Zomi Catholic Community Melbourne

Zomi Catholic Community Melbourne ZCCM

01/06/2026

Catholic Nisim Lai Siangtho:
HUN NAUTAANG-NIPI KAAL ( 09) NA
NI NIH NI ( Tuesday )
02, June 2026 ( A-K*M )

Lai Siangtho Masa:
Peter, Laikhak Nihna sungpan simna ahi hi. ( 2Pet 3: 11-15,17-18 )

Hih bang zia-in na khempeuh kisusia khin ding ahih manin note siangtho-in Pasian’ thu umin na nuntakna dingun a bangci mi ahi dingin kilawm na hi uh hiam? Pasian’ Ni hong tun ding ngak gige-in Pasian’ thu lam na hanciam un, bang hang hiam cih leh tua Ni ciangin vantungte mei in kangtumin kisia ding hi. Vantung nate khempeuh sa lua-in tuisuak mang ding uh hi. Ahi zongin ama kamciam bangin eite in dikna a omna van thak le lei thak ngakin i om hi. Tua ahih manin kong itte aw, hih nate ngakin a om na hih manun note a nin baanglo, paubanna om loin nopna sungah amah in hong muh theihna dingin na hih theih tawpun na hanciam un. Eite in i it i sanggampa Paul in zong ama ngah pilna tawh kizui-in note lai hong khakna sungah a gelh mah bangin i T**a lungduai-in hong zekaina pen note hong hotkhiatna hi, ci-in na ngaihsun un.
Tua ahih manin no kong itte aw, hih thute thei khin na hih manun thu um lo mite’ khialhna ah kihelin na puk khak lohna dingun na kikem un. Ahi zongin eite’ T**a le Honpa Jesu Christu’ hong hehpihna le amah i theihna thu ah na khangto semsem un. Tu-a kipanin ama tungah a tawntungin minthanna om den ta hen! Amen.

Hih in Pasian' Kammal ahi hi.

Salan La kidawnna: ( La 90: 2-4,10,14,16 )

Dawngtawina:
T**a aw, a khang a khang a ka teen na mun uh nangmah na hi hi.

1. Mualte a pian ma, leitung le mihing ganhing khempeuh na bawl ma pekin, a tawntunga kipan a tawntung d**gin nangmah in Pasian na hi hi. D/

2. Namah in kote leivui nong suaksak kik a, No a sithei mite aw, leivui ah ciahkik un! na ci hi. Bang hang hiam cih leh nangma muhna ah k*m tul khat pen a beisa zanni ahih kei leh zan khanlawh khat tawh kibang hi. D/

3. Kote' nuntak hun sung pen k*m-sawm sagih hi a, cidam le-ung sawm giat bang hi thei ding hi; Tua hun sung nangawn gimna le haksatna tawh kidim a, tua ni hunte bei pakin, kote zong ka maimang uh hi. D/

4. Ka nuntak tawntungna uh lung damin ka kipak theihna dingun zingsangin na itna kip tawh kote hong lungkimsak in. Na nasemte' tungah na nasepna le amau tate' tungah na minthanna vang hong kilang ta hen. D/

PAHTAWI NA:

Alleluia, alleluia!
Pasian' thu in nungta-in gamta-a lungsim ngaihsutnate le lungtang' tupna sawmnate nangawn a khentel thei hi.
Alleluia!

Lungdamna Lai Siangtho:
Mark gelh Lungdamna Lai Siangtho sung pan simna ahi hi. ( Mk 12: 13-17 )

Tua khit ciangin amaute in ama kam tawh a mat theihna dingun Pharisee-te Herod pawlte Jesu kiangah a paisak uhi. Amaute hong pai uh a, Jesu' kiangah, Sia aw, nang thuman thutak a genpa na hi hi. Kuamah maivil nei loin, kuamah deidan na nei kei a, Pasian' thuman tawh kizui-in na hilh cih ka thei uhi. Tua hi-a Caesar' tungah siah piak tuak hiam, piak tuak lo hiam? Ka pia ding uh hiam, ka pia kei ding uh hiam? ci-in a d**g uhi. Ahih hangin Jesu in amaute' lungsim kawi a theih ciangin, Bang hangin kei hong ze-et na hi uh hiam? Denarius pek khat hong la unla hong veelsak un, a ci hi. Amaute in tua sum tang hong paipih uh a, Jesu in amaute' kiangah, Hih in kua lim hi-a, kua min ahi hiam ci-a a dot ciangin, Caesar' lim le min hi, ci-in a dawng uhi. Jesu in amaute' kiangah, Caesar tawh kisai nate, Caesar' tungah pia unla, Pasian tawh kisai nate, Pasian' tungah pia un, a ci hi. Amaute in amah lamdang a sa mahmah uhi.

Hih in T**a' Lungdamna Lai Siangtho ahi hi.

