Paroisse Saint Sauveur Nyakabiga

Paroisse Saint Sauveur Nyakabiga La Paroisse Saint Sauveur Nyakabiga est l'une des paroisses de l' Archidiocèse de Bujumbura, dans le Vicariat de Saint Michel.

Elle s'étend sur les quartiers de Nyakabiga, Bwiza et Jabe.

URUGENDO RW’IMIKANGARA Y’IMANA YO MURI PARUWASE MUKIZA MWERANDA YA NYAKABIGA MURI DIYOSEZE YA RUYIGI PARUWSE CANKUZOKuw’...
24/08/2026

URUGENDO RW’IMIKANGARA Y’IMANA YO MURI PARUWASE MUKIZA MWERANDA YA NYAKABIGA MURI DIYOSEZE YA RUYIGI PARUWSE CANKUZO

Kuw’ Imana Igenekerezo rya 16/08/2026, Imikangara y’ Imana yo muri Paruwase ya Mukiza mweranda Diyoseze Nkuru ya Bujumbura yaragize urugendo rugana muri Diyoseze ya Ruyigi neza na neza muri Paruwase yitiriwe Umweranda Tereziya w’ Umwana Yezu n’uwo mu maso heranda ya Cankuzo. Iyo mikangara y’Imana ifadikanije n’indemesha zabo, bagiwe imbere n’umwibutsamana w’ Imihari n’imigwi muri Paruwase ya Nyakabiga ari we Patiri Liévin NDAYISHIMIYE ikaba yahagurutse mu gaturuturu, isaha icumi n’imwe n’igice z’igitondo, bakaba bash*tse kuri Paruwase ya cankuzo isaha zine z’igitondo.

Bagishika, bakiriwe na Patiri mukuru wa Paruwase cankuzo Patiri Salvator NGENDABANYIKWA, imikangara y’Imana yo ngaho muri Paruwase nyene hamwe na Chorale Ingabire ya Mutima Mweranda.

Mu nsiguro y’ ijambo ry’ Imana ry’uwo musi yashikirijwe na Patiri Liévin NDAYISHIMIYE ari nawe yahereje iyo nkuka ya misa ahagatiwe n'abasaserdoti n’abadiyakoni barangurira ubutumwa muri iyo paruwase yaragarutse cane cane ko urukiza rw’ Imana rwagenewe abantu bose, ariko naho urwo rukiza rwagenewe bose, uwo ruheza rugashikira ari uwagaragaje ukwemera. Ngo ariko kandi, iyo umuntu ataravye neza,ukwemera kwiwe kuraheza kukabangamirwa n’abamukikije. Yaranamenyesheje ko abantu bose bafise ubutumwa bwo kumenyesha inkuru nziza ya Yezu, aca atangariza abari ngaho ko ari nabwo butumwa bwabazanye : kuremesha ukwemera no kuguhagararira mugihe abakristu ba kino gihe imbere y’uko bagaragaza ukwemera kwabo, babanza kuraba ko mu babakikije atabo badasangiye ukwemera barimwo ngo bahave babatwenga. Ati ʺturakwiye kugaragaza ukwemera kwacu mu tuntu dusanzwe kuko niho Umukama aheza akadusanga agaheza agakirurutsa imitima akongera agakiza benshi’’. Yabandanije avugako imikangara y’Imana ifise igikorwa co kumenyesha inkuru nziza,bakagaragaza ukwemera bakongera bakaguhagararira. Agirako ahamagarira abavyeyi kurungika abana babo mu murwi w’Imikangara y’Imana kuko biboneka ko abari muri ubwo butumwa ari bake cane ugereranije n’abana bari muri iyo paruwase.

Yahumurije aboba bibaza ko kuja mu mikangara y’Imana ari guta umwanya, abandi bakavuga ko ata mwana yavyawe n’abavyeyi bize yoja muri ivyo vy’ imikangara, ati ihibambewe ivy'imikangara y’Imana si ivy'abantu baciriritse gusa, kuko mu Nyakabiga nta barimyi bahari. Yamenyesheje ko kuba mu mikangara y’Imana bifasha mu kwungura ubumenyi bwiyongera kubwo baronka mw’ishure, bakamenyera kuba hamwe n’abandi ngo mbere birabafasha kumenya no kuvuga ijambo mu bantu bakuze, ubwoba bukabavamwo bagakura ari bazima. Yasavye abavyeyi kurungika abana babo kuko ubwo butumwa bwunganira Ekleziya mbere nabo bagakurira mu Mana.

