇာစရဏသမ္ပန္နော၊ ဝိဇ္ဇာစရဏသမ္ပန္နော ၀တ သော ဘဂဝါ၊
၀ိဇ်ဇာစရဏသမ်ပန်နံ သရဏံ ဂစ်ဆာမိ၊ဝိဇ်ဇာစရဏသမ်ပန်နံ သိရသာ နမာမိ၊
တတိယော ၀ဇီရပါကာရော၊သော ဘဂဝါ ဣတိပိ ဝိဇ္ဇာစရဏသမ္ပန္နော။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ ဝိဇ္ဇာသုံးပါး၊ ဝိဇ္ဇာရှစ်ပါး၊ စရဏတရား တစ်ဆယ့်ငါး ပါးနှင့် ပြည့်စုံတော်မူသော အကြောင်းကြောင့်လည်း။ ဝိဇ္ဇာစရဏသမ္ပန္နော၊ ဝိဇ္ဇာစရဏသမ္ပန္န မည်တော်မူပါပေ၏။
သော ဘဂဝါ၊ ထို ရွှေဘုန်းတော်သခင် ရှင်တော်မြတ်ဘုရားသည်။ ဝတ၊ စင်စစ် ဧကန် အမှန်မလွဲး။ ဝိဇ္ဇာစရဏသမ္ပန္နော၊ ဝိဇ္ဇာသုံးပါး၊ ဝိဇ္ဇာရှစ်ပါး၊ စရဏတရား တစ်ဆယ့်ငါး ပါးနှင့် ပြည့်စုံတော်မူပါပေ၏။

ဝိဇ္ဇာစရဏသမ္ပန္နံ၊ ဝိဇ္ဇာသုံးပါး၊ ဝိဇ္ဇာရှစ်ပါး၊ စရဏတရား တစ်ဆယ့်ငါး ပါးနှင့် ပြည့်စုံတော်မူသော မြတ်စွာဘုရားကို။ သရဏံ၊ ကိုးကွယ်ရာ အားထားရာဟူ၍။ ဂစ္ဆာမိ၊ ဆည်းကပ်ပူဇော်ပါ၏။
ဝိဇ္ဇာစရဏသမ္ပန္နံ၊ ဝိဇ္ဇာသုံးပါး၊ ဝိဇ္ဇာရှစ်ပါး၊ စရဏတရား တစ်ဆယ့်ငါး ပါးနှင့် ပြည့်စုံတော်မူသော မြတ်စွာဘုရားကို။ သိရသာ၊ ဦးခေါင်းရ တနာ မြတ်အင်္ဂါဖြင့်။ နမာမိ၊ ရှိခိုးကန်တော့ပါ၏။
တတိယော၊ သုံးခုမြောက်သော။ ဝဇိရပါကာရော၊ အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။
သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ ဝိဇ္ဇာသုံးပါး၊ ဝိဇ္ဇာရှစ်ပါး၊ စရဏတရား တစ်ဆယ့်ငါး ပါးနှင့် ပြည့်စုံတော်မူသော အကြောင်းကြောင့်လည်း။ ဝိဇ္ဇာစရဏသမ္ပန္နော၊ ဝိဇ္ဇာစရဏသမ္ပန္န မည်တော်မူပါပေ၏။

၄။ သော ဘဂဝါ ဣတိပိ သုဂတော၊သုဂတော ၀တ သော ဘဂဝါ၊
သုဂတံ သရဏံ ဂစ္ဆာမိ၊သုဂတံ သိရသာ နမာမိ၊ စတုတ္ထော ၀ဇီရပါကာရော၊
သော ဘဂဝါ ဣတိပိ သုဂတော။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ နိဗ္ဗာန်သို့ သွားတော်မူတတ်သော အကြောင်းကြေင့်လည်း။ သုဂတော၊ သုဂတမည်တော်မူပါပေ၏။(တစ်နည်း) ဣတိပိ၊ ဤသို့ ကောင်းသောစကားကို ဆိုတော်မူတတ်သော အကြောင်းကြောင့်လည်း၊ သုဂတော၊ သုဂတမည်တော်မူပါပေ၏။
သော ဘဂဝါ၊ ထို ရွှေဘုန်းတော်သခင် ရှင်တော်မြတ်ဘုရားသည်။ ဝတ၊ စင်စစ် ဧကန် အမှန်မလွဲး။ သုဂတော၊ နိဗ္ဗာန်သို့ သွားတော်မူတတ်ပါပေ၏။ (တစ်နည်း) သုဂတော၊ ကောင်းသောစကားကို ဆိုတော်မူတတ်ပါပေ၏။
သုဂတံ၊ နိဗ္ဗာန်သို့ သွားတော်မူတတ်သော။ (တစ်နည်း) ကောင်းသောစကားကို ဆိုတော်မူတတ်သော မြတ်စွာဘုရားကို။ သရဏံ၊ ကိုးကွယ်ရာ အားထားရာဟူ၍။ ဂစ္ဆာမိ၊ ဆည်းကပ်ပူဇော်ပါ၏။
သုဂတံ၊ နိဗ္ဗာန်သို့ သွားတော်မူတတ်သော။ (တစ်နည်း) ကောင်းသောစကားကို ဆိုတော်မူတတ်သော မြတ်စွာဘုရားကို။ သိရသာ၊ ဦးခေါင်းရ တနာ မြတ်အင်္ဂါဖြင့်။ နမာမိ၊ ရှိခိုးကန်တော့ပါ၏။
စတုတ္ထော။ လေးခုမြောက်သော။ ဝဇိရပါကာရော၊ အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။
သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ နိဗ္ဗာန်သို့ သွားတော်မူတတ်သော အကြောင်းကြေင့်လည်း။ သုဂတော၊ သုဂတမည်တော်မူပါပေ၏။(တစ်နည်း) ဣတိပိ၊ ဤသို့ ကောင်းသောစကားကို ဆိုတော်မူတတ်သော အကြောင်းကြောင့်လည်း၊ သုဂတော၊ သုဂတမည်တော်မူပါပေ၏။