29/05/2026

Catholic Nisim Lai Siangtho:
HUN NAUTAANG NIPI KAAL (08) NA NIGUK NI
(Saturday) 30 May 2026 (A- K*M)

Lai Siangtho Masa:
Jude Lai Siangtho sung pan simna ahi hi. (Jude 1:17, 20-25)

Ahi zongin no, kong itte aw, i T**a Jesu Christu’ nungzuipite in note’ tungah hong genkholhsa thute phawk tawntung un.
Ahi zongin no, kong itte aw, note in a siangtho pen na upna tung uh ah no le no kikipsak semsem unla, Kha Siangtho sungah thu na ngen un.
Pasian’ itna sungah no le no na kikem unla, nuntak tawntungna ah hong makaih eite’ T**a Jesu Christu’ hehpihna na ngak un.
A um taktak zo lote na hehpih un; mei sung pan mi pawlkhat kaikhia-in na honkhia unla, adang pawlkhatte’ si-le-sa deihgawhna hangin nin tawh a kisawh puante nangawn kihhuai sa-in, launa tawh na hehpih un.
Tu-in note in lampi khialin na pukna uh panin hong kemin mawhna nei het lo a, lungnopna lianpi tawh a minthanna mai-ah hong tungsak, khat bek ahi Pasian’ tungah eite’ Honpa i T**a Jesu Christu tungtawnin tu ma hun, tu laitak, le a tawntungin minthanna, vangliatna, uk zawhna, le thuneihna om tawntung ta hen! Amen.

Hih in Pasian' Kammal ahi hi.

Salan La kidawnna: (La 63:2, 3-4, 5-6)

Dawngtawina:
T**a ka Pasian aw, ka lungsim khempeuh tawh nsng kong deih hi.

1. Pasian aw, nangmah in keima Pasian na hi hi, ka lungsim khempeuh tawh nang kong zong hi; ka kha in nangmah hong ngai-in a dangtak hi; ka pumpi in nang hong ngai hi, tui om lohna leikeu in tui a duh bangin nang kong lunggulh hi.

2. Tua ahih manin na vangliatna le na minthannate mu dingin biakinn sungah nangmah kong en hi. Na itna kip in nuntakna sangin hoihzaw ahih manin, ka muk tawh nang kong phat ding hi.

3. Tua ahih manin ka nuntak lai teng nangmah kong phat dinga, ka khutte nang lamah laamto-in thu kong ngen ding hi. Keima kha in anlim pente a ne bang in gilvah dinga; ka kam in zong lungtaina muk tawh nangmah hong phat ding hi.

Pahtawina:
Alleluia, Alleluia.
Ahi zongin T**a’ thu ahih leh, a tawntungin a kip hi,” ci-in Lai Siangtho sungah kigelh hi. Tua T**a’ thu pen note’ tunga hong kitangko Lungdamna thu ahi hi.
Alleluia.

Lungdamna Lai Siangtho:
Mark gelh Lungdamna Lai Siangtho sung pan simna ahi hi. (Mk 12:27-33)

Amaute Jerusalem khua ah hong tung kik uh a, biakinnpi tual ah Jesu a vak kawikawi laitakin, siampi makaite, lai siangtho siamte le upate ama kiangah hong pai uh a,
“Hihte bang thuneihna tawh bawl na hi hiam? Tuate hih theihna ding thuneihna kua in hong pia ahi hiam?” ci-in a d**g uh hi.
Jesu in amaute’ kiangah, “Kei zong khat kong d**g ding hi. Hong dawng un; tua ciangin ken zong bang thuneihna tawh hihte hih ka hi hiam, cih kong gen ding hi.
John’ tuisawpna thu koi pana hong pai ahi hiam? Vantung pan ahi hiam, mihing tung pan ahi hiam? Hong dawng un!” a ci hi.
Amaute khat le khat kinial uh a, “ ‘Vantung pan hong pai hi,’ ci le hang, ‘Tua ahih leh note in ama thu bang hangin um lo na hi uh hiam?’ hong ci zel ding hi.
Ahi zongin mihing’ tung pan hong pai hi,’ ci le hang, mipite i kihta hi, bang hang hiam cih leh, mi khempeuh in John pen kamsang taktak khatin a sang uh hi,” a ci uh hi.
Tua ahih manin amaute in, “Ka thei kei uh hi,” ci-in a dawng uh hi. Jesu in amaute’ kiang ah, “Ken zong hih nate kua thuneihna tawh ka bawl cih kong gen kei ding hi,” a ci hi.

Hih in T**a Lungdamna Lai Siangtho ahi hi.

26/05/2026

Catholic Nisim Lai Siangtho:
HUN NAUTAANG-NIPI KAAL (08) NA
NI THUM NI ( Wednesday )
27, May 2026 ( A-K*M )

Lai Siangtho masa.
Peter' Laikhak masa sung pan simna ahi hi.( 1 Pet 1:18-25 )

Na p**e na pate uh kiang pan na luah uh kimanna a nei lo nuntakna panin a kisia thei kham le ngun-a kipan nate tawh note a hong tankhia ahih loh lam na thei uhi. Pau-baanna le meelhemna a om lo tuuno ahi Christu ' sisan manpha tawh note a hong tankhia ahi hi. Leitung a pianma pekin amah kiteelin kiciamteh khin zo a, note' phattuamna ding tu hun nunung ciangin amah a hong lakkhia pan ahi hi. Amah a minthangsak Pasian na up theih nadingun sihna panin amah ki hingkiksak-a, ama hangin note in Pasian ' tungah upna le lametna a nei na hi uhi. Tu-in note in na sanggamte uh itna takpi na neih nadingun thuman thutak' thu mangin na khate uh siansuah khinta na hih manun khat le khat na lungsim takpi uh a, a si thei lo khaici ahi nungta-in a om tawntung Pasian ' thu hangin a thakin a hong suakkik na hi uhi. Bang hang hiam cih leh: "mihing khempeuh lopa bang lel hi uh-a, a minthannate khempeuh uh zong lopa pak tawh a kibang lel ahi hi. Lopate vulin keu-a, a pak zong a pulhmang hi. Ahi zongin T**a' thu ahih leh, a tawntungin a kip hi ," ci-in Lai Siangtho sungah kigelhhi. Tua T**a ' thu pen note' tunga hong kitangko Lungdamna thuthak ahi hi.

