16/10/2025
પણ સર્વ વાતે અમે દેવના સેવકોને શોભે એવી રીતે વર્તીએ છીએ, બહુ જ ધીરજ રાખીને, વિપત્તિઓ વેઠીને, તંગીઓ સહીને, સંકટો ઉઠાવીને,
ફટકા ખાઈને, કેદ ભોગવીને, હંગામા સહીને, કષ્ટ વેઠીને, ઉજાગરા કરીને, લાંગણ વેઠીને,
શુદ્ધતા વડે, જ્ઞાન વડે, સહનશીલતા વડે, પરોપકાર વડે, પવિત્ર આત્માથી, નિષ્કપટ પ્રીતિથી,
સત્યના વચનથી, દેવના પરાક્રમથી; જમણે હાથે તથા ડાબે હાથે ન્યાયના હથિયારો વડે,
માન તથા અપમાન વડે, અપકીર્તિ તથા સુકીર્તિ વડે; ઠગ ગણાતા છતાં ખરા રહીને;
અજાણ્યા જેવા છતાં બહુ જાણીતા હોઈને; જાણે મરતા હોઈએ એવા છતાં, જુઓ, અમે તો જીવતા છીએ; શિક્ષા પામેલાઓના જેવા છતાં મારી નંખાયેલા નથી;
શોકાતુર જેવા છતાં સદા આનંદ કરનારા છીએ; દરીદ્રી જેવા છતાં ઘણાને ધનવાન કરનારા છીએ; નાદાર જેવા છતાં સર્વસંપન્ન છીએ.
૨ કરિંથીઓને પત્ર ૬/૪-૧૦