၅။ သော ဘဂဝါ ဣတိပိ လောကဝိဒူ၊ လောကဝိဒူ ၀တ သော ဘဂဝါ၊
လောကဝိဒုံ သရဏံ ဂစ္ဆာမိ၊လောကဝိဒုံ သိရသာ နမာမိ၊
ပဉ္စမော ၀ဇီရပါကာရော၊သော ဘဂဝါ ဣတိပိ လောကဝိဒူ။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ ကာမလောက၊ ရူပလောက၊ အရူပလောကတည်းဟူသော လောကသုံးပါးကို သိတော်မူတတ်သော အကြောင်းကြေင့်လည်း။ (တစ်နည်း) ဣတိပိ၊ ဤသို့ သတ္တလောက၊ သင်္ခါရလောက၊ သြကာသလောကဟုဆိုအပ်သော လောကသုံးပါးကို သိတော်မူတတ်သော အကြောင်းကြောင့်လည်း၊ လောကဝိဒူ၊ လောကဝိဒူ မည်တော်မူပါပေ၏။
သော ဘဂဝါ၊ ထို ရွှေဘုန်းတော်သခင် ရှင်တော်မြတ်ဘုရားသည်။ ဝတ၊ စင်စစ် ဧကန် အမှန်မလွဲး။ လောကဝိဒူ၊ ကာမလောက၊ ရူပလောက၊ အရူပလောကတည်းဟူသော လောကသုံးပါးကို သိတော်မူတတ်ပါပေ၏။ (တစ်နည်း) ဣတိပိ၊ ဤသို့ သတ္တလောက၊ သင်္ခါရလောက၊ သြကာသလောကဟုဆိုအပ်သော လောကသုံးပါးကို သိတော်မူတတ်ပါပေ၏။
လောကဝိဒုံ၊ ကာမလောက၊ ရူပလောက၊ အရူပလောကတည်းဟူသော လောကသုံးပါးကို သိတော်မူတတ်သော မြတ်စွားဘုရားကို (တစ်နည်း) ဣတိပိ၊ ဤသို့ သတ္တလောက၊ သင်္ခါရလောက၊ သြကာသလောကဟုဆိုအပ်သော လောကသုံးပါးကို သိတော်မူတတ်သော မြတ်စွာဘုရားကို။ သရဏံ၊ ကိုးကွယ်ရာ အားထားရာဟူ၍။ ဂစ္ဆာမိ၊ ဆည်းကပ်ပူဇော်ပါ၏။
လောကဝိဒုံ၊ ကာမလောက၊ ရူပလောက၊ အရူပလောကတည်းဟူသော လောကသုံးပါးကို သိတော်မူတတ်သော မြတ်စွားဘုရားကို (တစ်နည်း) ဣတိပိ၊ ဤသို့ သတ္တလောက၊ သင်္ခါရလောက၊ သြကာသလောကဟုဆိုအပ်သော လောကသုံးပါးကို သိတော်မူတတ်သော မြတ်စွာဘုရားကို။ သိရသာ၊ ဦးခေါင်းရတနာ မြတ်အင်္ဂါဖြင့်။ နမာမိ၊ ရှိခိုးကန်တော့ပါ၏။
ပဉ္စမော၊ ငါးခုမြောက်သော။ ဝဇိရပါကာရော၊ အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။
သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ ကာမလောက၊ ရူပလောက၊ အရူပလောကတည်းဟူသော လောကသုံးပါးကို သိတော်မူတတ်သော အကြောင်းကြေင့်လည်း။ (တစ်နည်း) ဣတိပိ၊ ဤသို့ သတ္တလောက၊ သင်္ခါရလောက၊ သြကာသလောကဟုဆိုအပ်သော လောကသုံးပါးကို သိတော်မူတတ်သော အကြောင်းကြောင့်လည်း၊ လောကဝိဒူ၊ လောကဝိဒူ မည်တော်မူပါပေ၏။