Hih in Pasian' Kammal ahi hi.

Salan La kidawn na. La. (147:12-13,14-15,19-20)
Dawngtawi na.
Jerusalem khuapi aw, T**a phat in!

1. Jerusalem khuapi aw, T**a phat in ! Zion aw, nangma Pasian phat in! Bang hang hiam cih leh amah in na kulh kongpi zawlte tosak a, a sunga om na tate thupha a pia hi. D/

2. Amah in na gam sungah kilemna bawl a, mangbuh hoih pente tawh nang hong kidimsak hi. Amah in leitung ah a thu hong sawl a, ama thupiakna manlang takin hong kizel.pah hi. D/

3. Amah in Jacob tungah a thuciam gen a, Israel tungah a thupiakte le a ngeina kipte a genkhia hi. Amah in tua bangin minam dang khat peuhpeuh tungah bawl lo hi:tua mite in zong ama thukhemte thei lo uh hi. T**a phat un! D/

PAHTAWI NA.

Alleluia, alleluia!
Ka Pa tung panin ka zak thempeuh
Note kiangah hong gen khin ka hih
Manin note, lawm,ka hong ci ding hi.
Alleluia!

Lungdamna Lai Siangtho.

Mark gelh Lungdamna Lai Siangtho sungpan sim na ahi hi. ( MK 10:32-45 )

Jerusalem khua panna lampi ah amaute a pai laitakun, a nungzuite' mai-ah Jesu a pai masa hi Amaute in lamdangsa vat uh a, amau a zui mite a lau uhi. Tua laitakin Jesu in sawm le nihte samkik a, amah in, " Jerusalem khuapi ah a pai ihi ta hi. Mihing' Tapa siampi liante le thukham hilhsiate' khut sungah kilehhekin a kipia ding hi. Amaute in amah thah dingin thu a khen khit uh ciangin, Gentile-te' khut ah a piakhia ding uhi. Tua mite in zong amah zahko-in, cil phih ding uh a, satgawpin a that ding uhi. Ni thum ciangin amah a thokik ding hi, " a ci hi. Tua ciangin Zebedee' tapate ahi James le John a kiangah va pai uhi. Amaute in, "Sia aw, kongnget peuhpeuh uh nong piak nading ka deih uhi, " a ci uhi. Amah in, " Note' tungah kong piak ding bang deih na hi uh hiam?" ci-in a d**g hi. Amaute in, " T**a aw, na minthanna sungah kote na taklam' khat, na veilam' khat ka tut theih nadingun thu hong pia in, " ci-in a ngen uhi. Jesu in, " Note in na hong nget uh na thei kei uhi. Ka dawn ding hai dawn zo ding na hi uh hiam? Ka thuak ding kituisawpna thuak zo ding na hi uh hiam?" a ci hi. " Ka hih zo ding uhi, " a cih uh ciangin, Jesu in amaute' kiangah, "Ka dawn ding hai na dawn takpi ding uh a, ka thuak ding kituisawpna zong na thuak takpi ding uhi. Ahih hangin ka taklam le ka veilam ah tut nading keimah in ka hong pia thei kei ding hi. A tu dinga a kiseh kholsa mite bek a tu ding uhi, a ci hi. Nungzui adang sawmte in hih thu a zak uh ciangin, James le John tungah a heh uhi. Jesu in amaute sam a, " Gentile-te' tungah a uk k*mpite, amaute' tungah ki liansak uh a, a uliante uh amau tungah a kithuneihsakna uh na thei uhi. Note' lakah ahih leh tua bangin ahi kei ding hi.Note' lakah mi lian a suak nuam peuhmah, na sila uh suak hen. Bang hang hiam cih leh, Mihing' Tapa in midangte na a semsak dingin hong pai hilo a, midangte'na asemding le mi tampi tankhia-in, a nuntakna a pia dingin a hong pai ahi hi, " a ci hi.

Hih in T**a' Lungdamna Lai Siangtho ahi hi.

26/05/2026

Catholic Nisim Lai Siangtho:
HUN NAUTAANG-NIPI KAAL (08)NA
NI NIH NI( Tuesday)
26, May 2026 ( A-K*M )

Lai Siangtho Masa:
Peter, Laikhak Masa sungpan simna ahi hi.( 1 Pet 1: 10-16)

Note ngah ding hih thupha kamsangte in zongin na kan uh a, hih hotkhiatna thupha mah gen belin na nei uh hi. Christu thuak gimnate ahi zongin, a hong kilang ding minthannate ahi zongin, amaute in a genkholh uh hun lai-in, kua in bang hunin Christu Kha Siangtho hangin theihsakna a ngah ding hiam, ci-in kid**gin a kankan uh pen tu-a thu mah ahi hi. Amaute hilh thute amaute aading hi loin, note aading bek ahihna thu, amaute kiangah kiteltakin a kipulaak hi. Tua ahih manin note kiangah lungdamna thupha hong tangko dingin Kha Siangtho in vantung panin hong sawl, amaute in tu-in note kiangah hong tangko uh ahi hi. Tua thute vantung mite nangawn in a thei nuam uh hi. Tua ahih manin na lungsim uh daaisakin kigingsa-in om un; Jesu Christu hong kilat hun cianga note hong kipia ding hehpihna thupha lametpi-in na nei un. Nidanga na theih nai loh uh hun lai-a na gamtat uh bangin gamta nawn loin, a thumang naupangte bangin na gamta un. Note hong sampa a siangtho mah bangin note zong na gamtatna khempeuh uh ah a siangtho mite na hi un. Bang hang hiam cih leh, Keimah, siangtho ka hih manin note zong na siangtho un, ci-in Lai Siangtho sungah kigelh hi.