Umwe mu rwaruka rw’ imikangara y’Imana yaserukiye abandi mw’ijambo ryiwe, yarashikirije indamutso kw’izina ryiwe, kw’izina ry’abo bagendanye no kw’izina rya benshi basigaye i Bujumbura bitakunze ko bashika mu Cankuzo kubera ingorane zo kwiyunguruza. Yaragaragaje akanyamuneza bafise ko kurenga imirambi baja kumenyesha inkuru nziza, bashimira Imana yo yashize mu ngiro icipfuzo bari bafise kuva kera ikanabayobora kuva i Bujumbura gushika mu Cankuzo. Yamenyesheje ko gasanzwe ari akamenyero kabo k’uko mu kiruhuko co mu ci, bama bagendera bagenzi babo, kakaba n’akaryo keza ko kuruhurira umutwe no kuruhuka gatoyi ubushuhe buba bubarembeje mu gisagara ca Bujumbura. Urwo rugendo rwababereye mbere akaryo keza ko kubona ibidukikije bishasha batari bazi nk’ibitoke bahora babona biza kw’ikinga, canke bakabibona ku munzane babipima, mbere bakibaza ko bimera mw’i butike, canke ko ari amashurwe manini manini. Baratangariye ikirere co mu cankuzo kuko co ata bushuhe bukirangwamwo nk’uko iwabo mu Nyakabiga bimeze.

Ngo nk’uko baca umugani mu kirundi ngo Inyoni iguruka yisunga igiti, ngo bahisemwo kugendera iyo paruwase kuberako Patiri mukuru wayo yakoreye ivyiza vyinshi imikangara yo mu Nyakabiga ngo ni akaryo keza ko kumushimira aca agirako asaba Imana ngo imuhezagire, imuhe kuramba yongere azokwame abona ivyiza. Yamenyesheje imikangara yo muri paroisse cankuzo ko bahiriwe ko bafise umuvyeyi akunda iterambere ry’umutima n’umubiri ku rwaruka.

Barasavye abasaserdoti ko bokwisunga wa mugani wa ba sokuru ngo agafuni kabagara ubumwe ni akarenge, maze bakabarungikira bagenzi babo bo mu cankuzo bakaza kubaramutsa i Bujumbura.

Ku bavyeyi nabo barereye mu mikangara y’Imana ngo barahiriwe kuko bareresheje uwabagabiye ariwe atanga ubuzima, agatanga ubwenge, akarera akigisha, agahanura, akagorora akongera akaba isoko rya ya ndero rukristu na runtu ari navyo nkenerwa mu rwaruka rwa paruwase.

Nayo Patiri Mukuru wa Paruwase Cankuzo, Patiri Salvator NGENDABANYIKWA yarakengurukiye Paruwase ya Mukiza Mweranda ya Nyakabiga yashimye kubarungikira imikangara y’Imana ngo baze kugiraho urugendo rw’ab' amisiyonari.Ngo yanezerewe kubw’urwo rugendo kuko ngo rwerekana ko kumenyesha inkuru nziza bishoboka kuri buri muntu wese mbere n’uwufise imyaka mike cane.

Yamenyesheje ko kahise afitaniye n’abana b’Imikangara y’Imana mu Nyakabiga kadasanzwe ngo kuko ngo kuva aronkejwe ubutumwa bwo kuba indemesha y'imikangara y'Imana ku rwego rwa Ekleziya y’ i Burundi mu mwaka wa 2013, ngo urwo rwaruka ni rwo yikozeko bategura indirimbo nyinshi zo kumenyesha inkuru nziza, kumwe n’ibikino vyiza vyatanzwe mu gihugu ca Canada kugira bifashe abandi bana batasenga, ngo bararemesheje kandi n’ibiganiro mu congereza bifasha abana bo muri Amerika, ngo bararemesheje ibiteramo vyinshi mu gihugu c’Uburundi, bagira n’ ingendo nyeranda nyinshi. Yabasavye kutarambirwa ngo Umukama Yezu yabatoye azobaha impera ibakwiye. Yagiriyeko abemerera ko nabo bazoza kubaramutsa.