၆။ သော ဘဂဝါ ဣတိပိ အနုတ္တရော ပုရိသ ဒမ္မသာရထိ၊ အနုတ္တရော ပုရိသ ဒမ္မသာရထိ ၀တ သော ဘဂဝါ၊
အနုတ်တရံ ပုရိသ ဒမ်မသာရထိံ သရဏံ ဂစ်ဆာမိ၊ အနုတ်တရံ ပုရိသ ဒမ်မသာရထိံ သိရသာ နမာမိ၊
ဆဋ္ဌမော ၀ဇီရပါကာရော၊သော ဘဂဝါ ဣတိပိ အနုတ္တရော ပုရိသ ဒမ္မသာရထိ။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ ဆုံးမတော်မူရာ၌အတုမရှိမြတ်တော်မူသော အကြောင်းကြောင့်လည်း။ အနုတ္တရောပုရိသဒမ္မသာရထိ၊ အနုတ္တရောပုရိသဒမ္မ မည်တော်မူပါပေ၏။
သော ဘဂဝါ၊ ထို ရွှေဘုန်းတော်သခင် ရှင်တော်မြတ်ဘုရားသည်။ ဝတ၊ စင်စစ် ဧကန် အမှန်မလွဲး။ အနုတ္တရောပုရိသဒမ္မသာရထိ၊ ဆုံးမတော်မူရာ၌အတုမရှိ မြတ်တော်မူပါပေ၏။
အနုတ္တရောပုရိသဒမ္မသာရထိ ံ၊ ဆုံးမတော်မူရာ၌ အတုမရှိမြတ်တော်မူသော မြတ်စွာဘုရားကို။ သရဏံ၊ ကိုးကွယ်ရာ အားထားရာဟူ၍။ ဂစ္ဆာမိ၊ ဆည်းကပ်ပူဇော်ပါ၏။
အနုတ္တရောပုရိသဒမ္မသာရထိ ံ၊ ဆုံးမတော်မူရာ၌ အတုမရှိမြတ်တော်မူသော မြတ်စွာဘုရားကို။ သိရသာ၊ ဦးခေါင်းရ တနာ မြတ်အင်္ဂါဖြင့်။ နမာမိ၊ ရှိခိုးကန်တော့ပါ၏။
ဆဋ္ဌမော၊ ခြောက်ခုမြောက်သော။ ဝဇိရပါကာရော၊ အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။
သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ ဆုံးမတော်မူရာ၌အတုမရှိမြတ်တော်မူသော အကြောင်းကြောင့်လည်း။ အနုတ္တရောပုရိသဒမ္မသာရထိ၊ အနုတ္တရောပုရိသဒမ္မ မည်တော်မူပါပေ၏။

၇။ သော ဘဂဝါ ဣတိပိ သတ္ထာ ဒေ၀မနုဿာနံ၊ သတ္ထာ ဒေ၀မနုဿာနံ ၀တ သော ဘဂဝါ၊
သတ်ထာရံ ဒဝေမနုဿာနံ သရဏံ ဂစ်ဆာမိ၊ သတ်ထာရံ ဒဝေမနုဿာနံ သိရသာ နမာမိ၊
သတ္တမော ၀ဇီရပါကာရော၊သော ဘဂဝါ ဣတိပိ သတ္ထာ ဒေ၀မနုဿာနံ။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ နတ်၊ လူတို့၏ ဆရာတစ်ဆူဖြစ်တော်မူသော အကြောင်းကြောင့်လည်း။ သတ္ထာဒေဝမနုဿာနံ၊ သတ္ထာဒေဝမနုဿာန မည်တော်မူပါပေ၏။
သော ဘဂဝါ၊ ထို ရွှေဘုန်းတော်သခင် ရှင်တော်မြတ်ဘုရားသည်။ ဝတ၊ စင်စစ် ဧကန် အမှန်မလွဲး။ သတ္ထာဒေဝမနုဿာနံ၊ နတ်လူတို့၏ ဆရာတစ်ဆူဖြစ်တော်မူပါပေ၏။
သတ္ထာဒေဝမနုဿာနံ၊ နတ်လူတို့၏ ဆရာတစ်ဆူဖြစ်တော်မူသောမြတ်စွာဘုရားကို။ သရဏံ၊ ကိုးကွယ်ရာ အားထားရာဟူ၍။ ဂစ္ဆာမိ၊ ဆည်းကပ်ပူဇော်ပါ၏။
သတ္ထာဒေဝမနုဿာနံ၊ နတ်လူတို့၏ ဆရာတစ်ဆူဖြစ်တော်မူသောမြတ်စွာဘုရားကို။ သိရသာ၊ ဦးခေါင်းရ တနာ မြတ်အင်္ဂါဖြင့်။ နမာမိ၊ ရှိခိုးကန်တော့ပါ၏။
သတ္တမော၊ ခုနှစ်ခုမြောက်သော။ ဝဇိရပါကာရော၊ အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။
သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ နတ်၊ လူတို့၏ ဆရာတစ်ဆူဖြစ်တော်မူသော အကြောင်းကြောင့်လည်း။ သတ္ထာဒေဝမနုဿာနံ၊ သတ္ထာဒေဝမနုဿာန မည်တော်မူပါပေ၏။

၈။ သော ဘဂဝါ ဣတိပိ ဗုဒ္ဓေါ၊ဗုဒ္ဓေါ ၀တ သော ဘဂဝါ၊
ဗုဒ်ဓံ သရဏံ ဂစ်ဆာမိ၊ဗုဒ်ဓံ သိရသာ နမာမိ၊
အဋ္ဌမော ၀ဇီရပါကာရော၊သော ဘဂဝါ ဣတိပိ ဗုဒ္ဓေါ။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ သစ္စာလေးပါး တရားတို့ကို မိမိကိုယ်တော်တိုင်လည်းသိ၊ သတ္တဝါအများတို့အားလည်း သိစေတော်မူတတ်သော အကြောင်းကြောင့်လည်း။ ဗုဒ္ဓေါ၊ ဗုဒ္ဓမည်တော်မူပါပေ၏။
ဘဂဝါ၊ ထို ရွှေဘုန်းတော်သခင် ရှင်တော်မြတ်ဘုရားသည်။ ဝတ၊ စင်စစ် ဧကန် အမှန်မလွဲး။ ဗုဒ္ဓေါ၊ သစ္စာလေးပါး တရားတို့ကို မိမိကိုယ်တော်တိုင်လည်းသိ၊ သတ္တဝါအများတို့အားလည်း သိစေတော်မူတတ်ပါပေ၏။