Hih in Pasian' Kammal ahi hi.

Salan La kidawnna: ( La 98: 1,2-3, 3-4)

Dawngtawina:
T**a in ama gualzawhna kitheisak khin zo hi.

1. Amah in na lamdangte bawl khin ahih manin T**a' tungah la thak khat sa un! Ama khut taklam le ama khut siangthote in amahgualzosak hi. D/

2. T**a in ama hotkhiatna kilang khia-sak a, amah in minamte muhna ah ama thumanna a lakkhia hi. Amah in Israel-te' tunga ama itna kip le cihtakna a phawk hi. Leitung mi khempeuh in i Pasian' gual-zawhna mu khin uh hi. D/

3. Leitung mi khempeuh in i Pasian' gual-zawhna mu khin uh hi. Leitung mi khempeuh aw, T**a tungah lungdamin la sa un; lung-damin awng khia unla phatna la sa un! D/

PAHTAWI NA:

Alleluia, alleluia!
Vantung leh leitung T**a ahi ka Pa aw, mipilte leh misiamte tungah na ip hih thute, bangmah a thei lo hih mite tungah lak na hih manin ka nuam hi.
Alleluia!

Lungdamna Lai Siangtho:
Mark gelh Lungdamna Lai Siangtho sung pan simna ahi hi.( Mk 10: 28-31)

Peter in ama kiangah, En in, kote in ka neihsa khempeuh uh nusia-in nang kong zui uh hi, a ci hi. Jesu in, Ken a man takpi kong genin ah, kei hang ahi zongin, lung-damna thu hang ahi zongin a inn, a sanggampate, a sanggamnute, a nu, a pa, a tate le a lote a nusia peuhmah in, tu khang hunin bawlsiatna tawh innte, sanggampate, sanggamnute, nute, pate, tate, lote a zah za khat ngah loin omlo ding uh a, nung ciangin hong piang ding hunah zong nuntak tawntungna a ngah lo ding kuamah om lo hi. Ahih hangin a masa tampite nunung ding uh a, a nunung mi tampite a masa ding uhi, a ci hi.

Hih in T**a' Lungdamna Lai Siangtho ahi hi.

16/05/2026

Catholic Nisim Lai Siangtho:
P***A HUN NIPI KAAL (06) NA NIGUK NI
(Saturday) 16 May 2026 (A- K*M)

Lai Siangtho Masa:
Nungzuipite’ nasep (Sawltak) Lai Siangtho sung pan simna ahi hi. (Sawl 18:23-28)

Tua lai-ah hun sawtkhop a zat khit ciangin Galatia le Phrygia gam mun khat khit mun khat ah amah zin kawikawi-in thuzuite khempeuh hanthawnin tha a pia hi.
Tu-in Apollos kici Alexandria khua mi, Jew mi khat Ephesus khua ah a tung hi. Amah thugen siam a, Lai Siangtho a thei mahmah khat ahi hi.
Amah in T**a’ thuman Lampi limtaka a sin khinsa khat hi a, John’ tuisawpna thu bek thei hi napi-in, Jesu’ thu tawh kisai lawptak le siangtaka a hilh thei mi khat ahi hi.
Amah in kikhopna inn ah hangtakin thu a hilh hi. Priscilla le Aquila in ama thugen a zak uh ciangin a inn uh ah amah sam uh a, Pasian’ thuman Lampi’ thu a kicianzawin a hilhcian uh hi.
Tua ciangin amah, Achaia gamah pai nuam ahih manin, thuzuite in amah hanthawn uh a, tua lai-a om nungzuite in amah a na muakna dingun lai a khak uh hi.
Amah a tun’ ciangin hehpihna thupha hangin tua lai-a om thuzuite’ aading nakpi-in phattuamna a om hi.
Bang hang hiam cih leh, amah in mipite’mai-ah, “Jesu in Christu ahi hi,” ci-in Lai Siangtho tawh teltakin lak a, Jew mite tawh thu kiselin a zogawp hi

Hih in Pasian' Kammal ahi hi.

Salan La kidawnna: (La 46:2-3, 8-9, 10)

Dawngtawina:
Pasian pen leitung khempeuhte’ k*mpi ahi hi.

1. Mi khempeuh aw, khut beng un! Lungdamna la nakpi-in sa-in Pasian phat un. Bang hang hiam cih leh T**A, a Sang Penpa in kihtak huai a, leitung khempeuh tungah k*mpi lian penpa ahi hi.

2. Pasian in minamte khempeuh a uk Kumpi ahi hi; a siangtho ama tokhom tungah Pasian tu hi.

3. Minam khempeuhte’ uliante in Abraham’ Pasian’ minam a suak ding hong kikaikhawm uh hi. Bang hang hiam cih leh leitung’ lumte in Pasian’ aa ahi hi; amah a lianpi-in kitawisang hi!

Pahtawina:
Alleluia, Alleluia.
Eite’ adinga singlamteh tungah a kikhai T**a in, han sung pan thokik zo hi.
Alleluia.