Yarangije abashimira ku rugendo bagize yongera abasabira ko Imana yobaja imbere bagashika amahoro iyo baje bava.

🎼🎵🎶 Uyu musi Mariya, yurijwe mw'ijuru, yadugijwe iruhande y'Umwana wiwe.Kukaba nk'ako ni Umugabekazi, ni rembo ry'ijuru ...
15/08/2026

🎼🎵🎶 Uyu musi Mariya, yurijwe mw'ijuru, yadugijwe iruhande y'Umwana wiwe.Kukaba nk'ako ni Umugabekazi, ni rembo ry'ijuru ni nyaguhimbazwa , tumutere impundu tumukeze" 🎺🎤🎹🎷

Umusi mukuru mwiza w'Iyurizwa mw'ijuru rya Bikira Mariya kuri twese twamutoranyeko umuvyeyi.

Ku magenekerezo ya 29,30 na 31 ukwezi kwa mukakaro uyu mwaka, Paruwase ya Mukiza Mweranda yaratunganije ihwaniro ry’urwa...
11/08/2026

Ku magenekerezo ya 29,30 na 31 ukwezi kwa mukakaro uyu mwaka, Paruwase ya Mukiza Mweranda yaratunganije ihwaniro ry’urwaruka ku rwego rwa paruwase.

Iryo hwaniro ngarukamwaka ryari ryatunganijwe ku ciyumviro nshimikiro ngo Rwaruka, tube aba mbere mu gushingira intahe Yezu Kristu no kuba mu bumwe rikaba ryari ritumiwemwo abana urwaruka, imisore n’inkumi cane cane muri iki gihe c’ikiruhuko gikuru co muci. Muri iryo hwaniro kandi, buri munsi urwaruka rwararonkejwe akaryo kadasanzwe ko kuninahaza Imana, bararonswa inyigisho zitandukanye, bararonka akaryo ko kuzirikana inyigisho bahawe no kubaza ibibazo ku vyo badatahura bijanye n’inyigisho baronkejwe canke ibibazo bitandukanye bijanye n’ukwemera kwacu, bagaheza bagasozerera ku nkuka ya misa.

Ku musi wa mbere w’inyigisho, abari mw’ihwaniro bararonkejwe inyigisho ijanye n’ingene urwaruka rwomenya canke rwotahura imico, imigenzo n,inyifato iranga iyi si ya none n’ingene rwokwigenza (éthique mondial). Yisunze ijambo ry’Imana ryavuye mw’ikete Pawulo yandikiye Timote 4 :12-16 no mu nkuru nziza nk’uko yanditswe na Matayo 5 : 13-20, Patiri Liévin Ndayishimiye yarigishije abari ngaho uruhara rwabo ntangere mu gufasha isi kutagendera ku vyiyumviro vy’ikigihe bishira kure ukuri duhabwa n’inyigisho za Ekleziya mbere n’ingene bofasha bagenzi babo kwirinda kujana nyabahururu muri iki gihe inyigisho nyinshi zitangwa zitandukanye n’ukwemera gush*tse Ekleziya yigisha. Ijambo ry’urufatiro ry’izo nyigisho ryari Kuba umuco n’umunyu w’isi.

Ku musi ugira kabiri w’ihwaniro, barigishijwe ibijanye n’urukundo n’ubuzima ndoragitsina aho Pierre Claver Niyongabo yisunze ijambo ry’Imana ryo mw’ikete rya mbere Umutumwa Pawulo yandikiye abakristu b’i Korenti 6 :12-20 yabamenyesheje ko igicumuro cane cane ubusambanyi butosekaza umubiri n’umutima kandi umubiri wacu ari ingoro ya mutima mweranda. Yarabamenyesheje uko bokwigenza muri iki gihe ca none aho insiguro y’ijambo urukundo yahinduwe, benshi mu rwaruka bakaba basigaye baribona nk’ inzira yo kurenga ibwirizwa rya gatandatu.

Ku musi wa gatatu ari wo wasozereye iryo hwaniro, Fleury Duval Gateka yishimikije amajambo y’ Imana ari muri Matayo 5 :21-26, mw’ikete ryandikiwe abanya efezi4 :32 no muri Matayo 6 :14, nawe yaratanze inyigisho ishimikiye ku kurekuriranira yisunze ijambo ry’urufatiro rigira riti, subiza hamwe n’uwo mufitaniye amatati.