ဗုဒ္ဓံ၊ သစ္စာလေးပါး တရားတို့ကို မိမိကိုယ်တော်တိုင်လည်းသိ၊ သတ္တဝါအများတို့အားလည်း သိစေတော်မူသောမြတ်စွာဘုရားကို။ သရဏံ၊ ကိုးကွယ်ရာ အားထားရာဟူ၍။ ဂစ္ဆာမိ၊ ဆည်းကပ်ပူဇော်ပါ၏။

ဗုဒ္ဓံ၊ သစ္စာလေးပါး တရားတို့ကို မိမိကိုယ်တော်တိုင်လည်းသိ၊ သတ္တဝါအများတို့အားလည်း သိစေတော်မူသောမြတ်စွာဘုရားကို။ သိရသာ၊ ဦးခေါင်းရ တနာ မြတ်အင်္ဂါဖြင့်။ နမာမိ၊ ရှိခိုးကန်တော့ပါ၏။
အဋ္ဌမော၊ ရှစ်ခုမြောက်သော။ ဝဇိရပါကာရော၊ အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ သစ္စာလေးပါး တရားတို့ကို မိမိကိုယ်တော်တိုင်လည်းသိ၊ သတ္တဝါအများတို့အားလည်း သိစေတော်မူတတ်သော အကြောင်းကြောင့်လည်း။ ဗုဒ္ဓေါ၊ ဗုဒ္ဓမည်တော်မူပါပေ၏။

၉။ သော ဘဂဝါ ဣတိပိ ဘဂဝါ၊ဘဂဝါ ၀တ သော ဘဂဝါ၊
ဘဂ၀န်တံ သရဏံ ဂစ်ဆာမိ၊ဘဂ၀န်တံ သိရသာ နမာမိ၊ နဝမော ၀ဇီရပါကာရော၊
သော ဘဂဝါ ဣတိပိ ဘဂဝါ။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ ဘုန်းတော်အနန္တ၊ တန်ခိုးတော်အနန္တတို့နှင့် ပြည့်စုံတော်မူသော အကြောင်းကြောင့်လည်း။ ဘဂဝါ၊ ဘဂဝါမည်တော်မူပါပေ၏။
ဘဂဝါ၊ ထို ရွှေဘုန်းတော်သခင် ရှင်တော်မြတ်ဘုရားသည်။ ဝတ၊ စင်စစ် ဧကန် အမှန်မလွဲး။ ဘဂဝါ၊ ဘုန်းတော်အနန္တ၊ တန်ခိုးတော်အနန္တတို့နှင့် ပြည့်စုံတော်မူပါပေ၏။

ဘဂဝန္တံ၊ ဘုန်းတော်အနန္တ၊ တန်ခိုးတော်အနန္တတို့နှင့် ပြည့်စုံတော်မူသောမြတ်စွာဘုရားကို။ သရဏံ၊ ကိုးကွယ်ရာ အားထားရာဟူ၍။ ဂစ္ဆာမိ၊ ဆည်းကပ်ပူဇော်ပါ၏။

ဘဂဝန္တံ၊ ဘုန်းတော်အနန္တ၊ တန်ခိုးတော်အနန္တတို့နှင့် ပြည့်စုံတော်မူသောမြတ်စွာဘုရားကို။ သိရသာ၊ ဦးခေါင်းရ တနာ မြတ်အင်္ဂါဖြင့်။ နမာမိ၊ ရှိခိုးကန်တော့ပါ၏။

နဝမော၊ ကိုးခုမြောက်သော။ ဝဇိရပါကာရော၊ အစွမ်းထက်မြတ် ဂုဏ်တော်ဓမ္မစက်ဖြင့် အကာအရံပြုခြင်းပါပေတည်း။

သော ဘဂဝါ၊ ထိုရွှေဘုန်းတော်သခင် ရှင်တော်မြတ်ဘုရားသည်။ ဣတိပိ၊ ဤသို့ ဘုန်းတော်အနန္တ၊ တန်ခိုးတော်အနန္တတို့နှင့် ပြည့်စုံတော်မူသော အကြောင်းကြောင့်လည်း။ ဘဂဝါ၊ ဘဂဝါမည်တော်မူပါပေ၏ ။

ဓမ္မမိတ်ဆွေများအားလုံး နိဗ္ဗာန်၏အထောက်အပံ့ဖြစ်ကြပါစေ...။🙏🏻🙏🏻

05/18/2025

ကုသိုလ်အားကြီးလာရင်
အားလုံးကအဆင်ပြေသွားမှာပါ အမှန်ပါပဲ
_________________________
ကုသိုလ် အမြဲလုပ်ပါ။
ဘဝမှာ အဆင်မပြေတာတွေ ကြုံတဲ့အခါတိုင်း ကုသိုလ်ကောင်းမှုကို ပိုပြီးပြုလုပ်ပါ။ အဆင်မပြေလို့ ဗေဒင်သွားမေးလည်း ကုသိုလ်လုပ်ခိုင်းတာပဲ မဟုတ်လား။ သူတို့အပြောကတော့ ယတြာချေတာပေါ့။