Lungdamna Lai Siangtho:
John gelh Lungdamna Lai Siangtho sung pan simna ahi hi. (Jn 16:22-28)

Tua ni ciangin kei, bangmah nong ngen nawn kei ding uh hi. Ken a man takpi kong genin ah, note in keima min tawh Pa’ kiangah na nget peuhpeuh uh hong pia ding hi.
Tu d**gin ka min suangin bangmah na ngen ngei nai kei uh hi. A kicing lungdamna na ngahna dingun ngen un, na ngah ding uh hi.
“Hih thute gentehna tawh kong gen khin zo hi. Gentehna tawh gen loin, note’ kiangah kicianta ka Pa’ thu kong genna ding hun hong tung ta hi.
Tua ni ciangin note in ka min suangin thu na ngen ding uh hi; note’ aading Pa’ kiangah kong ngetsak ding hi, note’ kiangah kong ci kei hi.
Bang hang hiam cih leh, note in kei nong it uh a, Pa’ kiang pana hong pai ka hihna note in um na hih manun Pa mahmah in note hong it hi.
Keimah in Pa’ kiang pan hong pai-in leitung ah kong k*msuk hi. Khatvei leitung nusia-in Pa’ kiangah ka paikik ding hi,” a ci hi.

Hih in T**a Lungdamna Lai Siangtho ahi hi.

FATIMA TONU’ PAWINI(13 May 2026, Wednesday) 1917 k*m, May 13 ni-in, Portugal gam, Fatima khua neu khatah k*m (9) apha, L...
12/05/2026

FATIMA TONU’ PAWINI
(13 May 2026, Wednesday)

1917 k*m, May 13 ni-in, Portugal gam, Fatima khua neu khatah k*m (9) apha, Lucia in a innlak naute nih ahi, k*m (8) gual Francisco leh k*m (6) gual Jacinta te tawh Cova a ki cihna munah tuu cingin a om laitakun, Tehno singkung tungpan Tonu Maria amaute kiangah ki langh hi. Tonu Maria in a kang sitset puan leh atung pan Ngun mel puan tualpi pen a lu pan a khe d**g silhin diingin a om a mu uh hi. A khut nih gawmin a taklam khutah Khi thungetna a kang khat vial hi.
Tonu Maria in tua naupang thum te kiangah amah van tung pan hong pai ahihna gen hi. Tua ban ah kha sial ni (13) ni a tun sim in October kha d**g tua munah a pai na dingun ki ciamsak hi. Ama ii a kilahna thu leh amaute bang hih sak nuam cih damin kong gen ding hi ci-in zong Tonu in ki ciamna pia hi. Tua ki ciamnate zong a vek in ki cing khin hi.
Tua munah tua naupangnote kiangah Tonu Maria a kilah ma in tua naupang thum te kiangah vantungmi khat ki langh ngei in naupang te thungetna tom khat zong hilh ngei hi. Tua thungetna in “Ka Pasian aw, nang kong um hi. Kong bia hi. Kong lamen hi. Kong it hi. T**a aw, nang hong um lo, hong bia lo, hong lamen lo, hong it lo mite tangin kong thum hi”. Hih thungetna thum vei a nget khit ciangin amaute kiang pan vantungmi mang kik pah hi.
Tonu Maria a ki lah ciangin Lucia in “ka sih ciangin vantung gam ka tung ding hiam” ci-in a dot ciangin Tonu in “hi mah hi, na tung ding hi” ci hi. “Jacinta ee a pai kha dia” ci-in a dot leh “amah zong pai ding hi” ci-in dawng kik hi. “Francisco ee leh a pai kha dia” a cih leh Tonu in tawmvei sung bangmah gen lo-in thu khat peuh a ngaisun bangin a om khit ciangin “amah zong pai kha ding hi. Ahi zongin amah in Khi tampi a khin kul ding hi” ci-in dawng hi.
Tonu genna hangin Francisco in siangtho takin om denin, a hun ngah sim in khi khin den hi. Amah in ni khat in Khi gui 8-9 khin hi ki ci hi. Tua ban ah Tonu Maria in amaute kiangah khi (10) khin khit sim in a nget ding uh thungetna zong hilh hi. Tua thungetna amaute in ngen den uh aa, a nulepa te uh zong hilh in ngen sak uh hi. Tua thungetna in “Ka T**a Jesu aw, ko te mawhna hong mai sak inla, mei kuangpi tawh hong ki pelh sak tan. Mi khempeuh vantunggam nuampi hong tung sak inla, nong hehpihna a ki sam mite a tuam mahmah in hong huh tan” ahi hi.
Tonu in amaute kiangah leitung mawh nei mite ading thu a ngetsak nading uh, ki dekna te a bawl sak nading uh gen in hell khuk sungah a kia mi bangzah in tam hiam cih a theih nading un naupang thum te hell lak hi. Naupang te lau mahmah uh aa, hell khuk sungah hi zahtak in mi a tamna hangin lamdang sa mahmah uh hi.
Tonu kilahna thu a nini in ki zel semsem aa, tua munah mi tampi ki kaikhawm uh hi. Sebtember (13) ni-in tua munah mi (30000) bang ki kaikhawm uh hi. Tua bangin mi tampi a kaihkhopna hangin buaina apiang ding k*mpite lau uh a hih manin naupang thumte tua munah a pai nawnloh nangun khauh takin kham uh hi. Ahi zongin a mau khamna a mawkna suak ahih manin kham nawnlo in naupangte pai sak vet uh hi.
October (13) ni ahi, a nunung pen Tonu ki lahni in mipi (70000) kim bang ki kaikhawm hi. Tonu Maria in ama ki ciamna bangin tua ni-in na lamdang khat lak hi. Tua na lamdang in minute (10) sung Ni ki kiimvelh hi. Tua thu piang a mu mite lau in kap uh aa, amaute in um in teci pang uh hi.
Tua ciangin Lucia in Tonu kiangah nang kua hi aa, bang hangin hong pai na hi hiam ci-in a dot ciangin Tonu in “Kei-in Khi thungetna k*mpinu ka hi hi. Kei in thuzuite ki khel in a mawhna te hangin ki s***n Pasian kiangah mawhmaina a nget na ding uh a thei sak dingin hong pai ka hi hi. Gentheih haksatna, bawlsiatna a thuak ka tapa ii lungtang natna dingin a bawl nawnloh nang uh, Khi a khin na ding uh, a siangtho ka lungtang muangin amau leh amau ka lungtang sungah hong ki-ap na ding uh, kha sial amasa pen (Saturday) simin (5) vei ki zomin Siangtho Pumpi sangna tawh kei tawh a kibangin gim thuakna, ka tapa tawh a ki bangin gim thuaknate lungngai in mawhnadan lohna a bawl nangun a hi zongin, a gen dingin hong pai ka hi hi” ci hi.
Tua theihsakna thu te khempeuh pen Lucia in a kep suak na dingin vaikhak hi. Francisco in (1919) k*m, April kha in si aa, Jacinta in (1920) k*m, February kha in si hi. Amau nihte pen Tonu in vantunggam ah ka sam baih ding hi ci-in ki ciamna pia hi. Lucia ahih leh leitung ah tawm vei sung om suakin Tonu ii lungtang zahtak piakna ki zel sak hi. Lucia in Portugal gam, Carmelite nungak siangtho khat suak hi. 2005 k*m, February 13 ni-in Lucia si hi.