Akabirya rero karanze iryo hwaniro uyu mwaka, n’uko hari hategekanijwe n’inyigisho zo mu mirwi bita carrefours mu gifaransa. Izo nyigisho zari zerekeye guteka (cuisine), gukoresha neza kandi rukristu imbuga-hwaniro (réseaux sociaux), ukwitunganiriza imigambi (entrepreneuriat), umuziki n’intambo ndangakaranga (danse et musique), urukundo n’ubuzima ndoragitsina (amour et sexualite), hamwe n’itorwa (vocation)

Izo nyigisho zarabafashije abitavye ihwaniro kwunguka ubumenyi butandukanye cane cane ko umwe wese yaja mu mugwi we nyene yitoreye. Nko mu bijanye n’itorwa, barigishijwe ku muhamagaro wo kwubaka rukristu, ubusaserdoti no kwihebera Imana. Mu mugwi ujanye n’urukundo n’ubuzima ndoragitsina, barayaze ivyerekeye umugambi w’Imana ku rukundo ndoragitsina rw’umuntu, ko urwo rukundo Imana yaremanye umuntu, rumufatanya nk’umugabo n’umugore kugira ngo barondoke. Umusi ugira kabiri muri uwo mugwi nyene barabiye hamwe ugutakaza umurongo w’ubuzima bw’urukundo ndoragitsina (deviations se*****es) aho bamenyeshejwe ko umuntu ata umurongo mu gihe urukundo ndoragitsina rumwerekeza ku wundi muntu basangiye igitsina bisubiye, imibonano mpuzabitsina kuva kera nari ndi yamye igenewe abadasangiye ibitsina. Ku musi ugira gatatu naho, bayaze ku nyifato nshasha zo kwirekura zifatiye ku bigumbagumba vy’urukundo zijana mu buhumbu n’ingene umuntu yozirinda.

Mu mugwi ujanye no gukoresha neza imbuga hwaniro, barahawe icigwa kijanye no kumenyerezwa gukoresha neza imbuga hwaniro, ubuhinga ngurukanabumenyi n’ubwenge mva-ruganda (intelligence artificielle). Bararonse akaryo ko kuririmba no kwiga gutamba indirimbo ndoramana, indirimbo z’akaranga k’uburundi n’izabanyamahanga, abandi nabo bigishwa ingene bokwitunganiriza imigambi yo kwiteza imbere cane cane muri iki gihe c’uburuhuko maze bashobore gukura bamenyereye gukora no kwironderera bonyene amafararanga batarinze kuzera inze. Mu gikoni naho, barigishijwe guteka cane cane ko barangije ihwaniro bamaze kumenya ingene bateka amafiriti y’ibiraya hamwe n’umurete w’amagi menshi.

Urwaruka wari rwitavye iryo hwaniro rwarakengurutse cane inyigisho bahawe mbere bagirako bemerera unusaserdoti yahereje inkuka ya misa yo gusozera ko no hanyuma nibabatera akamo bazokwitaba ari benshi kugira bivotorere ubundi bumenyi bubafasha mu buzima bw’umutima n’ubw’umubiri.

Akandi karyo keza ko kugabana imigisha y' Imana. Abana,urwaruka, imisore n'inkumi,mwese, Turabahaye ikaze kwa Mukiza Mwe...
27/07/2026

Akandi karyo keza ko kugabana imigisha y' Imana.

Abana,urwaruka, imisore n'inkumi,mwese, Turabahaye ikaze kwa Mukiza Mweranda🙏

Uyu musi, urukino rw'umupira w'amaguru rwa kivandimwe ruraza guhuza Paroisse Saint Sauveur Nyakabiga na Paroisse Saint...
11/07/2026

Uyu musi, urukino rw'umupira w'amaguru rwa kivandimwe ruraza guhuza Paroisse Saint Sauveur Nyakabiga na Paroisse Sainte Anne yo ku Musaga, kuri uyu muhingamo w'uyu wa Gatandatu itariki 11/07/2026, isaha y'icenda ( 15h00)

Ngo ijisho ry'uwundi ntirigushimira umugeni. Kaze mwirabire ubukerebutsi n'ubuhinga biranga iyo mikangara yo kuri ayo ma Paroisses yacu,aho baza kutwereka urukino rw'akaroruhore.