ဘယ်ဆရာမှ အကုသိုလ်လုပ်ခိုင်းပြီး ယတြာမချေခိုင်းဘူး။ ကုသိုလ်ပဲလုပ်ခိုင်းတာ။ အဲဒီလိုဆိုတော့ သူ့အားကိုးတာထက် ကိုယ့်အားကိုယ်ကိုးပြီး ကုသိုလ်တရား ကြိုးစားပွားရုံပေါ့။

အဆင်မပြေလည်း ကုသိုလ်လုပ်၊
အဆင်ပြေရင်လည်း ကုသိုလ်လုပ်၊
အတိုက်အခိုက်ကြုံရင်လည်း ကုသိုလ်လုပ်၊
အနှောက်အယှက်ရှိရင်လည်း ကုသိုလ်လုပ်၊
ပိုပြီးအဆင်မပြေရင် ပိုပြီးကုသိုလ်လုပ်၊
လုပ်နေရင်းနဲ့ကို ပိုဆိုးလာနေရင်လည်း
စိတ်ဓာတ်မကျနဲ့။

ယုံကြည်မှုအပြည့်၊ ဇွဲကြီးကြီးနဲ့သာ ဆက်လုပ်။ သေချာပေါက်ကို ကုသိုလ်က ကိုယ့်ကို
စောင့်ရှောက်ပါလိမ့်မယ်။
ယုံကြည်မှုနဲ့ ဇွဲရှိမှုကိုတော့ မလျော့စေနဲ့။

ဘဝမှာ ကုသိုလ်တွေ အားကြီးလာရင်
အကုသိုလ်တွေ၊ အဆိုးတွေ အားနည်းသွားမှာပဲလေ။ သောက်ရေခွက်လောက် ရှိတဲ့ ရေထဲကို
ဆားတစ်ကုတ်လောက် ပစ်ထည့်ရင် အဲဒီရေခွက် ငန်တူးသွားမှာပေါ့။

ရေအပြည့်ရှိနေတဲ့ ရေကန်ကြီးထဲကို ဆားတစ်ကုတ်လောက် ပစ်ထည့်ကြည့်ပါလား၊ ရေအရသာ ဘာမှပြောင်းမှာ မဟုတ်ဘူးလေ။ ရေက များနေတာကိုး။ ဒီလိုပဲ ကုသိုလ်တွေ အားကြီးနေရင် အကုသိုလ်ဟာ အသေးအမွှားလေးပဲ ဖြစ်သွားမှာပေါ့။

ဒါကြောင့် ကုသိုလ်ကောင်းမှုကို လျော့မတွက်ပါနဲ့။ အဆင်တစ်ခါမပြေတိုင်း ကုသိုလ်တစ်ခု တိုးလုပ်ပါ။ ပိုပြီးမပြေရင် ပိုပြီးလုပ်ပါ။

ကုသိုလ်အားကြီးလာရင် အားလုံးက
အဆင်ပြေသွားမှာပါ အမှန်ပါပဲ။

ပါချုပ်ဆရာတော်
ဒေါက်တာဘဒ္ဒန္တနန္ဒမာလာဘိဝံသ
Posted by Dharma Donator

🙏🙏🙏

05/17/2025

❝ မိဘကျေးဇူးကို အကောင်းဆုံး ဆပ်နည်း ❞
___________________________
၁။ ယုံကြည်မူ သဒ္ဓါတရား မရှိတဲ့ မိဘကို
ယုံကြည်မူ သဒ္ဓါတရား ရှိအောင်
သားသမီးက ပြောပေးနိုင်ရမယ်၊ဟုတ်ရဲ့လား။
အဲဒါ အကောင်းဆုံး ကျေးဇူးဆပ်နည်းနော်။

၂။ ကိုယ်ကျင့်တရား ပျက်စီးနေတဲ့ မိဘကို
ကိုယ်ကျင့်တရားသီလ ကောင်းသွားအောင်
ပြောပေးနိုင်ရမယ်။

၃။ နှမြောဝန်တိုတဲ့ မိဘကို ပေးကမ်းစွန့်ကြဲမူမှာ
ဝါသနာပါလာအောင် တိုက်တွန်းပေးနိုင်ရမယ်။
အဲဒါသည်သာလျှင် သူ့ရဲ့ ဘဝသံသရာတလျှောက်မှာ
ကိုယ်ဟာ ကောင်းအောင် လုပ်ပေးရာ ရောက်တယ်။
သဒ္ဓါ သီလ စာဂ မရှိတဲ့ မိဘကို
သဒ္ဓါ သီလ စာဂ ရှိအောင် တိုက်တွန်းပေးရမယ်။

၄။ ပညာမရှိတဲ့ မိဘကို ပညာရှိအောင်
ကြိုးစားပေးရမယ်။
အဲဒါဆိုလို့ရှိရင် မိဘကို ကျေးဇူးဆပ်ရာ
ရောက်ပြီလို့ ဘုရားဟောထားတယ်။

ဒါပေမယ့် ဒီနေရာမှာ စဉ်းစားတစ်ချက်တော့
ရှိတာပေါ့။ မိဘက ကိုယ့်ထက် ဒါနတွေ သီလတွေ
သဒ္ဓါတရားတွေ ပညာတရားတွေ ကြီးနေတာကာ
ရှိတယ်။ အဲဒါဆိုရင် သားသမီးတွေက အဲဒီနည်းနဲ့
ကျေးဇူးဆပ်လို့ မရဘူး။