Khi thungetna Kumpinu aw…Kote a dingin thu hong ngetsak tan.

12/05/2026

Catholic Nisim Lai Siangtho:
P***A HUN-NIPI KAAL(06) NA
NI THUM NI ( Wednesday )
13, May 2026 ( A-K*M )

Lai Siangtho Masa:
Sawltakte' nasepte sung pan simna ahi hi. ( Sawl 17:15,22-18: 1 )

Paul a kha mite Athens khua d**g a kha uh hi. Tua ciangin Silas le Timothy a manlang theithei-in hong pai pahna ding thu Paul in a vaikhakkhit ciangin amante a ciah uhi. Tua khit ciangin Areopagus thu-khenna mai-ah Paul ding to a, No Athens mite aw, note in biakna lamah na hahkat mahmahna uhka thei hi. Bang hang hiam cih leh, lampi ah ka pai laitakin, na biakna taute uh ka et ciangin, A kithei lo Pasian' aading ci-a kigelh biaknatau khat ka mu hi. Keimah in na theih lohpi uh-a na biak uh Pasian' thu note konghilh ding hi. Leitung lea sunga om na khempeuh a bawl Pasian in van le lei a uk T**a hi-a, mihing' khut tawh a kibawl biakinnpite ah teeng lo hi. Amah in hinna tawh, naksuk naktohna a kipan na khempeuh hong pia hi. Na khatpeuh a deih ciangin mihingte' khut tawh huh ding kisam a omahi kei hi. Amah in mihing khat panin minam khem-peuh, bawl a, amaute leitung bup a luahsak hi. Amaute' aading hunte sehsak a, amaute' teenna ding mun ciat a sehsak hi. Mihingte in amah zong a, a muh khak zenzen leh cih deihna-in hihte ahih uh ahi hi. Tua bang i cih hangin T**a Pasian in eite khatciat kiang panin a gamla kei hi. Bang hang hiam cih leh, ama sungah eite nungta-in, i gam ta hi. Na la phuakte uh pawlkhat nangawn in, Eite ama suan ama khak ihi hi, a ci hi. Pasian' suan le khak ihih ciangin Pasian pen mihing' khutsiamna le gelsiamna tawh a bawl uh kham le ngun, ahih kei lehsuang tawh kibawl milimte tawh a kibang ahi hi, ci-a i ngaihsut ding kilawm lo hi. Pasian in mihingte' theih nai loh hunte a kiphawk mawh bawl hangin tu-in amau mawhna kisikkikna dingin mun khempeuh a mi khempeuhte' kiangah thu a pia zo hi. Bang hang hiamcih leh, amah in a sehkholhsa mipa zangin dikna tawh leitung mi khempeuh thu a khen ni ding a sehkhol khin zo hi. Hih thu thuman ahihna mi khempeuh' tungah a lahna-in, amah sihna pan a thokiksak hi, ci-in Paul in a gen hi. Amaute in misite' thawhkiknathu a zak uh ciangin pawlkhat in zah-pih uh a, ahih hangin adangte in, Hih thu nidang ciangin ka ngai kik nuam lai uh hi, a ci uhi. Tua ciangin amaute' kiang pan Paul a paikhia hi. Ahih hangin amaute kimkhat in Paul beelin thu um mi a suak uhi. Amaute' lakah Areopagus thukhen ulian Dionysius le Damaris kici numei khat le mi dang zong ahi uhi. Tua khit ciangin Athens khua pan Paul zinkhia a, Corinth khua ah a pai hi.

Hih in Pasian' Kammal ahi hi.

Salan La kidawnna: ( La 148:1-2,11-12,13.14 )

Dawngtawina:
Vantung leh leitung in T**a' minthan na tawh kidim hi.