Turabahaye ikaze mwese.

" Urukundo ruri n’ububasha kuko n’aho umuntu yoba ari mubi iyo umweretse urukundo ruratuma ahinduka."Ayo ni amajambo Umw...
06/07/2026

" Urukundo ruri n’ububasha kuko n’aho umuntu yoba ari mubi iyo umweretse urukundo ruratuma ahinduka."

Ayo ni amajambo Umwungere Mukuru wa Diyoseze Nkuru ya Bujumbura yashikirije Abakristu ba Paruwase Mukiza Mweranda ya Nyakabiga aho mu nkuka yahereje muri iyo paroisse.

Hari kuri uyu w’Imana igenekerezo rya 5 Mukakaro 2026, aho Nyenicubahiro umwepiskopi wa Diyoseze Nkuru ya Bujumbura Gerevazi Banshimiyubusa, yagendera paroisse Ya Mukiza Mweranda yo mu Nyakabiga mu nkuka ya misa igira kane, ikaba yatanguye igihe c’isaha zine n’iminota mirongo itanu.
Muri iyo misa yaherejwe na musenyeri mukuru ahagatiwe n’abasaserdoti barangurira ubutumwa muri iyo paruwase nyene, mu nsiguro y’ijambo ry’Imana, yamenyesheje umuryango w’abakristu ko Imana babwirizwa kwemera, kwishimira no gukurikira ari Imana yaje kw’isi nk’Umwami w’amahoro n’urukundo. Yabandanya agira ati : « Urukundo ruri n’ububasha kuko n’aho umuntu yoba ari mubi iyo umweretse urukundo ruratuma ahinduka. »

Arongera avuga ati Yezu Kristu niwe Mwami yaje aronderera ineza bose adacagura abamukunda n’abatamukunda, abamwiyumvamwo n’abatamwiyumvamwo kuko yari yuzuye urukundo rwugururiye bose rudacagura. Yezu niwe musa yaraba abantu akabona uko bifata n’uko bamerewe. Ni we abona umutima w’umwumwe wese muvyo tubayemwo akatwumvira impuhwe akabigaragaza avuga ati : « Nimuze mwebwe mwese murushe kandi muremerewe nzobaruhurira.»

Yaciye atumirira abakristu ko kobabera akaryo keza ko kwirimbura bakaraba uburuhe bafise kuko ngo umuntu arashobora kuruha ntabimenye ko yarushe. Arongera ati : « Burya iyo umuntu arushe aruhisha abandi.»
Musenyeri mukuru yamenyesheje ko uburuhe buri kwinshi; hari uburuhe bw’umubiri kandi ubwo akaba ari uburuhe bwiza, ariko kandi ngo hari n’uburuhe bw’umutima ubwo nabwo kenshi buragoye gukira. Hari n’uburuhe buva kuri kamere yacu yama ihengamiye ku nabi, mbere hakaba kandi n’uburuhe duterwa n’abandi. Yaciye abatumirira abarushe bose kuja kwa Yezu we abaruhurira biciye mu gusoma ijambo ry’Imana baryiroreshako, mu gusenga Imana mukuri be no mu kwakira Isakramentu ry’Ikigongwe. Yanatumiriye umuryango w’abakristu kwiyumvira ku bantu bose bo kw’isi barushe kandi baremerewe n’ubu buzima mu kubatura Imana kugira ngo iberekezeko inyonga zayo bashobore kuruhuka.

Mu gusozera, Umwepiskopi mw’ijambo ryiwe, yakengurukiye abakristu ku gikorwa c’iteka bariko bararangura co kwiyubakira ingoro y’Imana kandi bakabikorana ugushaka atagahato. Akaba yarangije abatera intege.

Diane Kezakimana
Paroisse Mukiza Mweranda
Diocèse Nkuru ya Bujumbura

Kaze duteramire Umukama ijoro ryose nawe aduhezagire.Ijambo ry'urufatiro rivuga riti " Murinze rugabo niho muzokiza imit...
02/07/2026

Kaze duteramire Umukama ijoro ryose nawe aduhezagire.

Ijambo ry'urufatiro rivuga riti " Murinze rugabo niho muzokiza imitima yanyu" ( Luc 21: 19)

Ni kuri uyu wa gatanu itariki 03/07/2026 kuva igihe c'isaha zitatu n'igice z'ijoro (21h30)

Murahawe ikaze.