ဒါပေမယ့် တတ်နိုင်သမျှ ဆွေးနွေးတာမျိုး
ဘာမျိုး ပြုရင်တော့ ကောင်းတာပေါ့။
သို့သော် တစ်ချို့က ကြံကြံဖန်ဖန် အကပ်ကိုင်မှာစိုးလို့
ဦးဇင်းက ပြောနေတာ ဟုတ်လား။

ပစ္စည်းဥစ္စာနဲ့ ကိုယ်က ကျေးဇူးမဆပ်ချင်တာနဲ့
ကိုင် အကောင်းဆုံး ကျေးဇူးဆပ်နည်း
တရားပဲ ဟောတော့မယ်ဆိုတော့ ကိုယ်ကလည်း
မိဘလောက် အဆင့် ရှိချင်မှလည်း ရှိမှာလေ။

အေး ဒါကတော့ မြတ်စွာဘုရားက
တကယ့် မိဘက ယုတ်ညံ့တဲ့နေတာမျိုး ဖြစ်ခဲ့မယ်ဆိုရင်
သားသမီးက မိဘထက် တော်တဲ့ အတိဇာတ
သားသမီးမျိုး ဖြစ်ခဲ့မယ်ဆိုရင်
ဒါလည်း ဖြစ်နိုင်တာမျိုးရှိတယ်။

အဲသလိုဆိုလို့ရှိရင် သိပ်တော်တဲ့ သားသမီးတွေက
မိဘတွေကို တွဲပြီးတော့ ခေါ်ဖို့ဆိုတဲ့ အဓိပ္ပာယ်ပေါ့။

(တစ်နည်းအားဖြင့်) ဒီဘဝ တိုတိုလေးအတွက်
ကျေးဇူးဆပ်တာမျိုး မဟုတ်ဘဲနဲ့
သံသရာတလျှောက်လုံးစာအတွက် မိဘကို
အကောင်းဆုံးဖြစ်အောင် လုပ်ပေးတာပေါ့။

အဲတော့ တကယ်လို့ မိဘက ကိုယ်ထက်
သိနေတယ်, တတ်နေတယ်ဆိုရင်လည်းပဲ
မိဘကို ရိပ်သာတွေ ဝင်ဖြစ်အောင်,
အလှူဒါနတွေ ပိုပြီးတော့ ပြုဖြစ်အောင်
သားသမီးက ပံ့ပိုးမယ်ဆိုရင်
အဲဒါ အကောင်းဆုံး ကျေးဇူးဆပ်တယ်လို့
ပြောလို့ ရတယ်။

ဒါကြောင့်---
မိဘကို ကျေးဇူး ဘယ်လို ဆပ်မလဲဆိုလို့ရှိရင်
(က) မိဘ မပြေလည်သည်အထိ ထိုင်စောင့် မနေပါနဲ့။
(ခ) ကိုယ် ပြေလည်သည်အထိလည်း ထိုင်စောင့် မနေပါနဲ့။
(ဂ) ရှိတဲ့ အခြေအနေထဲကနေ ဖြစ်သလို လုပ်ချင်တယ်ဆိုရင်
လုပ်လို့ ရပါတယ်။
(ဃ) အနည်းဆုံးတော့ ချိုသာတဲ့စကား, အေးချမ်းတဲ့
မေတ္တာတော့ ပေးနိုင်အောင် ကြိုးစားပါ။

⚜⚜⚜ အရှင်ဥတ္တမ (သစ္စာရွှေစည်)
"မိဘကျေးဇူး အထူးသိပါ"တရားတော်မှ ကူးယူ ပူဇော်သည်။
crd

05/10/2025

ဘုန်းကံ မမှိန်ပါစေနဲ့
——————-
လူမှာ ဘုန်းရှိန်၊ ကံရှိန် ဆိုတာ ရှိပါတယ်။

သူတစ်ပါးကို သွားပုပ်လေလွင့် ပြောတတ်တဲ့သူဟာ
ကိုယ်ရောင်ကိုယ်ဝါတွေ မှေးမှိန် သွားတယ်။

သူတစ်ပါးကို ဂုဏ်သတင်း မှေးမှိန်အောင်၊
သိက္ခာ ကျ သွားအောင် လုပ်ချင်တဲ့
စေတနာဇောတွေကြောင့် ကိုယ့်မှာလည်း
ဘုန်းရှိန်၊ ကံရှိန်တွေ သေးသိမ် မှေးမှိန်
သွားစေပါတယ်။

သူများမကောင်းကြောင်း ပြောလွန်းသူဟာ
ကိုယ်အရှိန်ဝါတွေ ဆုတ်ယုတ် နေပါတယ်။
သူများမကောင်းကြောင်း ပြောတတ်သူတွေရဲ့
မျက်နှာ၊ ကိုယ်အမူအရာတွေကို သတိထားပြီး
ကြည့်ကြည့်ရင် သိပ်သိသာပါတယ်။

ချမ်းသာမှန်သမျှ လိုချင်ရင်
သူများအတင်း မပြောနဲ့ တဲ့။
ဘုရားရှင်က ဒီလို ဆုံးမထားတယ် နော်။

သူများအတင်း၊ သူများအကြောင်းထက်
အကုသိုလ် ကင်းလား၊ မကင်းဘူးလား ဆိုတာ
ကိုယ့်ကိုယ်ကိုကြည့်ပြီး ကိုယ့်ကိုယ်ကိုပဲ ပြန်ပြီး
ဝေဖန်နေတာ အကောင်းဆုံးပါ ပဲ။