1. Vantung panin T**a phat un la, a sangna panin amah phat un! Ama vantung mi khempeuh aw, amah phat un; ama mihonpite khempeuh aw, amah phat un. D/

2. Leitung k*mpite leh mihing khempeuh, leitung Uliante leh thukhente khempeuh! Nungakte leh tangvalte, teeksiate leh naupangte aw, T**a' min phat un. D/

3. Bang hang hiam cih leh amah bek a min lian hi a, ama minthan'na pen leitung leh vantung sangin zaw lai hi. D/

4. Amah in ama mite thahat sak a, ama mi siangthote khempeuh, ama mai-a om Israelte khempeuh in amah phat uhi. T**a phat un! D/

PAHTAWI NA:

Alleluia, alleluia!
Note, Christu tawh a thokikkhawmkhin takpi na hih uh leh, note in Pasian' taklam ah a tu Christu' omna, vantung thu tawh kisai nate ngaihsutin na nei un.
Alleluia!

Lungdamna Lai Siangtho:
John gelh Lungdamna Lai Siangtho sung pan simna ahi hi. ( Jn 16: 12-15 )

Keimah in note' kiangah gen ding thu tampi ka nei lai hi. Ahi zong in tu-in note in na sang zo nai kei ding uhi. Thuman thutak' Kha Siangtho hong pai ciangin, thuman thutak' thu a vekpi-in note hong hilh ding hi. Bang hang hiam cih leh, amah in ama ut bang hong gen ahi kei hi. Amah in a zak sa thute hong gen ding hi. Tua tham loin mai lam-a hong piang lai ding thute zong note hong hilh ding hi. Amah in ka minthanna hong pulaak khia ding hi. Bang hang hiam cih leh, amah in kei aa-te la-in note hong hilh ding hi. Pa' neihsa khem-peuh kei' aa ahi hi. Banghang hiam cih leh hih thu hang in amah in kei aa la-in note tung ah hong pulak khia ding hi.

Hih in T**a' Lungdamna Lai Siangtho ahi hi.

08/05/2026

Catholic Nisim Lai Siangtho:
P***A HUN NIPI KAAL (05) NA NIGUK NI
(Saturday) 09 May 2026 (A- K*M)

Lai Siangtho Masa:
Nungzuipite’ nasep (Sawltak) Lai Siangtho sung pan simna ahi hi. (Sawl 16:1-10)

Tua panin Derbe khua ah Paul tunga, tua ciangin Lystra khua ah a tung hi. Tua lai-ah Timothy kici nungzui khat a om hi. A nu in thuzui Jew numei ahi hi. A pa ahih leh, Greek mi ahi hi.
Lystra khua le Iconium khua a thuzuite in Timothy a phat mahmah uh hi.
Paul in a khualzinna ah amah tonpih nuam ahih manin a vun a atsak hi. Bang hang hiam cih leh tua gam a teeng Jew mite in a pa Greek mi ahih lam a theih khitsa uh ahi hi.
Amaute khuapi khat pan khuapi khat ah zin uh a, Jerusalem khua a nungzuipite le upate in a khensatsa uh thute tua mite in a zuihna dingun a gen kawikawi uh hi.
Tua ahih manin pawlpite upna ah kip sem sem uh a, ni simin kibehlapin a khang semsem uh hi.
Amaute in Phrygia gam le Galatia gam tawnin a paisuak khit uh ciangin Asia gamah Pasian’ thu a hilh ding uh Kha Siangtho in amaute a kham hi.
Mysia gamah a tun’ khit uh ciangin Bithynia gamah lut sawm uh a, ahi zongin Jesu’ Kha in amaute phal lo hi.
Tua ahih manin amaute in Mysia gam khengin Troas khua ah a paisuk uh hi.
Zan khat, Paul in mang a mu hi. Tua a mang sungah Macedonia mi khat dingin, “Macedonia gamah hong galkah unla, ko hong huh un,” ci-in a thum hi.
Paul in mang a muh khit ciangin Pasian in lungdamna thu a tangko dingin amaute’ kiangah hong sam hi, ci-in ngaihsun ahih manin Macedonia gamah a pai dingin a kithawi pah uh hi.

Hih in Pasian' Kammal ahi hi.

Salan La kidawnna: (La 99:1-2, 3, 5)

Dawngtawina:
Gam khempeuh aw, T**a’ tungah lungdamna aw gingsak un.

1. Gam khempeuh aw, T**A’ tungah lungdamna tawh kipakin la sa un!
Lungdamna tawh T**A na sem un! Ama omna ah la sa kawmin hong pai un! T**A, Pasian ahihna thei un! Eite hong bawlpa in amah hi a, eite in ama aa ihi hi; eite in ama mi ihi a, ama gankhahna sunga a tuuhonte ihi hi.

2. Lungdam kohna tawh ama kongpi ah lut unla, phatna tawh ama huang sungah tum un; ama tungah lungdam ko unla, ama min phat un!

3. Bang hang hiam cih leh T**A hoih hi; ama itna le a cihtakna a khang a khangin kip tawntung hi.

Pahtawina:
Alleluia, Alleluia.
Note Christu tawh a thokikkhawm khin takpi nahih uh leh note in Pasian’ taklam ah a tu Christu’ omna, vantung thu tawh kisai nate ngaihsut in nanei un.
Alleluia.

