07/05/2026
Ubutumire bwo gusanganira intumwa idasanzwe y’Imana izoza mu Burundi
________________________
Umwungere Mukuru wa Ekeziya y’i Bujumbura, acishije ku cariho ciwe muri Diyoseze, Musenyeri Anatole Ruberinyange, arasohoye ubutumire ku bakristu, kuri uyu wa Kane igenekerezo rya 7 Rusama 2026, bwo kuza gusanganira n’igishika cinshi umush*tsi w’iteka adasangwe azogendera Uburundi, Nyenicubahiro cane Cardinal TAGLE Luis Antonio G., azoba aje nk’intumwa idasanzwe ya Papa mu Burundi.
Nyenicubahiro cane Cardinal TAGLE Luis Antonio G. afasha Nyenubweranda Papa kurongora igisata c’ukumenyesha hose inkuru nziza mu bihe vya mbere hamwe n’ama Diyoseze Mashasha («Pro- Préfet de la section pour la Première Evangélisation et les Nouvelles Eglises particulières mu gifaransa»), azoshika mu Burundi ku musi wa Gatandatu igenekerezo rya 16 Rusama 2026.
Hatumiwe cane cane abasaserdoti, abihebeye Imana n’abakristu balayike muri rusangi, umwe wese mu cubahiro ciwe. Isaha yo gushika ku kibuga c’indege c’i Bujumbura ni isaha ya gatandatu ku mutaga (12h00).
Hazoba hariho abantu bajejwe kwerekana ikibanza c’aho kumurindirira. Bikaba bisabwe abazobishobora bose kuza gusanganira ku kibuga c’indege iyo ntumwa ya Papa idasanzwe iwacu no kumwakirana urweze.
Abakristu bo muri paruwase za Buterere, Gatumba na Maramvya, kubera ko bari hafi y’ikibuga c’indege, basabwe vy’umwihariko kuza ari benshi ngo baserukire abakristu b’i Burundi benshi bari kure.
Na ho abakristu bo mu maparuwase ya Nyakabiga, Mutima w’Ubwitonzi, St-Michel na Katedrale Regina Mundi, kubera ko bari hafi y’ikirimba c’umuserukizi wa Papa mu Burundi, ari na ho iyo Ntumwa y’Imana iwacu izoshikira, barasabwe kuza hafi y’ico kirimba kugira ngo mu gihe azoba ariko arashika bamuhe ikaze ari benshi. Isaha yo kuba bahash*tse ngo bamuhe ikaze ni isaha y’indwi ku mutaga (13h00).
Abarongoye amaparuwase basabwe gufasha cane kugira ngo abasaserdoti, abihebeye Imana n’abakristu balayike, baze basanganire ari benshi iyo Ntumwa y’Imana ku kibuga c’indege, hanyuma kandi bamuhe n’ikaze ridasanzwe aho azoshikira ku kirimba c’umuserukizi wa Papa mu Burundi.
Ubwo butumire mushobora kubusanga ku muhora w'amakuru ya Diyoseze:
https://archidiocesedebujumbura.bi/ik/at2555/