သူတစ်ပါးတို့ရဲ့မလျော်သော အပြစ်၊
အနာအဆာတို့ကို လိုက်ကြည့် မနေပါနဲ့။
သူက ကောင်းတာတွေ လုပ်နေတာလား၊
မကောင်းတာတွေ လုပ်နေတာလား ဆိုတာ
ကိုယ်နဲ့လည်း မသက်ဆိုင်တာမို့ လိုက်လံကြည့်ရှု
မနေပါနဲ့။

ကိုယ်ကိုယ်တိုင်က ကောင်းတာ လုပ်၊ မလုပ်ကိုပဲ
အမြဲမပြတ် စောင့်ကြည့်နေပါ၊ ကိုယ့်စိတ်ကိုသာ
အမြဲ စစ်ဆေးနေပါ တဲ့။

ပြီးရင် အတင်းပြော ဝါသနာပါသူကိုလည်း ရှောင်ပါ။
အတင်းအဖျင်း ပြောတတ်တဲ့ အသိုင်းအဝန်းမှလည်း
တတ်နိုင်သမျှ ဝေးဝေးက ရှောင်ပါ။

အတင်းအဖျင်း ပြောနေတဲ့အချိန်မှာ
ဒီ အဆင့်အတန်းနိမ့်တဲ့ စိတ်ကို ပြန်ပြီး
စမ်းစစ်ကြည့်ပါ။ အေးချမ်း၊ ကြည်လင် နေသလားလို့။

ကိုယ်အတင်းပြောတဲ့ အချိန်မှာ တစ်ဖက်လူ
ဂုဏ်တော်ပွားနေချိန်၊ မေတ္တာ ပွားနေချိန်၊
တရား နာချိန်၊ ပရိတ်ပဋ္ဌာန်း ရွတ်ဖတ် ပူဇော်နေချိန်၊
ကောင်းမှု ကုသိုလ် လုပ်နေတဲ့အချိန် တို့နဲ့
ကြုံ ကြိုက်ခဲ့တယ် ဆိုရင် ကိုယ့်မှာ ပိုပြီး
ကြောက်စရာ ကောင်းပါတယ်။