Lungdamna Lai Siangtho:
John gelh Lungdamna Lai Siangtho sung pan simna ahi hi. (Jn 15:18-21)

Leitung in note hong muhdah leh, note hong muhdah ma-in kei hong mudah ahi hi, ci-in na thei ta un.
Note in hih leitung tawh a kipawl na hih uh leh, leitung in ama mipawl note hong it ding hi.
Note in hih leitung tawh na kipawl kei uh hi, ahi zongin keimah in hih leitung lak panin note kong teelkhia hi; tua ahih manin hih leitung in note hong mudah hi.
‘Sila in a t**a sangin lianzaw lo hi,’ ci-in ka gensa thu na phawk un. Leitung mite in kei hong bawlsiat leh note zong hong bawlsia ding uh hi. Amaute in keima thugente a zuih uh leh note’ thu zong hong zui ding uh hi.
Ahi zongin amaute in kei hong sawlpa thei lo uh ahih manin, kei’ hangin tuate khempeuh note’ tungah hong bawl ding uh hi.

Hih in T**a Lungdamna Lai Siangtho ahi hi.

07/05/2026

Catholic Nisim Lai Siangtho:
P***A HUN-NIPI KAAL(05) NA
NI NGA NI ( Friday )
08, May 2026 ( A-K*M )

Lai Siangtho Masa:
Sawltakte' nasepte' sung pan simna ahi hi. ( Sawl 15: 22-31 )

Tua khit ciangin nungzuipite, upate le pawlpi bup in amaute' lakah, mi pawlkhat teelkhia-in Paul le Bar-sabbas tawh Antioch khua ah sawl dingin thu a khensat uhi. Amaute in sanggamte' lak-a mi theih ahi, Bar-sabbas kici Judas le Silas mi nih teel uh-a amaute laikhak a puasak uhi. Tua laikhak in hih bang ahi hi: Nungzuipite le upate, na sanggamte un, Antioch khua, Syria gam le Cilicia gam a om thuzui Gentile-te lai hong khakin kong hopih uhi. Kote' phalna ngah lopi-in mi pawlkhat note' kiangah hong pai uh a, amaute' thugente in note hong gimsakin na lungsim uh hong buaisak cih thu ka za uhi. Tua ahih ciangin kote ka thu kikupna uh ah mi pawl khat teelkhai-in i lawm-itte ahi Barnabas le Paul tawh no kiangah sawl khawm dingin ka thukim uhi. Amaute ini T**a Jesu Christu' min hanga a nun-takna a pia ngamte ahi uhi. Tua ahih ciangin kote in note' kiangah Judas le Silas kong paisakna uh hangin amaute in laikhak sunga thute amau kam mah mah uh tawh hong genkhiathei ding uhi. A kisam zuih ding thute simloh adang bangmah notungah van-gik kong suat loh nading uh, Kha Siangtho le kote in hoih sa-in ka kithukim uhi. Milim biakna ganhing sa ahi zongin, sisan ahi zongin, a gawl mek-a kithatsa ahi zongin nungak-tangval mawhna ahi zongin na tang ding uhi. Note in tuate na tan uh leh note' aadingin a hoih ding hi. Na cidamta un, ci-in lai a gelh uhi. Tua ahih ciangin tua mite in sawlna a ngah uh ciangin, amaute Antioch khua ah paisuk uh a, tua lai-a thuzuite kaikhawmin laikhak a pia uhi. Amaute in tua lai a sim uh ciangin tua hanthotna thupuakhangin a lung-dam mahmah uhi.

Hih in Pasian' Kammal ahi hi.

Salan La kidawnna: ( La 56:8-9,10-12 )

Dawngtawina:
T**a aw, mite lak pan nang tungah lungdamna kong ko ding hi.

1. Ka lung muang hi, Pasian aw, ka lung muang hi. La kasa ding a nakpi takin ka sa ding hi. Ka tho ding hi. Harp lasakna leh laiza la sakna aw, tho ta un! Zingsang khuavak hong phong ning! D/

2. T**a aw, mite lakah nang tung lungdamna kong ko ding a, minamte lakah nangmah phatna kasa ding hi. Bang hang hiam cih leh ka itna kip in vantung ban a, na thumanna in meiipi ban to hi. D/

PAHTAWI NA:

Alleluia, alleluia!
Ka tuute in ka aw a ngai uh hi. Keimah in ka tuute ka thei a, amaute in keima nung hong zui uhi.
Alleluia!

Lungdamna Lai Siangtho:
John gelh Lungdamna Lai Siangtho sung pan simna ahi hi. ( Jn 15: 12-17 )

Keima thupiak in, Keimah in no kong it mah bangin note khat le khat na ki-it un. Kummah in a lawmte' tang ding sih ngamna sanga itna lian-zaw a nei kuamah om lo hi. Note in ka thupiak bangin na zuih uh leh, ka lawmte na hi uhi. Keimah in tu-a kipanin note sila kong ci nawn kei ding hi. Bang hang hiam cih leh, silate in a t**a' sepnate a thei kei uhi. Ahi zong in Keimah in note, lawmte kong ci khin hi. Bang hang hiam cih leh, ka Pa' kiang pan ka zakthu khem-peuh note kong theisak khinzo hi. Note in kei nong teel kei uh a, keimah in note kong teel hi. Note pai-a gah gahin, na gah uh a kip tawntungna ding le keima min tawh Pa' kiangah na nget khempeuh uh amah in a hong piakna dingin keimah in note kong koih khinzo hi. Note khat le khat na ki-it un, cih thupiak kong pia hi.

Hih in T**a' Lungdamna Lai Siangtho ahi hi.

Address

Ringwood, Melbourne
Vic Australia
3134

Website

Alerts

Be the first to know and let us send you an email when Zomi Catholic Community Melbourne posts news and promotions. Your email address will not be used for any other purpose, and you can unsubscribe at any time.

Shortcuts

Share

Category