Muri Paruwase Mukiza Mweranda hahimbajwe umusi mukuru w’Ubutatu Bweranda n’Isakramentu ryo gukomezwa muri Mutima Mwerand...
03/06/2026

Muri Paruwase Mukiza Mweranda hahimbajwe umusi mukuru w’Ubutatu Bweranda n’Isakramentu ryo gukomezwa muri Mutima Mweranda mu kanyamuneza ntangere.

Hari kuri uyu w’Imana w’igenekerezo rya 31 Rusama 2026 muri Paruwase ya Mukiza Mweranda yo mu Nyakabiga, hahimbajwe Umusi mukuru w’Ubutatu Bweranda n’Isakramentu ryo gukomezwa muri Mutima Mweranda mu nkuka ya misa ya kane. Abana bashika kumajana atatu akaba aribo batiwe muri Mutima Mweranda.
Intumwa y’umwungere akaba ari nawe amubereye icariho mu ntara y’ubutumwa bw’umwungere muri vikariya ya Saint Michel, Patiri Felix FUPI, ni we yarahagarariye ivyo birori. Munsiguro y’ijambo ry’Imana, yibukije abakristu ko Imana dusenga kandi dukorera ari imwe nsa mu Butatu Bweranda ; Data, Mwana na Mutima Mweranda. Umukristu wese igihe asenga yama yambaza kandi agahimbaza ubutatu Bweranda. No mu rumenyetso rw’umusalaba tugira, tuba turiko turerekana ko ivyo tugira dukore tubikora kw’izina rya Data na Mwana na Mutima Mweranda. Arongera ati : « Gutera urumenyetso rw’umusalaba hama ugaca ukora ibinyuranye n’ishaka ry’Imana uba uriko uratuka Imana, wotuma ubireka. »
Abana bakomejwe muri Mutima Mweranda nabo yabamenyesheje ko Mutima Mweranda ari we abagira ivyabona vy’abashingira intahe urukundo n’ukuri.
Nayo Patiri mukuru wa Paruwase Mukiza Mweranda, Edy KWIZERA, mw’ijambo yashikirije yipfurije abakomejwe muri Mutima Mweranda kuzigama neza iryo sakramentu bakanabifashwamwo n’abavyeyi babibarutse n’ab’umutima na canecane mu kubahimiriza kuja mu mihari n’imigwi y’ubutumwa kugira ngo bashobore kuronka aho babandaniriza kugaragariza izo ngabirano n’ubukomezi bwa Mutima Mweranda bagabanye.

Diane Kezakimana

Ng'aka ka karyo keza ko guteramira Umukama ijoro ryose......Ni kuri uyu wa Gatanu itariki 05 Ruheshi 2026 ariwo wa gatan...
01/06/2026

Ng'aka ka karyo keza ko guteramira Umukama ijoro ryose......

Ni kuri uyu wa Gatanu itariki 05 Ruheshi 2026 ariwo wa gatanu wa mbere w'ukwezi kwa Gatandatu.

Ijambo ry'urufatiro rivuga riti : "Bazokwihweza uwo basogose" ( Yohani 19: 37b)

Igiteramo kizotangura neza na neza 21h30.

Kaze, Umukama aduhezagire.

« Yezu arabegera ababwira ati :Naronse ubukuru bwose kw'isi no mw' ijuru, gende mwigishe abantu bose, mubabatize kw'izin...
13/05/2026

« Yezu arabegera ababwira ati :
Naronse ubukuru bwose kw'isi no mw' ijuru, gende mwigishe abantu bose, mubabatize kw'izina rya Data n'irya Mwana n'irya Mutima Mweranda, mubigishe gukora ivyo nabategetse. Nanje ndi kumwe namwe ubutakibavirira gushika ku muhero w'Isi. »
Mt 28, 18-20

Umusi mukuru mwiza wa Asensiyo kuri mwese.

Address

Bujumbura-Burundi
Bujumbura

Telephone

+25722215297

Website

Alerts

Be the first to know and let us send you an email when Paroisse Saint Sauveur Nyakabiga posts news and promotions. Your email address will not be used for any other purpose, and you can unsubscribe at any time.

Shortcuts

Share

Category