ပါချုပ်ဆရာတော်ကြီး
ဒေါက်တာ အရှင်နန္ဒမာလာဘိဝံသ
🙏🙏🙏

04/25/2025

မြတ်စွာဘုရားရှင်၏ ပုံတော်များ လွတ်လပ်စွာ သိမ်းဆည်းပူဇော်နိုင်ပါတယ်။ 🙏🙏🙏

04/21/2025

လူဆိုတာ အထိန်းအကွပ်လေးနဲ့နေရတယ်။
အတွေးသုံးမျိုးကို မတွေးနဲ့။
မကောင်းတဲ့အတွေးဟာ ဘာလဲဆိုရင်
သူများပစ္စည်း ကိုယ့်ပစ္စည်း ဖြစ်ချင်တဲ့အတွေး၊
ဒါကို အဘိဇ္စျာ လို့ခေါ်တယ်။
သူများပစ္စည်းကို ကိုယ်ပိုင်ဆိုင်ချင်တဲ့အတွေးဟာ ဘာကို ဖြစ်စေတတ်တဲ့အတွေးလဲ။
သူခိုး ဓားပြ ဖြစ်စေတဲ့အတွေး မဖြစ်ဘူးလား။
အဲဒီအတွေးဟာ အန္တရာယ်ရှိတဲ့အတွေး၊အကုသိုလ်အတွေး၊ မနောဒုစရိုက်လို့ ခေါ်တယ်။
နောက်....ဗျာပါဒ ဘာလဲဆိုရင်
ကိုယ်နဲ့မတည့်တဲ့ လူတစ်ယောက် စိတ်ထဲပေါ်လာရင်"ဟာ ....ဒီကောင်သေသွားရင် ကောင်းမှာပဲ၊ဒီကောင်စီးပွားတွေ ပျက်သွားရင် ကောင်းမှာပဲ၊ဒီကောင် ဒုက္ခရောက် ထောင်ကျသွားရင်
ကောင်းမှာပဲ "ဆိုတဲ့ အတွေး၊
အဲဒီအတွေးကို ဗျာပါဒအတွေးလို့ ခေါ်တယ်။
နောက်တစ်ခုက မိစ္ဆာဒိဌိ။
မိစ္ဆာဒိဌိဆိုတာ ကိုယ်လုပ်တာ ကိုယ်နဲ့ဆိုင်တယ်လို့မတွေးဘူး။
ကောင်းတာလုပ်လည်း ကောင်းတာ မဖြစ်ပါဘူး။
မကောင်းတာလုပ်လည်း ကောင်းတာဖြစ်တာပဲ။
မကောင်းတဲ့လူတွေ ကြီးပွားနေတာ ရှိတာပဲ။
ကောင်းတဲ့လူတွေ ဒုက္ခရောက်နေကြတယ်
စသည်ဖြင့် ကံကို မျက်စိလည်နေကြတယ် ။
တကယ်တော့ မကောင်းတာလုပ်ပြီး
ကြီးပွားနေတာတွေဟာ တစ်ချိန်တုန်းက
ကောင်းတာလုပ်ခဲ့လို့ ကောင်းကျိုးကို
ခံစားနေရတယ်လို့ ဒီလို တွက်ရမယ် ။
ကိုယ်က အခုမှ ကောင်းတာတွေ လုပ်တာ။
အကျိုးမပေးသေးဘူး
အခုမှ သရက်ပင်စိုက်တာ
သရက်သီး စားရပါ့မလား မစားရပါဘူး။
ကောင်းတာ အခုမှ လုပ်တာ
မကောင်းတာတွေ ကြုံနေရတယ်။
အတိတ်က မကောင်းတာတွေ
ဘယ်လောက် လုပ်ခဲ့မှန်းမှ မသိတာ ။
အဲဒါကြောင့် မှန်ကန်တဲ့အတွေးမှာ
ကံဆိုတာ ရှိတယ်။
ကံကို ငြင်းပယ်တာ " အကိရိယဒိဌိ " လို့ ခေါ်တယ်။
ကုသိုလ်ဆိုတာ မရှိပါဘူး။
အကုသိုလ်ဆိုတာ မရှိပါဘူး ဆိုတဲ့ငြင်းပယ်တဲ့ ဝါဒကို "အကိရိယဝါဒ " လို့ ခေါ်တယ် ။
အကိရိယဒိဌိဆိုတာ ကံကို လုံးဝ မယုံဘူးလေ။
နောက်"နတ္ထိကဒိဌိ"ဆိုတာ
ကံရဲ့အကျိုးတရားကို လက်မခံဘူး။
မကောင်းတာလုပ်လည်း မကောင်းကျိုး မဖြစ်ဘူး ။
ကောင်းတာလုပ်လည်း ကောင်းကျိုး မဖြစ်ဘူးလို့အကျိုးတရားကို ငြင်းပယ်တဲ့ဝါဒ။
နောက်တစ်ခုက"အဟေတုကဒိဌိ"
အကြောင်းတရားကို ငြင်းပယ်တာ။
ပေါင်းလိုက်လို့ရှိရင် ကံနှင် ကံအကျိုးကို
ငြင်းပယ်တဲ့ပုဂ္ဂိုလ်ဟာမိစ္ဆာဒိဌိ အမြင်ရှိသူသာ ဖြစ်တယ်။
အဲဒီလို မိစ္ဆာဒိဌိအယူဝါဒရှိတဲ့ ပုဂ္ဂိုလ်တစ်ယောက်ဟာ ကောင်းရာသုဂတိတောင်
မရောက်နိုင်ဘူးတဲ့။
သူသွားရမယ့်လမ်းကတော့ အပါယ်လေးဘုံပဲ ။
ဘာလို့တုန်းဆိုတော့ ....
သူက ကံကိုငြင်းပယ်ထားတော့
သူလုပ်ချင်ရာ လုပ်တော့မှာလေ ။
လူဆိုတာ အထိန်းအကွပ်ကလေးနဲ့ နေရတယ်။
အထိန်းအကွပ် မရှိဘဲ လုပ်ချင်တာ လုပ်ဆိုရင်
မကောင်းတာပဲ လုပ်ကြတော့မယ်။
ကောင်းတာဆိုတာ ရေဆန် လှော်ခတ်ရတာနဲ့
တူတယ်။
မကောင်းတာလုပ်တယ်ဆိုတာ
ရေစုန်နဲ့တူတယ် လွယ်တယ်၊မျှောချရုံပဲ ။
ဒ့ါကြောင့်မို့ အတွေးနဲ့ ပတ်သက်လာရင်
ခုနပြောတဲ့ အတွေးတွေ မတွေးနဲ့တဲ့...။
🙏🙏🙏🙏🙏
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

04/19/2025

မုနိလေးဆူ
🙏🙏🙏🙏

၁။ မဟာမုနိရုပ်ရှင်တော်
မန္တလေးတိုင်းဒေသကြီး၊ မန္တလေးမြို့။
၂။ ရှင်ကျော်မုနိ
ရခိုင်ပြည်နယ်၊ ကျောက်တော်မြို့။
၃။ ရွှေဘုံသာမုနိ
ပဲခူးတိုင်းဒေသကြီး၊ ပြည်မြို့တစ်ဖက်ကမ်း၊ ပန်းတောင်းမြို့။
၄။ ပြည်တော်ပြန် မာန်အောင်မြင်မုနိ
ဧရာဝတီတိုင်းဒေသကြီး၊ ဇလွန်မြို့။

————

#ဗုဒ္ဓံသရဏံဂစ္ဆာမိ🙏🙏🙏(မြတ်စွာဘုရားကို ကိုးကွယ်ရာဟူ၍ ဆည်းကပ်ပါ၏။)
#ဓမ္မံသရဏံဂစ္ဆာမိ🙏🙏🙏(တရားတော်မြတ်ကို ကိုးကွယ်ရာ ဟူ၍ ဆည်းကပ်ပါ၏။)
#သံဃံသရဏံဂစ္ဆာမိ🙏🙏🙏(သံဃာတော်မြတ်ကို ကိုးကွယ်ရာ ဟူ၍ ဆည်းကပ်ပါ၏။)

🌹 (၃၁)ဘုံအတွင်း ရှိကြကုန်သောဝေနေယျသတ္တဝါအားလုံး ကျန်းမာကြပါစေ။ ချမ်းသာကြပါစေ …

🌹 ဘေးရန်ကြောင့်ကြ ဆင်းရဲခြင်းမှ ကင်းဝေးကြပါစေ …

🌹 သဘာဝဘေးအန္တရာယ် အပေါင်းမှ လွတ်မြောက်ကြပါစေ ...

🙏🙏🙏

Credit: မူလရိုက်ကူးသူများ